حيرة شديده بين شارك 2015 هاي لاين و فلوانس 2015 e3 ...الرجاء المساعده

[M A E]

يا جماعه ارجوكم ساعدوني عشان انا خلاااااااأص تعبت من الحيرة ...محتار ما بين
1 - شارك 2015 الهاي لاين ...المفروض انها ب 165000 و فيها كل حاجه فتحة سقف و بصمة و نواكل و و و و

2 - فلوانس 2015 e 3 .. اللي هي المفروض ب 168000

[zangry]

فلوانس

[ALshahba]

1-للفخامه .....فلوانس
2-اعلي كماليات .... فلوانس
3-احدث تكنولوجيا فتيس ....فلوانس

ولا ننكر ان الشارك بها موتور mivec مميز وصالون واسع وعاليه عن الارض وقطع غيار تعتبر ارخص لانتشارها

خليك في الجديد

[hany63]

مشاويرك اغلبها سفر يبقى فلوانس
مشاويرك معظمها وسط البلد يبقى شارك او تطلع على التيوتا كرولا

[AhmedNaeem]

عربية عملية وتستحمل البهدلة يبقي شارك
شياكة وابشنز واداء متميز يبقي فلوانس

[yasser100]

فلوينس الاحدث تكنولوجيا و تصميما . لو بتدور على سعر اعادة بيع سريع يبقا شارك بس خللى بالك انت بتشترى موديل بقاله 7 سنين .
الفلوينس e3 سعر الوكيل 171000 .

[M A E]

مشاويرك اغلبها سفر يبقى فلوانس
مشاويرك معظمها وسط البلد يبقى شارك او تطلع على التيوتا كرولا

اولا... شكرأ جدا علي الرد...
بس انا فعلاً مشاويري أغلبها جوه البلد ...و أغلبها كمان في طرق زي الزفت..ميمني أن انا يسافر مره أسبوعيا...
بس انا بصراحه أنا عجبني جدا الرفاهية اللي في ال فلوانس ..بس قلقان عشان انا من سوهاج و الو كيل هايبقي بالنسبه لي سفر لو في أي عطل أو حاجه ...الشارك من جوه فقيرة جدا بس حاسسها حمالة أسية اكتر ....
عشان كده انا محتار

[M A E]

فلوينس الاحدث تكنولوجيا و تصميما . لو بتدور على سعر اعادة بيع سريع يبقا شارك بس خللى بالك انت بتشترى موديل بقاله 7 سنين .
الفلوينس e3 سعر الوكيل 171000 .

انا مش بفكر ابيع قريب ... معنديش الجرأة للتغيير السريع....

بس انا سواقتي غشيمة شوية و الطرق في بلادنا زباله خالص ..عشان كده بفكر في الشارك

بس نفسي اجرب رفاهية ال فلوانس و خايف ابقي كده بظلم نفسي

[M A E]

ياسر باشا ...موضوع الفئات و الأسعار ده تعبني ...

معلش لو فيها تعب ....ممكن تقلي آخر 3 فئات يفرقوا ايه عن بعض و سعر كل فئة فيهم
أو تبعتلي لينك مشاركه فيها الحاجات دي
شكرا مقدما

[yasser100]

انا مش بفكر ابيع قريب ... معنديش الجرأة للتغيير السريع....

بس انا سواقتي غشيمة شوية و الطرق في بلادنا زباله خالص ..عشان كده بفكر في الشارك

بس نفسي اجرب رفاهية ال فلوانس و خايف ابقي كده بظلم نفسي

للامانه . العربيه مش عربية بهدله علشان ما تتعبش . لولا انه عندى عربيتين غيرها و غير عربية الشغل و باستخدمها بس فى المشاوير الطويله المرفهه نسبيا زى سفر الغردقه او العين السخنه او الساحل او مشاوير داخليه خاصه او شغلك بس يكون فيه مكان ركنه خاص بك غير كده ما كنتش اشتريتها . العربيه مش بتاعة مشاوير انت هاتروحها و مش عارف هاتركن فين او تركنها تحت البيت فى اى مكان و خلاص . العربيه حجمها كبير نسبيا . لو اتبهدلت هاتزعل عليها .

انا معاك انه رفاهيتها عاليه و بريستجها اعلى من الشارك بس كل حاجه و لها جوانب تانيه هاتتحملها . لو عندك استعداد نفسي لتحملها يبقا اتكل على الله و اشترى الفلوينس :)

[Hany Saad]

اولا... شكرأ جدا علي الرد...
بس انا فعلاً مشاويري أغلبها جوه البلد ...و أغلبها كمان في طرق زي الزفت..ميمني أن انا يسافر مره أسبوعيا...
بس انا بصراحه أنا عجبني جدا الرفاهية اللي في ال فلوانس ..بس قلقان عشان انا من سوهاج و الو كيل هايبقي بالنسبه لي سفر لو في أي عطل أو حاجه ...الشارك من جوه فقيرة جدا بس حاسسها حمالة أسية اكتر ....
عشان كده انا محتار

طيب و يا ترى إيه أخبار دايموند موتورز وكيل ميتسوبيشى فى سوهاج؟ أعتقد أنه برده ملهوش أى تواجد هناك...بالعكس، توكيل رينو متواجد و ممتاز فى المنيا و الغردقة و أسوان ده غير أنه أفضل و أقوى من دايموند موتورز بوجه عام.
النقطة التانية، حضرتك كام مرة بتشترى عربية زيرو فى حياتك...طبعاً ربنا يديك و تغير كل سنة بس النقطة هى طالما أنت عاجبك الفلوانس و مبسوط من شكلها و فخامتها و العربية الحمد لله ثابتة نفسها من ساعة الموديل القديم سنة 2010 و من بعده الموديل الحديث من اواخر 2013 و حتى يومنا هذا....يبقى إيه اللى يخليك تشنرى عربية " فقيرة جداً من جوه " بحسب وصفك و مش مالية عينك و مش مبسوط قوى منها و أنت بتدفع مبلغ ضخم فى عربية زيرو مش بتشتريها كل يوم و المفروض هتقعد مع حضرتك فترة، الكلام ده علشان متزهقش من العربية بسرعة، إذا كانت الشارك قبل ما تشتريها مش مالية عينك يبقى بعد كام شهر هتبتدى تمل منها بسرعة.....
الفلوانس عربية رائعة بمعنى الكلمة سواء داخل أو خارج البلد و ده إنطباعى عنها بعد سنة و 3 شهور و 20 ألف كم....أنا بسافر بيها مرتين فى الشهر و باقى الشهر داخل البلد، عربية ممتازة و أفضل صفقة بالنسبة لشريحة السعر دى
نقطة الوسع (صالون و شنطة) و العفشة الناعمة متكلمناش عليهم و دول فى صالح الفلوانس بإمتياز لو الموضوع يهمك
نقطة العزل الجيد سواء للموتور أو صوت الهوا برده بتصب فى صالح الفلوانس
الشارك يمكن أدائها رياضى أكتر من الفلوانس، غير كده تتفوق الفلوانس بإمتياز على الشارك فى كل حاجة و خصوصاً لو بتتكلم عن الفئة اللى 171 ألف دلوقتى (تانى فئة أتوماتيك)
بالتوفيق فى الأختيار

تحياتى

[yasser100]

ياسر باشا ...موضوع الفئات و الأسعار ده تعبني ...

معلش لو فيها تعب ....ممكن تقلي آخر 3 فئات يفرقوا ايه عن بعض و سعر كل فئة فيهم
أو تبعتلي لينك مشاركه فيها الحاجات دي
شكرا مقدما

اخر 3 فئات e3 , e3s , e3sr .

E3 دى ب 171000 فيها كل الاوبشن اللى انت عارفها
E3s دى ب 180000 بتزيد عن اللى قبلها فتحة سقف و باركينج سينسورز
E3sr و دى ب 189000 بتزيد عنهم اضاءه زينون واطى . 6 ايرباج بدل 2 . فرش جلد كامل .

ده باختصار ال 3 فئات الاخرانيين .

دى اسعار الوكيل . ممكن بره بتزيد شويه خصوصا فى ال e3s او ال e3sr او تقل شويه فى ال e3

[M A E]

ربنا يباركلك يا استاذ ياسر ، انت والله بتتكلم بصوت عقلي انا ...بس بصراحه برضه كلام المهندس هاني منطقي ..و هو بيتكلم بصوت النفس بقي ...مينفعش ابقي دافع مبلغ زي ده و اركب عربيه مش مقتنع بيها 100 % ...
و من هنا جت الحيره
يا ريت لو في حاجه تحسم الجدل و الحيره دي :(

[د.هشام]

استفسار علشان انا في نفس الحيرة في الفلوانس والشارك، تقصدوا ايه الشارك فقيرة من جوة. انا شوفت ألشارك من جوة شيك جدا، تابلوه شكله فخم خامات جيدة، فيه منه لونين في الخليجي، وفيه حلية أبانوس وكاسيت عريض، وأبواب مبطنة بالجلد. طبعا ال options اكتر في الفلوانس، بس من ناحية الفخامة من الداخل أعتقد مفيش فرق

[Batman372]

توكل على الله فى الفلوانس و مش حتندم :)
العربيه فعلا حترضيك من كلا النواحى ... خصوصا انك معجب بيها من قبل ما تركبها ...
تحياتى ...