لتاني مره الزيت يتاكل في فلوانس 2015

[yasser100]

أنا مستغرب بصراحة إن يكون عندك عربيات زي هوندا ومازدا (حضرتك كاتبهم في معلوماتك الشخصية) وبعدين تروح تشتري رينو !!!

أصلا.. عمري ما شفت واحد بيبيع رينو وزعلان عليها.

عموما.. رأيي تبيعها وتخلص منها أحسن.


...

ازيك يا باشا . و حشنى :)

الموضوع لا يابانى و ﻻ كورى و ﻻ اوروبى . الفلوينس نفس موتور و فتيس القاشقاى و السينترا مع تغيير هياكل العربيات فقط . افتح كبوت اي عربيه فيهم همه التلاته جنب بعض هاتلاقيهم واحد بالمسمار و الصاموله .

الموضوع فيه لعبة زيت مؤثره بس مش مفهومه .

[احمد زكي]

فلوانس موديل 2015 e3

اول مره ظهر عندي في عداد الدوائر عند 1400 كيلو 3 فاضين بعد 200 كيلو بقوا اتنين وبعد كده ظهرت الرساله

تاني مره بعد ما روحت التوكيل عداد الدوائر علي اخره بعد 1700 كيلو نقص وبقو 2 فقط اما المقياس في اقل مستواه

المشكله مش زيت w40 او w30 المشكله في الموتور

غير كده بعد تجربه ل 3500 كيلو العربيه مش اعتماديه هي شكل وبرستيج وركوبه بس متستحملش


وانا كمان مش بتاع جري ولا شد

[ramymechanics]

مبدئيا موضوع تغيير الموتور دة بطل من زمان و محدش بقى يغير مواتير .. اللى بيتغير بالف تبخير بلاستيك ثمنه حوالى 180 جنيه تقريبا و على حساب الضمان طبعا

هدئ من روعك بس و ان شاء الله خير .. ناس كتيرة اوى فالمنتدى و جروب الفيسبوك عملوا نفس المواضيع و قلقوا و محدش غير موتور لحد النهاردة منهم (انا بتكلم فى حالات ما بعد دكتور مصطفى مجدى من اكتر من سنة و شوية )

[تامر.محمد]

أنا مستغرب بصراحة إن يكون عندك عربيات زي هوندا ومازدا (حضرتك كاتبهم في معلوماتك الشخصية) وبعدين تروح تشتري رينو !!!

أصلا.. عمري ما شفت واحد بيبيع رينو وزعلان عليها.

عموما.. رأيي تبيعها وتخلص منها أحسن.

ده معناه ببساطة ان حضرتك ما عرفتش حد ركب رينو بعد رينو 5 مثلا هههههههههههههههههههههه
هي دعابة عموما

انا عايز اقول ان الميجان اللي سيرتها كلنا عارفينها , اللي بيبقى جايبها بنت ناس و بيبيعها بيبقى زعلان عليها , كتييييييييييييييييييييييييييير جدا شفتهم كده

[mohamedaghali]

الموضوع ده فعلا كان قديم كان اوائل 2014 و كان فى حالات فرديه و اتحل بقاله تقريبا سنه و ما ظهرتش المشكله تانى برغم زيادة مبيعاتها .

حصل معايا اللى حصل معاك بالظبط . عند ال 1000 كم ﻻحظت نقصان الزيت و روحت لهم و قالولى زيت الفابريكه نازل فى العربيه ناقص و زودناه و كمل به لغاية 1000 كم كمان و نشوف اذا نقص تانى هانغير الموتور .

بس انا طبعا ما عنديش استعداد افضل فى قلق 1000 كم . خرجت من عندهم و رميت الزيت بتاع توتال بتاعهم ده تانى يوم و حطيت موبيل 5w30 و غيرت الفيلتر و الحمد لله ما فيش حاجه نقصت تانى مللى ﻻ ديجيتال و ﻻ مانيوال و سافرت بها مشاوير طويله اكتر من1000 كم و هاتلاقينى كاتب موضوع عن تجربتى و المفروض من ساعتها و همه عرفوا حل المشكله .

حضرتك مش هاتقدر تعمل ده دلوقتى . كده ﻻزم تفضل معاهم لاخر المشوار او اطلب منهم تغيير الزيت تماما بزيت تانى و لزوجته 5w30 .

هل فى رساله ظهرت لك انه الزيت فى ادنى مستوى و ﻻ عدد الدوائر فى الديجيتال فقط نقص دايره او اتنين ؟ السؤال ده مهم تجاوبنى عليه

المؤشر الدجيتال دة فين

[Hany Saad]

أصلا.. عمري ما شفت واحد بيبيع رينو وزعلان عليها.



...

أنا !!

[mmsobhi]

أصلا.. عمري ما شفت واحد بيبيع رينو وزعلان عليها.

[mmsobhi]

انا العربيه بقالها 3 شهور معايا وعملت تقريبا 1000 كيلو والحمد لله تمام والواحد مبسوط جدا منها ولو رجع بيه الزمن هشتري الفلوانس برده...اي عربيه جديده ممكن يطلع فيها مشكله مش عيب .فيه ضمان وتوكيل كويس ورا السياره وبلاش الكلام اللي زي بيعها واخلص منها والكلام ده....الفلوانس احسن عربيه وامكانيات تحت ال200000 الف بدون مبالغه

[mohamedadel86]

أنا مستغرب بصراحة إن يكون عندك عربيات زي هوندا ومازدا (حضرتك كاتبهم في معلوماتك الشخصية) وبعدين تروح تشتري رينو !!!

أصلا.. عمري ما شفت واحد بيبيع رينو وزعلان عليها.

عموما.. رأيي تبيعها وتخلص منها أحسن.


...

ممكن اعرف تفسير للكلام ده .. هي رينو وصمة عار للدرجه دي .. هي رينو اندمجت مع جيلي وانا مش عارف

الحمد لله معايا فلوانس 7000 كيلو بزيت الفابريقه وماعنديش نقص في الزيت ولا حاجه

لو سمحتوا ياجماعه نعمل قسم خاص بالشكاوي علشان نحصر العدد ونعرف اذا كانت المشكله اتحلت ولا لا

تحياتي،

[yasser100]

ممكن اعرف تفسير للكلام ده .. هي رينو وصمة عار للدرجه دي .. هي رينو اندمجت مع جيلي وانا مش عارف

الحمد لله معايا فلوانس 7000 كيلو بزيت الفابريقه وماعنديش نقص في الزيت ولا حاجه

لو سمحتوا ياجماعه نعمل قسم خاص بالشكاوي علشان نحصر العدد ونعرف اذا كانت المشكله اتحلت ولا لا

تحياتي،

ما فيش موضوع حصر و ﻻ حاجه . صاحب الموضوع شارى العربيه من 9/2014

[احمد زكي]

،،،

هو انا قولت اني اشتريت العربيه في 9/2014 !!!!!

يمكن !!!!

[yasser100]

هو انا قولت اني اشتريت العربيه في 9/2014 !!!!!

يمكن !!!!

حضرتك فى موضوع سابق فى 30 / 9 / 2014 تقريبا كنت بتتكلم عن بعض الملاحظات اللى ظهرت عندك و السحب و ﻻ مش عربيتك ؟

[Hany Saad]

أعتقد دى أول مشاركة لحضرتك بعدالأستلام بتاريخ ٣٠ سبتمبر ٢٠١٤:

http://www.nilemotors.net/Nile/442804-a.html

و هنا بعض المشاكل اللى واجهت حضرتك بعد ٥٠٠ كم و كانت بتاريخ ١٣ أكتوبر ٢٠١٤:

http://www.nilemotors.net/Nile/444443-a.html

تحياتى

[yasser100]

مش عارف ازاى المشكله دى تظهر مع حضرتك بعد حوالى 8 شهور ؟؟ دى ما بتخدش وقت فى الظهور

[ahmed eltaib]

اي جهاز او معدات او عربيات جديده بيبقى فيها نسبة خطأ بسيطه في الانتاج ، و ممكن حظ اي واحد ان تيجي الحاجه المعيوبه في حظه
لكن الموضوع المهم بالنسبه لي هو كيفية تعامل وكيل السيارة او المعدة مع العيب ده ، هل هيعالج او هيسيبني اخبط راسي في الحيط ، يعني مثلا لما تيوتا غيرت مواتير عربيتها لوجود عيب بها ده يخلي اي حد يزداد ثقة في التيوتا و ليس العكس
انا مثلا كنت جبت لاب توب hp و طلع فيه عيب و وديته التوكيل و ادوني جهاز جديد غيره تماما و ده خلى كل تعاملاتي تبقى معاهم لثقتي فيهم
يعني العيب اللي ظهر في عربية حضرتك لا يعيب رينو لانها مش مشكله عامه ، لكن المهم تصرف التوكيل معاك
و ربنا ييسرلك امورك و تنهي المشكله دي على خير