التراب بيدخل جوه العربية

[mario maged]

كنت راكن الفلوانس و مغطيها بس جيت النهاردة اطلع بيها لاقيتها كلها تراب من جوة
فمش عارف ازاي التراب دخل جوة العربية و ردمها تراب كده و التابلوه عليه كوم تراب
فبسأل ازاي امنع ان التراب يدخل جوة العربية كده؟

[amr011111]

تطلع بيها على التوكيل وتهزأهم غالباً هتلاقى كاوتش الابواب مش محكم وهوه ده اللى بيدخل التراب
والاسوأ ان لو شغلت التكييف هتلاقى التبريد مش كويس وكمان الفريون هيخلص بسرعه

[yasser_0339]

متابع

[fepsceasar]

اقفل الهوايات وشوف احكام الابواب
هل فى حد ممكن يظبط احكام الابواب برة التوكيل؟؟؟

[A.Saad]

متابع

[mario maged]

اقفل الهوايات وشوف احكام الابواب
هل فى حد ممكن يظبط احكام الابواب برة التوكيل؟؟؟

اقفل الهوايات اللي على الاجناب من البكره اللي تحتهم و لا في زرار يقفلي كل الهوايات عشان اللي في النص مالهمش بكره

[ahmed eltaib]

غالبا ..... عارف الزرار اللي في العربية اللي بيخلي التكييف يشتغل على الهوا من داخل العربية بس ، اضغط عليه عشان بالطريقة دي بتقفل الهوايات تماما و بكده تمنع اي تراب من بره العربية و اللي لو ماقفلتش الهوايات غالبا هيبدل العربية في الايام اللي فيها عواصف و هوا جامد ، و غالبا هو ده سبب اللي حصل لحضرتك

[mario maged]

غالبا ..... عارف الزرار اللي في العربية اللي بيخلي التكييف يشتغل على الهوا من داخل العربية بس ، اضغط عليه عشان بالطريقة دي بتقفل الهوايات تماما و بكده تمنع اي تراب من بره العربية و اللي لو ماقفلتش الهوايات غالبا هيبدل العربية في الايام اللي فيها عواصف و هوا جامد ، و غالبا هو ده سبب اللي حصل لحضرتك

حضرتك الزرار ده مش بيشتغل غير لما اشغل التكيف يعني لو دوست عليه مش بينور غير لو شغلت التكيف

[ahmed eltaib]

حضرتك الزرار ده مش بيشتغل غير لما اشغل التكيف يعني لو دوست عليه مش بينور غير لو شغلت التكيف

بصراحه انا مش عارف ايه نظام الفلوانس ، انا كان عندي النترا و نوبيرا و كان بيشتغل بدون التكييف ، بس لازم تكون فيه وسيلة لقفل الهوايات تماما في العربية ، يا اما انت لو حتى ماشي على سرعة عاليه هتلاقي هوا داخل منهم

[aymanshebl]

ممكن الهوايات السبب

[yasser100]

يا باشا الفرنساويين عالم دماغهم عاليه شويه و فاكرين كل البلاد نضيفه زيهم ما يعرفوش اللى فيها هههه .

بص ال default بتاع الهوايات فى الفلوينس انه مفتوح على طول علشان باستمرار يعمل fresh air خصوصا لما تكون هاتسوق الصبح و الجو تلج و هاتقفل الزجاج زى عندهم يعنى .

علشان يعملوا لك تهويه مستمره . ﻻزم تفتح التكييف بتاع العربيه و تقفل زرار تدوير الهواء من الخارج و بعدين تقفل التكييف تانى .

ده مش عيب و ﻻ حاجه . ده نظام نازل فى تهوية السياره . ما يعرفوش الوضع عندنا عامل ايه . :) . ما تقلقش ما فيش حاجه فى الابواب او الكاوتش .

[mario maged]

يا باشا الفرنساويين عالم دماغهم عاليه شويه و فاكرين كل البلاد نضيفه زيهم ما يعرفوش اللى فيها هههه .

بص ال default بتاع الهوايات فى الفلوينس انه مفتوح على طول علشان باستمرار يعمل fresh air خصوصا لما تكون هاتسوق الصبح و الجو تلج و هاتقفل الزجاج زى عندهم يعنى .

علشان يعملوا لك تهويه مستمره . ﻻزم تفتح التكييف بتاع العربيه و تقفل زرار تدوير الهواء من الخارج و بعدين تقفل التكييف تانى .

ده مش عيب و ﻻ حاجه . ده نظام نازل فى تهوية السياره . ما يعرفوش الوضع عندنا عامل ايه . :) . ما تقلقش ما فيش حاجه فى الابواب او الكاوتش .

قصد حضرتك اني ادوس على زرار تدوير الهوا اخليه ينور و بعد كده ادوس off للتكيف؟

[yasser100]

قصد حضرتك اني ادوس على زرار تدوير الهوا اخليه ينور و بعد كده ادوس off للتكيف؟

تمام و بعدين اقفل التكييف .

[mario maged]

تمام و بعدين اقفل التكييف .

طب هو مش لما بقفل التكيف نور الزرار ده بيطفي ؟ معنى كده انه فتح الهوايات تاني و لا لا؟
و كان عندي استفسار تاني بعد اذن حضرتك
السماعات مش مكتوب عليها اسم الماركة bose زي ما موجود في صور العربية

[yasser100]

طب هو مش لما بقفل التكيف نور الزرار ده بيطفي ؟ معنى كده انه فتح الهوايات تاني و لا لا؟
و كان عندي استفسار تاني بعد اذن حضرتك
السماعات مش مكتوب عليها اسم الماركة bose زي ما موجود في صور العربية

بيفضل مقفول على الوضع اللى انت قفلت عليه و اول ما تشغله تانى بتتفتح اوتوماتيك و ده الصح . لانه المفروض اول ما تشغل التكييف يدخل معاه هوا فريش فى الاول علشان لو فيه ريحه اوا او اى حاجه فى الفلاتر .

اعتقد انه نظام bose بسمعاته كان فى الفلوينس الموديل السابق و غيروا النظام كله فى الفيس ليفت لنظام arkamys فرنساوى بسمعاته .

http://m.youtube.com/watch?v=Cj8BtVs1RvI