رساله braking system fault و علامه stop

[dr.oun]

امبارح ظهرلي رساله braking system fault مع علامه stop في رينو فلوانس
لما جيت افرمل فرمله شديده و ظهرت لمده ثانيه و اختفت تاني بعد ما نزلت من علي المطب
مع العلم ان الفرامل كويسه جدا و مفيش فيها مشاكل

انا التيل عندي بقاله 15 الف كيلو

انا اليوم اللي قبلها كنت نضفت الموتور بالفوم بتاع غسيل المواتير ده

ممكن يكون ده السبب ؟؟

و لا ان التيل قرب يخلص

[yalahwy2010]

لسة حصلالى وطلع التيل قرب يخلص
ولما غيرت التيل راحت تماما
وكانت بتظهر برضه فى المنازل والمطالع لما مستوى العربية مابيبقاش أفقي ....ومن غير ما أدوس فرامل......فالاول كنت فاكر ان المفروض أزود زيت فرامل.....لكن علبة زيت الفرامل بيبقي فيها علامة للمستوى الطبيعى.........وطول ما الزيت مظبوط.........يبقي علطول المشكلة فالتيل

[dr.oun]

هو التيل بكام في التوكيل ؟

[Hany Saad]

فعلاً كما افاد بشمهندس فهمى، دى اعراض تيل فرامل و التيل لما بيتاكل مستوى زيت الفرامل بينزل عن مستواه علشان يعوض هذا التآكل و ده اللى بيخلى حساس مستوى الزيت ينور و تظهر رسائل التحذير و خصوصاً لما العربية متبقاش فى مستوى افقى
سعر التيل فى التوكيل اعتقد فى حدود ال 650 جنيه و لكنى مش متأكد من السعر

تحياتى

[dr.oun]

تمام
جزاكم الله خيرا :)
معلش كان عندي استفسار تاني

انا من حوالي شهر حبيت اعمل زوايا و اتزان عشان كان الطاره فيها ميل خفيف
يعني العربيه لا بتحدف و لا بتعوم و لا في اي مشاكل في الثبات

روحت لحد من اللي بيعملو زوايا بالكمبيوتر للاسف طلع الجهاز بتاعه قديم

و عرفت انه عملي زوايا العربيه علي رينو ميجان ٢٠٠٥ كوبيه و قعد يحاول يقنعني ان العفشه هي ه
هي

المشكله ان العربيه مبقتش ثابته زي الاول
هل في التوكيل ممكن يعملولي زوايا و اتزان ؟ و لا اعملها فين

[Hany Saad]

تمام
جزاكم الله خيرا :)
معلش كان عندي استفسار تاني

انا من حوالي شهر حبيت اعمل زوايا و اتزان عشان كان الطاره فيها ميل خفيف
يعني العربيه لا بتحدف و لا بتعوم و لا في اي مشاكل في الثبات

روحت لحد من اللي بيعملو زوايا بالكمبيوتر للاسف طلع الجهاز بتاعه قديم

و عرفت انه عملي زوايا العربيه علي رينو ميجان ٢٠٠٥ كوبيه و قعد يحاول يقنعني ان العفشه هي ه
هي

المشكله ان العربيه مبقتش ثابته زي الاول
هل في التوكيل ممكن يعملولي زوايا و اتزان ؟ و لا اعملها فين

للأسف اللى كان عند حضرتك ده مش زوايا.....دى طارة الدريكسيون مكنتش متسنتره فقط off center
يعنى كنت محتاج تحل الطاره من فوق و ترجع تركبها و هى متسنتره مع العجل فى اقل من دقيقة
انت كده للأسف بوظت الزوايا، و محتاج حد بيفهم كويس يظبطهالك تانى
تحياتى

[dr.oun]

طيب حضرتك دي ممكن تتعمل في التوكيل ؟

و لا اعملها فين

[Hany Saad]

طيب حضرتك دي ممكن تتعمل في التوكيل ؟

و لا اعملها فين

التوكيل مش كويس قوى فى موضوع الاتزان و الترصيص علشان دى عايزة مكن متعاير و اهتمام خاص و اعتقد التوكيل مش مهتم بالموضوع ده
جرب fit &fix
تحياتى

[dr.oun]

فين fit & fix يا م / هاني

هو المكان اللي عملهالي ده كل اللي عمله رجلاش

فتح او قفل صاموله او حاجه زي كده

[Amr Montasser]

فين fit & fix يا م / هاني

هو المكان اللي عملهالي ده كل اللي عمله رجلاش

فتح او قفل صاموله او حاجه زي كده

لو حضرتك فى القاهرة هتلاقى فيت اند فيكس عند عمارات العبور فى صلاح سالم قبل معرض غبور او فى بنزينة كالتكس تقاطع مصطفى النحاس مع عباس العقاد فى مدينة نصر او فى محطة توتال القطامية على الدائرى.

[Hany Saad]

فين fit & fix يا م / هاني

هو المكان اللي عملهالي ده كل اللي عمله رجلاش

فتح او قفل صاموله او حاجه زي كده

اللى عمله ده مش رجلاش، فتح و قفل الصاموله هى ظبط لزوايا العربية و هو بوظ الزوايا
أظبط الزوايا الأول و بعدين قول لبتاع الزوايا يسنترلك الطارة و كله هيبقى تمام

تحياتى