سؤال مهم عن بنزين الرينو ؟

[Ramy_Tantawi]

لأ اعتقد كده عن استاذ طارق في مشكله 13 لتر كتير الاستهلاك عندي كالآتي : -

لو مشاوير وسط البلد وعوده لمدينة نصر او لف مصر الجديده وما يحيط بيكون الاستهلاك 10 لتر لكل 100 كيلو وده اقصى استهلاك اعتقد حصللي

لو مشاوير 6 اكتوبر ومحور ودائري او طبعاً سفر وصحراوي بيكون ال 10 لتر يعملوا متوسط 120-130 كيلو ........ماعرفش السحب قليل ولا لأ لاني مانيوال فالموضوع مختلف شويه عن باقي الوحوش .

[Sharky]

أنا 11.4 لتر لكل 100 كم وال average بتاعى 26 كم

نفس الإستهلاك بتاعى بالظبط يا احمد

[farahat]

أنا بقى عربيتي مانوال زي رامي باشا طنطاوي ، و مشواري اليومي حوالي 70 كيلو نصهم داخل البلد و نصهم على المحور أو الدائري ، إستهلاك البنزين معايا حوالي 8.2 لتر لكل 100 كيلو ، و متوسط السرعة من 34 إلى 38 كم/س

أنا بصفر ال-trip computer في كل تفويلة عشان أعرف متوسط كل تفويلة بتعمل إيه ، في المرات إلي مشاويري فيها بتكون أغلبها داخل البلد و مدينة نصر و كدة بيوصل الإستهلاك إلى 9.5 لتر لكل 100 كيلو و طبعاً متوسط السرعة بيقل إلى العشرينات

[human]

غيرت من اسلوبى فى السواقه الكام يوم اللى فاتو
بقيت بشعر بنزين و مش بكبس
و الكيك داون قليل جداااااااااا
و لو السكه طويله و ماشى بسره بقيت اجيب السرعه براحتى من غير كبس بنزين
والعربيه واقفه ماطلعش بعنف بطلع بالراحه

ال Rpm مش بيعدى 2.5

طبعا ده مش اسلوبى فى السواقه بس هاحاول اتعود عليه
ده خلى الاستهلاك 8.2 لتر لكل 100 كيلو

لسه ماجربتش التكييف بس اعتقد هيزيد كتير (و الجو سقع)

[Ahmed Selim]

بص يا باشا.....

أحسن حل

فول لحد لما يفصل فى أول تكة..........أطلع مشوار ظريف كده بتاع 100 كم رايح جاى و متعليش السرعة عن 100 الى 110 كم ومن غير تكييف..........لما ترجع فول لحد أول تكة برضه

وبعد كده أحسب

متوسط الأستهلاك بتاع العربية من على كمبيوتر الرحلات مش مقياس خالص فى رأيي.

[lion99990]

ياجماعه انا مونت ب 16 لتر بنزبن 92 و مشيت بالعربيه عادى بدون تكييف طبعا هيا اوتوماتك كليو 1400 سيسي مشيت معايا 125 كيلو فهل ده استهلاك عالى و الا طبيعى بصراحه انا محتار لانى عمرى ماكنت حسبتها بس انتوا الللى خوفتونى
ممكن حد يفيدنى

[Ahmed Selim]

عشان تحسبها صح لازم تفول وتمشى فى طريق طوالى لمسافة 50 كم مثلاً ومتعديش 100 كم وبعد كده ترجع تفول تانى وتشوف خدت كام .

مش عارف ليه أفتكرت المقولة العبقرية الأتية
عشان تعيشها صح......لازم تحسبها صح

[farahat]

بص يا باشا.....

أحسن حل

فول لحد لما يفصل فى أول تكة..........أطلع مشوار ظريف كده بتاع 100 كم رايح جاى و متعليش السرعة عن 100 الى 110 كم ومن غير تكييف..........لما ترجع فول لحد أول تكة برضه

وبعد كده أحسب

متوسط الأستهلاك بتاع العربية من على كمبيوتر الرحلات مش مقياس خالص فى رأيي.

أحمد باشا
عداد الرحلات فيه رقمين للإستهلاك واحد بيقول الإستهلاك الحالي و دة هتلقيه بيتغير علطول مع كل ضغطة على البنزين ، و دة مش مفيد في الحقيقة لأنه بيتغير على طول و مش مقياس لحاجة
و التاني إلي هو المتوسط Avg consumption و دة عبارة عن كمية البنزين إلي نقصت من التنك مقسومة على المسافة إلي مشيتها من ساعة ما سافرت العداد
يعني مثلاً عملت reset للعداد دلوقتي (أياً كنت كمية البنزين في التنك ) و مشيت مشوار ييجي ساعتين ، التنك نقص ٢٫٥ لتر مثلاً و المشوار دة على العداد كان ٦٠ كيلو ، يبقى المتوسط بتاعك (2.5 / 60 )*100 , يعني المتوسط ٤٫١ لتر لكل 100 كيلو ، و كل ما العربية تمشي كل ما المسافة تزيد و لبنزين المحروق يزيد و كدة المتوسط يتغير (يزيد أو يقل حسب ناتج القسمة )

و في الحقيقة دي أدق قيمة للإستهلاك بتاع العربية ، أدق حتى من موضوع التفويل و القياس (مع كامل احترامي )، لأن دي بتتحسب بدقة من كمية البنزين إلي دخلت الموتور فعلاً و المسافة إلي مشيتها فعلاً

[farahat]

عشان تحسبها صح لازم تفول وتمشى فى طريق طوالى لمسافة 50 كم مثلاً ومتعديش 100 كم وبعد كده ترجع تفول تانى وتشوف خدت كام .

مش عارف ليه أفتكرت المقولة العبقرية الأتية
عشان تعيشها صح......لازم تحسبها صح

عشان تحسبها صح .. خلي الكمبيوتر يحسبهالك صح
و" عيش إنت أحلى ما في اللحظة " مع الرينو بتاعتك :) :) :)

[human]

الكومبيوتر بيحسب من الكنترول بتاع الرشاشات مش من التنك
ده رأيىى

و زى ماقال الاستاذ فرحات
و" عيش إنت أحلى ما في اللحظة " مع الرينو بتاعتك :) :) :)

هيييهه هييييه تارتااتاتتتتتت
شمس النهار ...... هيييه هييي هييييييه

[farahat]

الكومبيوتر بيحسب من الكنترول بتاع الرشاشات مش من التنك
ده رأيىى

و زى ماقال الاستاذ فرحات
و" عيش إنت أحلى ما في اللحظة " مع الرينو بتاعتك :) :) :)

هيييهه هييييه تارتااتاتتتتتت
شمس النهار ...... هيييه هييي هييييييه

الإستهلاك الحالي بيتحسب منلكمية إلي معدية حالياً في الرشاشات (current consumption ) ، انما المتوسط بيتحسب من إجمالي المسحوب من التنك و إجمالي المسافة

بس جامد جداً موضوع شمس النهار ... ههههههه

[human]

هممم
يعنى طالما هو قدر يجيب الاستهلاك الحالى تجميعه على المسافه هو ال Average فمش محتلج التنك اصلا عشان يعرف المتوسط اللى فيه
المسافه اللى ممكن تقطعها العربيه بالاستهلاك الحالى هيه اللى بيدخل فيها حساب التنك
ده رأييى المتواضع

و شمس النهار هتجينى
هتغنى و تصحينى

هيييههه

[Ahmed Selim]

فرحات باشا...أنا مكنتش فاكر أنها بتتقاس كده.....

يعنى دلوقتى لما أصفر العداد مع التفويل يبتدى يحسب ال Average من جديد ؟

لو كده تبقى تمام

بس برضه موضوع أنك تفول مع أول تكة وتمشى فى طريق فاضى لمسافة 100 كم ( رايح جاى ) وبسرعة مش أكتر من 100 كم دى هتعرفك الأستهلاك الأمثل للعربية وتقدر تقارنه باللى فى الكتالوج.....لكن جوه البلد.....الموضوع ممكن يفرق من واحد للتانى حتى لو نفس المشوار

يالا معانا على السقفة :
مع أول شوق هروق
وأشوف حاجات كتير
مشفتيش زيها
هيييييييههه
:)