فلوانس مش اعتماديه محدش عارف الزيت بينقص ليه

[احمد زكي]

فعلا زهقت حرااام دي ٥ مره للتوكيل مكملتش ٤٠٠٠ كيلو

الشكوي نقص الزيت لتاني مره ، ، صوت خبطه امامي اسفل السياره ،، صوت حكه مع الرجوع

الحمد لله التوكيل مش عارف سبب نقص الزيت ومستني رد رينو فرانسا

صوت الخبطه اسفل السياره قطع غيار عاوزه تتغير والحمد لله مش موجوده هايجبوها لسه ب d h l

صوت الحكه مش عارفينه ايه

ماشي بالعربيه اكنها عربيه مستعمله صوت خبطه وحكه ونقص زيت وبتحدفه شمال وصوت ماتور عالي وبتاكل بنزين

[Mecha]

يا باشا ,رجعها وهات ياباني دي عالم يعملو فساتين

[تامر.محمد]

معلش حضرتك بتروح توكيل ايه ؟

انا مستغرب ان فيه قطعة في فلوانس مش موجودة , ما شفتهاش بصراحة مع التوكيل ابدا الحكاية دي !!!

مستر ميكا , ما بلاش توكيلات الياباني خصوصا في حوار قطع الغيار الموجودة او مش موجودة :)

[Mecha]

مسيو تامر ,الراجل بيشتري زيرو .هيجيبها ياباني ياباني لا هتحتاج قطع غيار ولا تروح الوكيل لعيوب صناعة كارثيه زي المذكورين اللي الوكيل مش عارف يعتر فيهم. غيرشي زيوت وفلاتر .او بوجيهات وتيل مش قبل 30,000 km.وشكرا

[volociximab]

تانى مرة اسمع ان الفلونس بتحدف
صاحبى جربها مو 2012 مستعملة و قال بتحدف بس يمكن العربية دى عشان مستعملة
على العموم رواد المنتدى اصحاب اليفونس و السوق المصرى اعلم من الخليج بالفرنساوى

[shennoz]

مع احترامى الشديد ليك انت كده ليك حق ومش عارف تاخده.. ناس كتير جابت العربية ومفيهاش الكلام ده...

مفيش حاجة اسمها يصلحلك ان العربية بتحدف.. هتفضل طول عمرك سايق واديك على قلبك وخلاص انت فقدت الثقه فى العربية.. عليك وعلى جهاز حماية المستهلك وخليهم يدوك عربية غيرها

[yasser100]

واضح انه حضرتك بتعانى معاها على مدى اكتر من 7 شهور , عيب الصناعه وارد و فى اى منتج و فى احسن السيارات , استخدم حقك القانونى .

[yasser100]

مسيو تامر ,الراجل بيشتري زيرو .هيجيبها ياباني ياباني لا هتحتاج قطع غيار ولا تروح الوكيل لعيوب صناعة كارثيه زي المذكورين اللي الوكيل مش عارف يعتر فيهم. غيرشي زيوت وفلاتر .او بوجيهات وتيل مش قبل 30,000 km.وشكرا

اشهر و اكبر الشركات اليابانى اتلمت عربياتها من على مستوى العالم لعيوب صناعه عامه و مش فرديه كمان , تيوتا نفسها اكتر شركة تصنيع سيارات على مدى التاريخ عملت استدعاء لسياراتها لعيوب صناعه عامه فى سياراتها من فرامل لايرباجز لفتيس . طالما فيه صناعه هايكون فيه عيوب و مشكله هنا او مشكله هناك مش ازمه , المهم العميل ياخد حقه و دى مشكلتنا هنا مش مشكلة الشركات المصنعه للسيارات .

بالنسبه لقطع الغيار , الكل هايعانى من الموضوع ده بقوه الفتره القادمه يابانى و اوروبى و صينى و كورى بلا استثناء .

[Mecha]

اشهر و اكبر الشركات اليابانى اتلمت عربياتها من على مستوى العالم لعيوب صناعه عامه و مش فرديه كمان , تيوتا نفسها اكتر شركة تصنيع سيارات على مدى التاريخ عملت استدعاء لسياراتها لعيوب صناعه عامه فى سياراتها من فرامل لايرباجز لفتيس . طالما فيه صناعه هايكون فيه عيوب و مشكله هنا او مشكله هناك مش ازمه , المهم العميل ياخد حقه و دى مشكلتنا هنا مش مشكلة الشركات المصنعه للسيارات .

بالنسبه لقطع الغيار , الكل هايعانى من الموضوع ده بقوه الفتره القادمه يابانى و اوروبى و صينى و كورى بلا استثناء .

متفق مع حضرتك الي حد ما ,فيه مشاكل ايرباجز علي مستوي العالم ,فتيس جنوب افريقي ,دواسات في امريكا,فرامل نيسان الهندي .لكن لاحظت الياباني من اليابان عيوبه الاعتماديه طفيفه حتي المستعمل وفي اليابان بيخلصوا م العربيه علي 40,000 km.ممكن الكماليات ضعيفه لكن مجاميع الاشعال ومتور وفتيس وعفشه ممتازة .زي ميكون الموديل اتعمل بروتوتيب واجرب كل دا .مش هيديك عربيه زيرو بتاكل زيت زي الاخ او اصوات خبط.

[yasser100]

متفق مع حضرتك الي حد ما ,فيه مشاكل ايرباجز علي مستوي العالم ,فتيس جنوب افريقي ,دواسات في امريكا,فرامل نيسان الهندي .لكن لاحظت الياباني من اليابان عيوبه الاعتماديه طفيفه حتي المستعمل وفي اليابان بيخلصوا م العربيه علي 40,000 km.ممكن الكماليات ضعيفه لكن مجاميع الاشعال ومتور وفتيس وعفشه ممتازة .زي ميكون الموديل اتعمل بروتوتيب واجرب كل دا .مش هيديك عربيه زيرو بتاكل زيت زي الاخ او اصوات خبط.

حضرتك بتتكلم فى عيب صناعه فردى و لا جماعى ؟ يعنى من كل 100 عربيه فلوينس تظهر عربيه او اتنين فيهم المشكله هاعممها على كل اللى امتلكوها ؟ و لا لما اصنع 100 عربيه يظهر فيهم 80 عربيه فيهم مشكله و يضطر يعمل استدعاء ؟ احنا بنتكلم على العربيات اللى بتوصل لنا سواء من فرنسا او اليابان او غيرهم .

هل مشكلة الفتيس او الفرامل او دواسة بنزين بتعلق اقل من مشكلة زيت موتور ؟ على الاقل لو زيت الموتور نقص العربيه هاتقف لكن لو فرامل هايكون المقابل الحياه . و ربنا يسترها طبعا :) .

[mmsobhi]

وجعتوا دماغنا باعتماديه الياباني والله 3 اصحابي معاهم تويوتا كورولا 2007 وطبعا احنا عارفين ان الشعب المصري طالع بالعربيه دي ال2007 السماءوعلي فكره التلاته ما يعرفوش بعض وكل واحد فيهم كل فتره بسيطه عطل ومن ميكانيكي لميكانيكي لتوكيل ومصاريف وتسالهم اخبار العربيه ايه يقولك تمام ميه ميه...هههههه .واحد صاحبي معاه لانوس 2005 شاريها من 3 سنوات ب49000 الف والله صارف عليها لحد دلوقتي اكثر من 25000 الف بس مبسوط منها يقولك انا لو بعت هبيع ب57000 وكده انا كسبت ....ازاي .....انا الحمد لله كان معايا اوبل كورسا 2005 زيرو عملت بيها 150000كيلو بدون مشكله 10سنوات مع الصيانه الدوريه في التوكيل او خارج التوكيل مع شراء قطع الغيار الاصليه من التوكيل .كل شئ كنت بعمله فيها بكتبه في كراسه مجموع تكاليف الصيانه خلال ال10 سنوات 12000تقريبا الخلاصه اي سياره وارد فيها عيب صناعه وليك حق لازم تاخده ونفسي التوكيلات تحترم العميل من غير جهاز حمايه المستهلك اللي ملهوش اي لازمه والاعتماديه مش كلمه وخلاص لازم صيانه وقطع غيار اصليه

[Amir Gaber]

Follow

[احمد زكي]

منتظر رد التوكيل خايف امشي بالعربيه عيوب قد كده صوت خبطاط غريبه من امام السياره

كل كلامهم انتظر ردرينو فرانسا علينا حتي سئلتهم ايه المشكله نقص الزيت ردهم مش عارفين السبب

احسن حل حماية المستهلك

[Mecha]

ياريت تجرب يغيروها بواحده تانيه سليمه ,منفعش خد فلوسك وهات ياباني

[drcobra]

فعلا زهقت حرااام دي ٥ مره للتوكيل مكملتش ٤٠٠٠ كيلو

الشكوي نقص الزيت لتاني مره ، ، صوت خبطه امامي اسفل السياره ،، صوت حكه مع الرجوع

الحمد لله التوكيل مش عارف سبب نقص الزيت ومستني رد رينو فرانسا

صوت الخبطه اسفل السياره قطع غيار عاوزه تتغير والحمد لله مش موجوده هايجبوها لسه ب d h l

صوت الحكه مش عارفينه ايه

ماشي بالعربيه اكنها عربيه مستعمله صوت خبطه وحكه ونقص زيت وبتحدفه شمال وصوت ماتور عالي وبتاكل بنزين

معلش سؤال لحضرتك
حضرتك بتعتمد على المقياس المانيوال يعنى بتشوف بعينك المقياس ولا الكور اللى فى العدادات