ابعدو عن فلوانس ،،،،، حماية المستهلك ....

[احمد زكي]

التوكيل مصمم تصليح العريبه

فلوانس ٢٠١٥ بتهرب زيت بعد كل ١٧٠٠ كيلو

محدش يجيبها عريبه مش اعتماديه

قطع الغيار مش موجوده

التوكيل مش محترف مش عارف يصلحهاااا

خدوهااا ناصيحه ابعدو عن فلوانس فيس ليفت

[تامر.محمد]

الكلام ده حاصل مع كام عربية بالظبط ؟

[Ahmed Koller]

اهدأ يا باشا وإن شاء الله التوكيل يحل المشكله وتوكيل رينو محترم جداً بصراحه

[احمد زكي]

مافيش صبر خلاص التوكيل المحترم عاوز يصلح العربيه اللي مكملتش ٤٠٠٠ كيلو يفك موتور

[Abo_Mazen]

عادي ..إيه المشكلة يعني ..واحد إشترى لانوس زيرو ..راح المرور فحص ورخص على ما روح بيته جابت فتيس ..الفتيس إتحرق ..

[احمد زكي]

عادي بالنسبالك

[Abo_Mazen]

عادي بالنسبالك

عادي بالنسبه لي..وبالنسبه لك برضه ..لإنك ببساطة ..في مصر ..يعني لا حماية مستهلك هتنصفك ..ولا قانون هيجيبلك حقك ..

[yalahwy2010]

التوكيل مصمم تصليح العريبه

فلوانس ٢٠١٥ بتهرب زيت بعد كل ١٧٠٠ كيلو

محدش يجيبها عريبه مش اعتماديه

قطع الغيار مش موجوده

التوكيل مش محترف مش عارف يصلحهاااا

خدوهااا ناصيحه ابعدو عن فلوانس فيس ليفت

أنا عاذرك وعارف اللى انت فيه....معلش وان شاء الله خير وهتتحل المشكلة
والحمد لله على كل شىء.....انت بس خليك مع التوكيل واحدة واحدة وان شاء الله مش هيسيبوك الا لما يصلحوها
واعمل انت شكوى فى رينو فرنسا وحماية المستهلك........من واحد مجرب.........حماية المستهلك جهاز قوى جدا وممكن يقرف التوكيل..

وشكوتك لرينو فرنسا هتسمع وهتعمل أعلى شغل...... وجرب واعمل بحث فالمنتدى هتعرف انها جابت نتيجة مع كذا عضو .....هى بس عايزة شوية صبر وطولة بال.....وانا عارف ان العربية زيرو وانت كنت عايز تبقى راكبها وتستمتع بيها.......بس للأسف نصيبك وحظك كدة.....وقول الحمد لله على كل شىء........(وعسى ان تكرهوا شيئا وهو خير لكم - صدق الله العظيم)

[ENG.MaRk]

يا فندم اهدأ و كل حاجة هتبقي تمام إن شاء الله ... أنا أول مرة أشوف حد بيكره الفلوانس كدة و متحامل عليها بزيادة ... أنا كنت في يوم من الأيام من ملاكها و بعتها عاملة 147000 كم و ماشفتش منها حاجة وحشة و قريب التوكيل هيلاقي حل لمشكلة حضرتك لأني أعتقد إنها مشكلة فردية لأن كل معارفي و أصحابي ملاك الفلوانس طايرين بيها ... من الآخر ارفع قضية علي رينو مادام العربية لسة في الضمان و هم أكيد هيصلحوها أو هيبدلوها و أنا متأكد لأن التوكيل محترم جداً

[Abo_Mazen]

أنا عاذرك وعارف اللى انت فيه....معلش وان شاء الله خير وهتتحل المشكلة
والحمد لله على كل شىء.....انت بس خليك مع التوكيل واحدة واحدة وان شاء الله مش هيسيبوك الا لما يصلحوها
واعمل انت شكوى فى رينو فرنسا وحماية المستهلك........من واحد مجرب.........حماية المستهلك جهاز قوى جدا وممكن يقرف التوكيل..

وشكوتك لرينو فرنسا هتسمع وهتعمل أعلى شغل...... وجرب واعمل بحث فالمنتدى هتعرف انها جابت نتيجة مع كذا عضو .....هى بس عايزة شوية صبر وطولة بال.....وانا عارف ان العربية زيرو وانت كنت عايز تبقى راكبها وتستمتع بيها.......بس للأسف نصيبك وحظك كدة.....وقول الحمد لله على كل شىء........(وعسى ان تكرهوا شيئا وهو خير لكم - صدق الله العظيم)

معلش سؤال بس بخصوص حماية المستهلك ..حضرتك قريت المشاركة بتاعة الزميل اللي إسمها ..عملت حادثه بسبب عدم عمل فرامل بيجو 301 ??....إيه رأيك في حماية المستهلك ...؟؟؟؟

[تامر.محمد]

نفس قصة دكتور مصطفى بالظبط -_-

[احمد زكي]

ياجماعه معني ايه تصليح العربيه ،،،،

يعني تصليح موتور

يعني اسيبهم يفكو الموتور ويضغطوا كل بيستم لحد مايعرفوا المشكله فين

اعمل عمره للموتور في عربيه مكملتش ٦ شهور يعني ترجعلي العربيه بكفأه اقل ٣٠ %

انا جربت توكيل رينو والصيانه في ظبط طاره العربيه تاني يوم عطلت ومش عاوزه تدور كلمت التوكيل قالي البطاريه فضيت قولتله في ٣ شهور قالي عادي تحصل
جالي مهندس واكتشف ان سلك البطاريه الارضي من غير صاموله دور في عربيته علي صاموله علشان يثبت سلك البطاريه
بذمتكم ينفعوا يفكوا موتور

حمايه المستهلك ارفع قضيه اعمل محاضر مش هاسيب حقي

في عربيه وديتني للتوكيل اكتر ما كنت بروح لمكانيكي بعربيه موديل ٨٣

[ahmed eltaib]

بصراحه الله يكون في عونك
و لما الواحد يبقى مشتري عربية زيرو و يحصل فيها كل ده ساعتها مش هتفرق معاه اذا كان عيب فردي او مشكله عامه لانها بقت مشكله لكل ما يملك .
بس عموما اللي حصل حصل ، و من وجهة نظري انهم لو غيرولك الموتور بالكامل بموتور جديد يبقى حل مرضي ، انا في 2012 كنت لسه جايب النترا زيروا و دخلت في جنط حديد كسرلي كارتيرة الزيت ، و التوكيل قال انه مش بيغير الكارتيره بس و الحل تغيير نص موتور بالكامل ، و بما اني في التأمين و بعد نصيحة ناس متخصصة غيرت نص الموتور بالفعل بعد مرور شهرين فقط على شرائي العربية ، و لحد ما اتسرقت مني في فبراير 2015 و العربية كانت شغاله تمام التمام و مفيش اي ملاحظة على ادائها و كنت عامل بيها اكتر من 70 الف كم
شوف معاهم كده و في الاول و الاخر القرار ليك و ربنا يعينك بجد .

[miam0502788391]

فعلا الله يكون فى عونك ؟؟

[عماد الدين عزت]

المشكلة متكررة يشترى العميل السيارة زيرو بشقى عمره وبعدين لسوء حظه يكتشف عيب صناعة وضرورة تغيير السيارة باخرى ويستخدم الوكيل فى العادة سياسة تزهيق الزبون الذى يكون بين امرين احلاهما مر اما ان يقبل بالامر الواقع ويستخدم السيارة على عيبها اوان يقوم ببيعها لاخر ويخسر فيها مبلغ محترم وفى حالة اللجوء الى جماية المستهلك اجراءات كثيرة وتضييع وقت قد تكلل بالنجاح او لا وتتوالى مداخلات الاعضاء اما تطالبه بالصبر وان حظه كده او عليه باللجوء الى حماية المستهلك او ارسال ايميل الى الشركة المصنعة للسيارة وفى الحقيقة يظل المشترى واقفا لوحده يواجه الامر فانا اقترح لماذا لا نفكر فى وسيلة لمساعدة هذا الرجل فى محنته وتكون هذه خدمة ايجابية تضاف الى الخدمات التى يقدمها المنتدى لاعضائه مثل تكوين لجنة من المتخصصين فى المنتدى تتولى مساعدته فى عرض امره على الجهات المختصة وتذليل الصعاب التى يواجهها حتى يحصل على حقه ويشعر انه ليس بمفرده .