إعـــــــلان

Collapse

.

,
See more
See less

استلمت رينو فليوانس 2015 اول امبارح

Collapse
X
 
  • Filter
  • الوقت
  • Show
Clear All
new posts

  • استلمت رينو فليوانس 2015 اول امبارح

    السلام عليكم و رحمة الله و بركاته

    الحمد لله استلمت العربية E3S رمادى اول امبارح بعد معانة مع التوكيل فى ابو رواش لإن البيه بتاع المبيعات بتاع فرع الدقى مكانش مجهز الورق و معرفهم انى جى استلم رغم انه مأكد عليا من قبلها بيوم، وانا اللى جريت ورا الورق لحد ما جبت رقم الشاسية و الموتور و دفعت و جبت الإفراج الجمركى بالفاكس لإنهم ماكنوش مجهزينه عشان مش عارفين انى جى.

    المهم ان التوكيل يبقى احسن من كده فى المستقبل و حعتبر ده عيب مبيعات مش اكتر لأنى سامع ان سمعة التوكيل كويسة و عندى حوالى 6 من اصدقائى اشتروا نفس العربية و بيشكروا فيها اوى

    النطباع الاول عن العربية ان السواقة ناعمة جداً بالمقارنة ب عربيتى السابقة اوبل استرا انجوى 2008 رغم ان طبعاً مفيش مقارنة فى التسارع و عارف ان الرينو مش للجرى ولكن للسواقة الهادية وتوفيرها للبنزين ممتاز مقارنة بالسيارات التانية فى نفس الفئة و للحق العربية تحس انها فخمة من اول لحظة بتحط رجلك فيها.

    كنت عايز اسأل ايه احسن فرع للصيانة هل العبور (اقرب واحد ليا) ولا ابو رواش ولا حد تانى؟

    و موضوع الزيت هل لو تنحت معاهم حيغيروه ل 5w30 ولا حيسخفوا والمتور بره الضمان. لأنى مش مقتنع ده فى الأخر زيت ايه اللى حيبوظه فى الموتور؟ لأنى بفكر اغيره على 1000 كم.

    و اخيرا احب اشكر كل اعضاء اسرة رينو فى المنتدى على ذوقهم و موضوعاتهم المهمة و اخص بالشكر الأستاذ ياسر و الأستاذ هانى على معلوماتهم اللى مش بيبخلوا بيها على اى حد و مشاركتهم المهمة جداً

  • #2
    ألف مبروك ومرحباً بك فلونساوي جديد :)

    الزيت التوكيل مش بيرضى يغير إلا توتال

    بس طبعاً حاول معاهم .... كتر الإلحاح والإصرار ممكن يجيب نتيجه

    فرع العبور هو أكبر فرع، مافيش داعي تروح أبورواش

    شكراً
    محمد سعيد
    [B]"No act of kindness is ever wasted" [/B]

    Comment


    • #3
      ألف مبروك الأستلام و أن شاء الله هتنبسط جداً من العربية و الأداء بيختلف جداً بعد أول 3000 كم...
      متنساش تملا العجل نيتروجين و تظبط أمامى 32 و خلفى 29

      بالنسبة للزيت و أنا عارف إن اللى هقوله ده هيخلى ياسر بيه يمسك فى خناقى:

      * أنا طبعاً مش خبير زيوت و لكن بتكلم بفكر هندسى بحت، مبدئياً أنا بستخدم زيت التوكيل التوتال ال 5w 40 و هو ما تنصح به رينو فى كتيب الأستخدام سواء هو أو لزوجة 5w 30
      * كمفهوم عام لزوجة ال 5w 40 أعلى من لزوجة 5w 30 و ذلك لأن ال 5w 40 هيقدر يحقق نفس خواص اللزوجة و التزييت عند درجات حرارة أعلى من 5w 30، و طبعاً مع حرارة الجو فى مصر و قصوة ظروف القيادة من زحمة خانقة و جو مترب خانق، أميل إلى الزيت الأعلى فى اللزوجة طالما ينصح به صانع السيارة

      * طالما اللزوجة أعلى يبقى فى رأى الهندسى اللى على قدى مميزات 5w 40:
      1- 5w 40 هيدينى صوت موتور أهدى لأن لزوجته أعلى.
      2- قدرة لزوجة و تزييت أفضل عند درجات حرارة أعلى.
      و ده علشان اللزوجة الأعلى سنه
      و دى مميزات بسيطة و غير محسسوة قوى

      * مميزات 5w 30:
      1- طلعة أولى من الثبات أفضل
      2- أستهلاك أقل للبنزين
      و ده علشان اللزوجة الأخف سنه
      و بردة دى مميزات غير محسوسة قوى

      يعنى أقصد الفرق مش شاسع و لا مهول بين نوعين الزيت، أو أن اللى بيحط 5w 30 طلعته من الثبات بقت فيرارى....فى الأخر الأداء متقارب جداً بحيث أن أغلب الناس مش هتحس بهذا الفرق الملحوظ

      طبعاً ده رأى الشخصى و للأمانة أنا مجربتش لزوجة 5w 30 لأنى معنديش مشاكل مع زيت توتال أو لزوجة 5w 40 اللى التوكيل بيستخدمها

      أنا هطلع أجرى دلوقتى علشان ياسر بيه ميشوفنيش :) :)

      ألف مبروك العربية

      تحياتى
      م/هانى سعد
      Meggieboy سابقا
      [SIGPIC][/SIGPIC]

      Comment


      • #4
        الف مبروووك ويا رب الفلوانساويه يزيدوا كمان وكمان وحاسس ان مبيعات الفلوانس بسم الله ما شاء في زياده لانها سياره جميله جدا بسعر تنافسي

        Comment


        • #5
          1000 مبروك ... ربنا يباركلك فيها ...
          لما تاخد على الفتيس ال cvt حتعرف تجرى زى ما انت عايز و الاداء حتلاقيه زى الانجوى و يمكن افضل :) لان كقوه المواتير متقاربه ...
          كذلك الاداء حيتحسن اكتر بعد ٣ الاف كم ...
          بالنسبه لزيت الموتور ... مش مستاهله توجع دماغك خصوصا ان الفروقات ضعيفه جدا زى ما هانى بيه قالك ... و ظروف طرقنا و جونا يناسبه اللزوجه الاعلى ...
          تحياتى ...
          [SIZE="4"][COLOR="Navy"]Eng. Safwat Saleh[/COLOR][/SIZE]
          [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

          Comment


          • #6
            المشاركة الأصلية كتبت بواسطة hany saad مشاهدة المشاركة
            ألف مبروك الأستلام و أن شاء الله هتنبسط جداً من العربية و الأداء بيختلف جداً بعد أول 3000 كم...
            متنساش تملا العجل نيتروجين و تظبط أمامى 32 و خلفى 29

            بالنسبة للزيت و أنا عارف إن اللى هقوله ده هيخلى ياسر بيه يمسك فى خناقى:

            * أنا طبعاً مش خبير زيوت و لكن بتكلم بفكر هندسى بحت، مبدئياً أنا بستخدم زيت التوكيل التوتال ال 5w 40 و هو ما تنصح به رينو فى كتيب الأستخدام سواء هو أو لزوجة 5w 30
            * كمفهوم عام لزوجة ال 5w 40 أعلى من لزوجة 5w 30 و ذلك لأن ال 5w 40 هيقدر يحقق نفس خواص اللزوجة و التزييت عند درجات حرارة أعلى من 5w 30، و طبعاً مع حرارة الجو فى مصر و قصوة ظروف القيادة من زحمة خانقة و جو مترب خانق، أميل إلى الزيت الأعلى فى اللزوجة طالما ينصح به صانع السيارة

            * طالما اللزوجة أعلى يبقى فى رأى الهندسى اللى على قدى مميزات 5w 40:
            1- 5w 40 هيدينى صوت موتور أهدى لأن لزوجته أعلى.
            2- قدرة لزوجة و تزييت أفضل عند درجات حرارة أعلى.
            و ده علشان اللزوجة الأعلى سنه
            و دى مميزات بسيطة و غير محسسوة قوى

            * مميزات 5w 30:
            1- طلعة أولى من الثبات أفضل
            2- أستهلاك أقل للبنزين
            و ده علشان اللزوجة الأخف سنه
            و بردة دى مميزات غير محسوسة قوى

            يعنى أقصد الفرق مش شاسع و لا مهول بين نوعين الزيت، أو أن اللى بيحط 5w 30 طلعته من الثبات بقت فيرارى....فى الأخر الأداء متقارب جداً بحيث أن أغلب الناس مش هتحس بهذا الفرق الملحوظ

            طبعاً ده رأى الشخصى و للأمانة أنا مجربتش لزوجة 5w 30 لأنى معنديش مشاكل مع زيت توتال أو لزوجة 5w 40 اللى التوكيل بيستخدمها

            أنا هطلع أجرى دلوقتى علشان ياسر بيه ميشوفنيش :) :)

            ألف مبروك العربية

            تحياتى
            و ﻻ يهمك يا ريس هههههه . دى اول مره لسه تقول رأيك فى موضوع الزيت . مش معقول نقفش كده على طول . بس ما تطولش فيه ههههههههه .
            اللهم بارك لنا فيما رزقتنا

            [SIGPIC][/SIGPIC]

            Comment


            • #7
              للامانه لزوجة 5w30 فارقه مع الموتور ده و انا مجرب الاتنين و قيمت اللزوجتين بالنسبه لصوت الموتور و السحب و استهلاك البنزين و تشغيل التكييف . لو الفرق غير محسوس كنت قلت :) .

              التوكيل بيوافق يغير دلوقتى مع كتابة الزيت من طرف العميل و زى ما حضرتك قلت الزيت هايعمل ايه يعنى فى الموتور علشان يخرجوا من الضمان ؟ ما هو برضه الزيت اللى انت هاتغير به مش زيت ذره يعنى .

              الف مبروك و ربنا يبارك لك فيها :) و باشكرك على مجاملتك الطيبه .

              تحياتى
              اللهم بارك لنا فيما رزقتنا

              [SIGPIC][/SIGPIC]

              Comment


              • #8
                فعلا فيه فرق محسوس وكمان فارق مع الموتور مع الاستخدام
                5w-30 افضل لموتور الفلوانس

                صحيح انا مش من ملاك فلوانس لكن بتكلم علي فرق الزيوت واللزوجه...... مع احترامي الشديد لكلام اخونا هاني بدون زعل :):):)

                في امان الله
                [SIGPIC][/SIGPIC]قال الامام ابن القيم
                والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

                Comment


                • #9
                  ألف مبروك على العربية وربنا يبارك لك فيها ويديك خيرها ويكفيك شرها

                  Comment


                  • #10
                    المشاركة الأصلية كتبت بواسطة yasser100 مشاهدة المشاركة
                    للامانه لزوجة 5w30 فارقه مع الموتور ده و انا مجرب الاتنين و قيمت اللزوجتين بالنسبه لصوت الموتور و السحب و استهلاك البنزين و تشغيل التكييف . لو الفرق غير محسوس كنت قلت :) .

                    التوكيل بيوافق يغير دلوقتى مع كتابة الزيت من طرف العميل و زى ما حضرتك قلت الزيت هايعمل ايه يعنى فى الموتور علشان يخرجوا من الضمان ؟ ما هو برضه الزيت اللى انت هاتغير به مش زيت ذره يعنى .

                    الف مبروك و ربنا يبارك لك فيها :) و باشكرك على مجاملتك الطيبه .

                    تحياتى
                    طب اللى زينا كده ولسه مستلم العربية جديدة يعمل حركة الزيت دى مع التوكيل امتى يعنى اروح اغيره بعد 1000 ولا فى صيانة ال 5000 ولا امتى

                    Comment


                    • #11
                      المشاركة الأصلية كتبت بواسطة roland مشاهدة المشاركة
                      طب اللى زينا كده ولسه مستلم العربية جديدة يعمل حركة الزيت دى مع التوكيل امتى يعنى اروح اغيره بعد 1000 ولا فى صيانة ال 5000 ولا امتى
                      روح عند ال 1000 افضل . و قول كل ملاحظاتك و خليهم يربطولك العفشه . كل اللى بتطلبه فى الالف من صيانات خفيفه بيعملوه بدون مقابل .
                      اللهم بارك لنا فيما رزقتنا

                      [SIGPIC][/SIGPIC]

                      Comment


                      • #12
                        المشاركة الأصلية كتبت بواسطة yasser100 مشاهدة المشاركة
                        روح عند ال 1000 افضل . و قول كل ملاحظاتك و خليهم يربطولك العفشه . كل اللى بتطلبه فى الالف من صيانات خفيفه بيعملوه بدون مقابل .
                        تمام ياباشا انا بسأل علشان لما اتصلت بيهم علشان تفعيل الضمان قالولى ان اول صيانة عند 5000 وتغيير الزيت عند 10000 ومافيش صيانة الألف دى خالص ولا كشف حتى

                        Comment


                        • #13
                          المشاركة الأصلية كتبت بواسطة ALshahba مشاهدة المشاركة
                          فعلا فيه فرق محسوس وكمان فارق مع الموتور مع الاستخدام
                          5w-30 افضل لموتور الفلوانس

                          صحيح انا مش من ملاك فلوانس لكن بتكلم علي فرق الزيوت واللزوجه...... مع احترامي الشديد لكلام اخونا هاني بدون زعل :):):)

                          في امان الله
                          انا مش عايز ادخل فى تفاصيل علشان حبايبى هههه . بس الفرق فعلا كبير لزوجة ال 5w40 تقريبا cst 84 و لزوجة ال 5w30 تقريبا cst 70 . الفرق كبير .

                          و انه صوت الخشونه اللى بنسمعه و السحب التقيل ناتج عن مقاومة البساتم للزوجه العاليه فى ال 5w40 لانه الخلوصات ضيقه فى موتور الفلوينس الفيس ليفت و دى طبيعة و اتجاهات المواتير اليابانى و الحديث كله . بيضيق خلوصات البساتيم علشان يدى اعلى عزم للموتور يقدر عليه و بالتالى الخلوصات الضيقه محتاجه زيوت لزوجتها اخف علشان تقدر تدخل بسهوله خصوصا فى تشغيل العربيات الصبح و دى اكتر فتره حرجه فى تشغيل العربيه .

                          الفتره الجايه هانشوف لزوجات غريبه فى السوق زى ال 5w30 و 0w30 و 0w20 و كلها للعربيات الحديثه .
                          اللهم بارك لنا فيما رزقتنا

                          [SIGPIC][/SIGPIC]

                          Comment


                          • #14
                            هحاول اجيب 5w30 بس أنا اسمع انه مش موجود غير فى موبيل و شيل تقريباً و احتمال كاسترول هل ده صحيح؟ هو بيتجاب من اى بنزينة ولا فى مكان معين بيبيعه؟ و تقريباً حبقى اعمل الصيانة فى فرع العبور. و شكراً لكم كلكم :)

                            Comment


                            • #15
                              حضرتك هاتلاقي الزيت في محطات موبيل

                              هاتجيب علبه ٤ كيلو + علبه ١ كيلو

                              العربيه هاتاخد ٤.٣ كيلو
                              محمد سعيد
                              [B]"No act of kindness is ever wasted" [/B]

                              Comment

                              Working...
                              X