ظبط جنوط الفلوانس

[mario maged]

اهلا بجميع ملاك الفلوانس
انا لما اشتريت الفلوانس ظبطت ال 4 جنوط هواء على 30
بس جيت النهاردة اشوف في الكاتالوج المفروض يبقوا كام عشان هملاهم نيتروجين فمالقتش حاجة في الكاتلوج تدلني او انا تهت فاتصلت بالتوكيل و واحد رد عليا قاللي ان رينو بتفضل الهوا عن النيتروجين !!! فانا ماتخيلتش الرد ده بجد !! اصل معروف ان النيتروجين احسن فقلتله طب انفخهم على كام قاللي اوصلك بحد من الفنيين بس كانوا مشغولين
فانا عايز حد يفسرلي معنى الكلام اللي قاله و ليه بيفضلوا الهوا ؟!
بس انا اخدت قراري و قلت هعمل زي ما اساتذة القسم هنا قالوا و نفختهم نيتروجين قدام 32 و ورا 29 بس كان عندي استفسار هو ده مكتوب في الكتالوج؟

و كان عندي استفسار تاني الاكصدام قدام عند علامة الرينو فبر؟ اصل حاسسه مش ماسك حلو في العربية و خفيف لما بدوس عليه

شكرا مقدما على تعبكم

[marsguy]

حضرتك هاتلاقي ضغط الهوا المقترح لما تفتح الباب هاتلاقي ستيكر أبيض على القايم

بصراحه أنا شخصياً مش مؤمن بالفوائد الرهيبه للنيتروجين اللي الناس مصدقاها. ولا شايفه بيطري العفشه ولا حاجه.


عامة الهواء العادي فيه نسية 78% نيتروجين ولما بتحط نيتروجين عادة العامل مش بيقدر يفضي الكاوتش تماماً من الهواء. يعني الكاوتش هايكون مليان نيتروجين على نسبه صغيره هواء عادي.

[Batman372]

حضرتك هاتلاقي ضغط الهوا المقترح لما تفتح الباب هاتلاقي ستيكر أبيض على القايم

بصراحه أنا شخصياً مش مؤمن بالفوائد الرهيبه للنيتروجين اللي الناس مصدقاها. ولا شايفه بيطري العفشه ولا حاجه.


عامة الهواء العادي فيه نسية 78% نيتروجين ولما بتحط نيتروجين عادة العامل مش بيقدر يفضي الكاوتش تماماً من الهواء. يعني الكاوتش هايكون مليان نيتروجين على نسبه صغيره هواء عادي.

متفق مع حضرتك :)
و كلامك صحيح بخصوص نسبته ال ٧٨ ٪ من الهواء ...
و انا عن نفسي بظبط كله علي ٣٢ .....
تحياتي ...

[yasser100]

النيتروجين غاز خامل و بالتالى لا يتأثر بدرجة الحراره يعنى ﻻ يتمدد بدرجة الحراره العاليه ﻻنه جزبئاته خامله ضعيفة الحركه غير الاوكسجين اللى بتتأثر بارتفاع درجة الحراره .

من ده نستنتج ايه فايدة النيتروجين بالنسبه لضبط الكاوتش و ايه ميزته . هيه ميزه واحده فقط مهمه . غير كده ما فيش لا بيريح عغشه و ﻻ المطبات و ﻻ الكلام ده كله .

مع السفر و السرعات العاليه و خصوصا فى الحر الكاوتش بيسخن نتيجة الاحتكاك مع الاسفلت و بالتالى الهوا داخله بيتمدد . يعنى انفخ العجل على 30 هوا و خد مشوار مثلا لغاية اسكندريه و قيسه تانى هاتلاقيه اكتر من 30 و هنا بتحصل حوادث انفجار الاطارات ﻻ قدر الله .

مع النيتروجين ما بيحصلش الكلام ده و بتلاقى الكاوتش درجة حرارته معقوله فى مشاوير الصيف . و ضغط الاطارات ما بيتغيرش من الصيف للشتا . انا لما اشتريت العربيه من سنه ظبطت العجل بالنيتروجين و لسه امبارح باعمل تشيك عليه لاول مره من ساعة ما نفخته علشان مسافر و عند نفس الشخص . ما فيش نقص و ﻻ زياده برغم من مرور سنه .

[yasser100]

حضرتك هاتلاقي ضغط الهوا المقترح لما تفتح الباب هاتلاقي ستيكر أبيض على القايم

بصراحه أنا شخصياً مش مؤمن بالفوائد الرهيبه للنيتروجين اللي الناس مصدقاها. ولا شايفه بيطري العفشه ولا حاجه.


عامة الهواء العادي فيه نسية 78% نيتروجين ولما بتحط نيتروجين عادة العامل مش بيقدر يفضي الكاوتش تماماً من الهواء. يعني الكاوتش هايكون مليان نيتروجين على نسبه صغيره هواء عادي.

بس فيه نسبة اوكسجين 21 % و دى نسبه مش قليله ابدا بالدليل انه كل المخلوقات عايشه بالنسبه دى و الاكسجين غاز نشط جدا و سريع التأثر بدرجة الحراره . اه لما هايفضى الكاوتش لسه هايكون فيه نسبة هواء بسيط بس هايكون نسبة الاوكسجين كام يعنى ؟؟ 1% ؟

[fepsceasar]

النتروجين لا يتمدد بالحرارة وبالتالى الضغط يفضل مظبوط فترة اطول
ما فيش بخار مياه وبالتالى الجنط ما يبوظش..اى كلام غير كده متهيالى دعاية والله اعلم

[ramymechanics]

للأمانة اما ظبطت الكاوتش نيتروجين عند fit & fix العفشة نعمت بصورة ملحوظة .. الأول كنت عاملهم عند واحد عادى حسيت انها ناشفة جدا حتى عن اما كانت هوا .. الضغوط المقترحة موجودة فى الباب بتاع السائق من جوة اما تفتحه

[Abo_Mazen]

النيتروجين صعب التمدد مع إرتفاع درجات الحرارة ..يبقى مفيش إنفجارات على السرعات العالية
النيتروجين مفيهوش بخار ماء ..يبقى هتحافظ على الجنط من الصدأ
النيتروجين جزيئاته سهلة التشكل مع الضغط ..يبقى هتلاقي العفشه بقت طريه معاك شوية
لما تيجي تفرغ الهواء وتملا نيتروجين ..الطرمبه اللي بتملى نيتروجين بيبقى فيها بلف شفط ..بتاع الكاوتش بيشفط الهواء لغاية ما الكاوتش تلاقيه لزق في الجنط من كتر الشفط وبعدين في لحظتها يقوم فاتح بلف النيتروجين لغاية الكاوتش ما يتملى ..أي حد بيملي نيتروجين بطريقه غير دي واللي أنا شفتها بنفسي وإتعملت عندي ..يبقى اللي عنده نيتروجين مختلط وغير نقي

[Hany Saad]

من مميزات النيتروجين :

- عدم التأثر بالحرارة و بالتالى المحافظة على ضغط تقريباً ثابت داخل الكاوتش بغض النظر عن درجة الحرارة
- مفيش بخار مياه و من ثم المحافظة على الجنط من الداخل و حمايته من الصدأ و طبعاً ده اهم بالنسبة للجنط الحديد
- لانه غاز خامل، فنسبة تسريبه من الجنط معدومة و بالتالى لا تحتاج لتزويد العجلات كل فترة زمنيه متقاربه زى الهوا

السؤال هنا، ايه مساؤه؟ الاجابة مفيش...يعنى لو هى اشتغالة او نسبة النيتروجين مش ١٠٠٪ داخل الكاوتش و انا موافق على كده برده مفيش اى مشاكل
طيب ايه اللى كل اللى ملو نيتروجين حسوه؟
انا بحط نيتروجين من سنة ٢٠١٠ و فعلاً احساس نعومة مختلف عن الهوا، اضف على ذلك انى اول ما استلمت الفلوانس من القاهرة ظبط هوا علشان كنت متأخر و رجعت بيها اسكندرية و بعدين ظبط نيتروجين فى اسكندرية و فعلاً فيه فرق نعومة واضح مع النيتروجين
نيجى لظبط العجلات
الكتالوج و القايم الخلفى بيقولوا ٣٢ امامى و ٢٩ خلفى
طيب ليه؟
الموتور و كل مكونات العربية و تقل السائق قدام بينما العربية مع الشنطة بالمقارنة تعتبر فاضية و اخف بكتير من الجزء الأمامى للسيارة....يبقى علشان نوزن العربية بنزود الضغط فى الامام علشان نرفع العربية شوية قوم تتوازن مع الناحية الخلفية و متبقاش العربية مايله لتحت من الامام
ظبط الاربع عجلات زى بعض هيخلى الجزء الخلفى من السيارة مرفوع شوية عن الامامى و ده هيخلى احساس العفشة مش حلو و تحس ان العربية بتنط شوية من الخلف
دى خبرتى و حبيت انقلها لو هتفيد حد
تحياتى

[mario maged]

من مميزات النيتروجين :

- عدم التأثر بالحرارة و بالتالى المحافظة على ضغط تقريباً ثابت داخل الكاوتش بغض النظر عن درجة الحرارة
- مفيش بخار مياه و من ثم المحافظة على الجنط من الداخل و حمايته من الصدأ و طبعاً ده اهم بالنسبة للجنط الحديد
- لانه غاز خامل، فنسبة تسريبه من الجنط معدومة و بالتالى لا تحتاج لتزويد العجلات كل فترة زمنيه متقاربه زى الهوا

السؤال هنا، ايه مساؤه؟ الاجابة مفيش...يعنى لو هى اشتغالة او نسبة النيتروجين مش ١٠٠٪ داخل الكاوتش و انا موافق على كده برده مفيش اى مشاكل
طيب ايه اللى كل اللى ملو نيتروجين حسوه؟
انا بحط نيتروجين من سنة ٢٠١٠ و فعلاً احساس نعومة مختلف عن الهوا، اضف على ذلك انى اول ما استلمت الفلوانس من القاهرة ظبط هوا علشان كنت متأخر و رجعت بيها اسكندرية و بعدين ظبط نيتروجين فى اسكندرية و فعلاً فيه فرق نعومة واضح مع النيتروجين
نيجى لظبط العجلات
الكتالوج و القايم الخلفى بيقولوا ٣٢ امامى و ٢٩ خلفى
طيب ليه؟
الموتور و كل مكونات العربية و تقل السائق قدام بينما العربية مع الشنطة بالمقارنة تعتبر فاضية و اخف بكتير من الجزء الأمامى للسيارة....يبقى علشان نوزن العربية بنزود الضغط فى الامام علشان نرفع العربية شوية قوم تتوازن مع الناحية الخلفية و متبقاش العربية مايله لتحت من الامام
ظبط الاربع عجلات زى بعض هيخلى الجزء الخلفى من السيارة مرفوع شوية عن الامامى و ده هيخلى احساس العفشة مش حلو و تحس ان العربية بتنط شوية من الخلف
دى خبرتى و حبيت انقلها لو هتفيد حد
تحياتى

انا متفق مع كلامك جداا و فعلا انا حسيت بفرق النعومة
بس ليه التوكيل قاللي ان رينو عامة بتفضل الهوا عن النيتروجين؟!!
و كمان انا لو حد ركب في الكنبة ورا مش 29 هتكون قليلة و العربية هتنزل من ورا؟
وبالنسبة للاكصدام الامامي عند علامة رينو الكبيرة ده فبر ولا ايه؟ عشان بدوس عليه بيروح وييجي معايا بسهوله و حاسه ضعيف؟؟

[mario maged]

النيتروجين غاز خامل و بالتالى لا يتأثر بدرجة الحراره يعنى ﻻ يتمدد بدرجة الحراره العاليه ﻻنه جزبئاته خامله ضعيفة الحركه غير الاوكسجين اللى بتتأثر بارتفاع درجة الحراره .

من ده نستنتج ايه فايدة النيتروجين بالنسبه لضبط الكاوتش و ايه ميزته . هيه ميزه واحده فقط مهمه . غير كده ما فيش لا بيريح عغشه و ﻻ المطبات و ﻻ الكلام ده كله .

مع السفر و السرعات العاليه و خصوصا فى الحر الكاوتش بيسخن نتيجة الاحتكاك مع الاسفلت و بالتالى الهوا داخله بيتمدد . يعنى انفخ العجل على 30 هوا و خد مشوار مثلا لغاية اسكندريه و قيسه تانى هاتلاقيه اكتر من 30 و هنا بتحصل حوادث انفجار الاطارات ﻻ قدر الله .

مع النيتروجين ما بيحصلش الكلام ده و بتلاقى الكاوتش درجة حرارته معقوله فى مشاوير الصيف . و ضغط الاطارات ما بيتغيرش من الصيف للشتا . انا لما اشتريت العربيه من سنه ظبطت العجل بالنيتروجين و لسه امبارح باعمل تشيك عليه لاول مره من ساعة ما نفخته علشان مسافر و عند نفس الشخص . ما فيش نقص و ﻻ زياده برغم من مرور سنه .

متفق معاك تماما و ده كلام بالعقل مظبووط بس فعلا انا حسيت في فرق في النعومة حتى لو بسيطة بس في فرق

[mario maged]

؟؟؟؟

[mario maged]

التوكيل كلمني من شوية عشان امبارح كانوا الفنيين مشغولين و قالولي هنقدم طلب باستفسارك و هنتصل بيك فاتصلوا بيا و قالولي و اكدوا عليا ان رينو بتفضل الهوا و بلاش نيتروجين و املاهم 32 قدام و 30 ورا
بصراحة انا كده اتلغبط و مش عارف خليني زي ما انا بالنيتروجين و لا املاهم هوا تاني و اظبطهم على كام؟!
انا عارف انها حاجة مش مستهلة قوي بس برضو الواحد يخاف و ممكن لو الجنط حصله حاجة يقولولي عشان كنت ماليه نيتروجين و ماسمعتش كلامهم؟!!!
مع العلم ان ال 4 جنوط Good Year و الاستبن michelin

[yasser100]

التوكيل كلمني من شوية عشان امبارح كانوا الفنيين مشغولين و قالولي هنقدم طلب باستفسارك و هنتصل بيك فاتصلوا بيا و قالولي و اكدوا عليا ان رينو بتفضل الهوا و بلاش نيتروجين و املاهم 32 قدام و 30 ورا
بصراحة انا كده اتلغبط و مش عارف خليني زي ما انا بالنيتروجين و لا املاهم هوا تاني و اظبطهم على كام؟!
انا عارف انها حاجة مش مستهلة قوي بس برضو الواحد يخاف و ممكن لو الجنط حصله حاجة يقولولي عشان كنت ماليه نيتروجين و ماسمعتش كلامهم؟!!!
مع العلم ان ال 4 جنوط Good Year و الاستبن michelin

هو كده او كده الجنط لو حصل له حاجه مش مسئوليتهم و ﻻ مسئولية اى توكيل ههههه .

خليك فى النيتروجين . ما همه بيقولوا زيت 5w40 توتال و مصممين عليه برغم انه طوب الارض اشتكى منه . عادى يعنى :)