اشتريت كليو 2007 ومحتاج رأيكم

[ntoytoy]

سلام عليكم، انا اشتريت كليو 2007 وهاستلمها بكره باذن الله، انا كشفت عليها في وطنيه وكله تمام الحمد لله، بس عايز اعملها صيانه برده فايه رايكم، انا ساكن جنب فرينش موتوز عين شمس وده مركز معتمد اروحله ولا استنى لما امشي بيها شويه الاول، ولو في اي نصايح للحفاظ علي العربيه، وشكرا

[A.Saad]

مبروك
العربية عاملة كام الف كيلو ؟

[ntoytoy]

الله يبارك فيك هي قفلت النهارده 80 الف

[A.Saad]

عندك طريقين للحل
لو عارفة تاريخ الصيانة من المالك السابق
يبقى هتكلملى عليه
يعنى لو غير سيور مثلا او زيت او فلاتر من 20000 يبقى مش هتغيريهم
لو مش عارفة تاريخ الصيانة او شكيتى فى كلامه
يبقى الافضل تعملى الصيانة

[ntoytoy]

انا كلمته فعلا وهو عمل صيانه عند ال 60 الف تقريبا، فانا شويه كده واروح اعمل صيانه ال 80 باذن الله
شكرا ليك
اه علي فكره انا راجل مش ست :-)

[M.Gomaa]

ألف مبروك العربية و ربنا يباركلك فيها و يكفيك شرها
نصيحتى ليك لو العربية كانت بتتعمل لها صيانة فى التوكيل أو مراكز الخدمة المعتمدة تبقى كمل على نفس النهج، أما لو كان صاحبها بيصنها بره التوكيل أو مراكز الخدمة فحاول تشوف حد صنايعى أو هو يدلك على المكان اللى كان بيصلح فيه العربية، علشان لو كانت بتتصلح بره و إنت أخدتها مراكز خدمة معتمدة هيبتدوا يعلقوا على الشغل اللى كان معمول قبل كده، أن حصل معايا كده و غيرت حاجات كتير فى العربية بفرينش موتورز وفى الأخر أكتشفت إنها كانت شغالة وممكن تقعد مدة أطول بدون مشكلة, بس الحمد لله دلوقتى بصلحها بره و الحمدلله المصنعيات اقل بكتير و باخد عربيتى فى نفس اليوم, فى فرينش موتورز كانت ممكن تقعد يومين و خمسة أيام.

[ntoytoy]

ألف مبروك العربية و ربنا يباركلك فيها و يكفيك شرها
نصيحتى ليك لو العربية كانت بتتعمل لها صيانة فى التوكيل أو مراكز الخدمة المعتمدة تبقى كمل على نفس النهج، أما لو كان صاحبها بيصنها بره التوكيل أو مراكز الخدمة فحاول تشوف حد صنايعى أو هو يدلك على المكان اللى كان بيصلح فيه العربية، علشان لو كانت بتتصلح بره و إنت أخدتها مراكز خدمة معتمدة هيبتدوا يعلقوا على الشغل اللى كان معمول قبل كده، أن حصل معايا كده و غيرت حاجات كتير فى العربية بفرينش موتورز وفى الأخر أكتشفت إنها كانت شغالة وممكن تقعد مدة أطول بدون مشكلة, بس الحمد لله دلوقتى بصلحها بره و الحمدلله المصنعيات اقل بكتير و باخد عربيتى فى نفس اليوم, فى فرينش موتورز كانت ممكن تقعد يومين و خمسة أيام.

الله يبارك فيك ياباشا طيب انت بتعمل صيانه فين دلوقتي لاني كنت ناوي اروح فرينش موتورز بس صاحب العربيه كان بيعمل الصيانه في جسر السويس عند حديقة بدر وانا حاسس ان المركز ده ماكانش تمام اوي.

[M.Gomaa]

أنا بعمل صيانتى فى عين شمس فى شارع الزهراء قدام مسجد الغباشى فى ورشة هناك بتاعت الأسطى احمد الغباشى عنده جهاز كشف أعطال و ممكن تعمل فى الورشة دى كهرباء و ميكانيكا و عفشة, وبالنسبة لقطع الغيار أنا بشتريها من واحد إسمه رينو حاتم فى شارع العشرين ده برده أسعاره كويسه وأمين فى حاجته يعنى لو حاجه صينى بيقولك إنها صينى وكمان عنده قطع غيار إستيراد، لو فى أى حاجة أنا تحت أمرك سواء فى قطع الغيار أو الصيانة أنا الحمد لله لفيت كتير على ورش ومحلات قطع غيار لحد لما إستقريت على إنى أعمل الصيانة فى عين شمس فى المكان ده.

[ntoytoy]

تسلم يا باشا، انا هاروح اشوف الاسعار ايه في فرينش موتورز لو لاقيتها اوفر هاشوف ورشة الغباشي اللي سيادتك بتقول عليها وربنا يساهل، شكرا ليك