هل الميجان الهاتشباك 2005 فيها نفس مشاكل السيدان؟

[أحمد كمال89]

السلام عليكم
الميجان الهاتشباك عجباني جدا، وقدامي حاجة 2005 راشة جانبين فقط.
أنا عارف إن تقفيلها فرنسي بخلاف السيدان اللي تقفيلها تركي، فهل موديل 2005 و2006 في الهاتشباك فيه نفش المشاكل (بالذات مشاكل الفتيس) اللي في السيدان؟

[Islam Tawfik]

نصيحة من واحد راكب ميجان هاتشباك 2006 وبعتها وحالتها كانت نضيفة لكل اللي شافها لكن قبل متجبها لازم تحسبها كويس مكانك فين وفيه ميكانيكي يشتغل فيها ولا لا والعربية ديه اهم حاجة لو ظهر مستناش عليها وتكسل وتقول بكره ولو عملتها معاملة الانوس ولا الفيرنا هتشوف ايام سودا ومشكلتها من وجهة نظري ان تلاقي صناعيي عندو ضمير او فاهم يشتغل فيها كلو بالبركة

[أحمد كمال89]

نصيحة من واحد راكب ميجان هاتشباك 2006 وبعتها وحالتها كانت نضيفة لكل اللي شافها لكن قبل متجبها لازم تحسبها كويس مكانك فين وفيه ميكانيكي يشتغل فيها ولا لا والعربية ديه اهم حاجة لو ظهر مستناش عليها وتكسل وتقول بكره ولو عملتها معاملة الانوس ولا الفيرنا هتشوف ايام سودا ومشكلتها من وجهة نظري ان تلاقي صناعيي عندو ضمير او فاهم يشتغل فيها كلو بالبركة

أنا ساكن في الهرم، فهل فيه مراكز معتمدة للصيانة في الجيزة عموما؟
تاني حاجة لو تسمح هي معدل مصاريفها الشهرية للصيانة الدورية تقريبا قد ايه مع معدل مشي متوسط مش هلك يعني؟

[Islam Tawfik]

طب ممكن اسال حضرتك كنت راكب ايه قبلها ده هيتوقف انك بتقارنها باية من ناحية التكلفة لو مركز معتمده التكلفة هتبقي كبيره بس فيه ميكانيكي كويس ناحية الهرم اسمه محمد صبحي كان شغال في التوكيل شاطر لكن عيبة المواعيد وتسليم الشغل

[Super_Star_h]

تركى ولا فرنساوى كلها واحد ومشاكلها واحد وفتيسهم واحد مافيش فرق

[ah-gawad]

نفس المشاكل لا تركي و لا فرنساوي