رينو فلوينس خليجي 2015

[Tamernagar]

أنا عايش بالسعودية ورحت توكيل رينو لقيت الفلوينس اللي بتنزل عندهم صناعة كوريا الجنوبية
والمحرك والمكيف والفتيس كله صناعة نيسان ياباني والموظف هناك بيقول فيها محرك نيسان تيدا
هل العربية اللي بتنزل مصر مصنوعة في كوريا الجنوبية والمحرك برده نيسان ياباني ولا حاجة تانية ؟
وهل تنصحوني اشتريها من هنا وانزلها مصر ولا لأ ؟

[yasser100]

اللى فى مصر نفس المواصفات الفنيه , الموتور و الفتيس و التكييف نيسان , مشتركين بين القاشقاى الموديل السابق و الجوك و السنترا و التيدا , بس اللى هنا تقفيل تركى , مصنع رينو الخاص باوروبا و روسيا و شمال افريقيا .

اللى عندك تقفيل كوريا المصنع الخاص بالخليج و شرق اسيا .

اشتريها من مصر افضل علشان تكون ضمان الوكيل و اعتقد انه فيه هنا بعض الاوبشن الزياده عن الخليجى .

[Tamernagar]

اللى فى مصر نفس المواصفات الفنيه , الموتور و الفتيس و التكييف نيسان , مشتركين بين القاشقاى الموديل السابق و الجوك و السنترا و التيدا , بس اللى هنا تقفيل تركى , مصنع رينو الخاص باوروبا و روسيا و شمال افريقيا .

اللى عندك تقفيل كوريا المصنع الخاص بالخليج و شرق اسيا .

اشتريها من مصر افضل علشان تكون ضمان الوكيل و اعتقد انه فيه هنا بعض الاوبشن الزياده عن الخليجى .

شكرا أخي ياسر على النصيحة
بس هل أتحلت مشكلة زيت المحرك في العربيات اللي بتنزل مصر لأني قلقان من النقطة دي

[Amr Montasser]

شكرا أخي ياسر على النصيحة
بس هل أتحلت مشكلة زيت المحرك في العربيات اللي بتنزل مصر لأني قلقان من النقطة دي

مافيش مشكلة حضرتك الموضوع ان العربية كانت بتنزل ناقصة نص كيلو من التوكيل فمقياس الديجيتال كان بينزل كورة او اتنين بعد اول الف كم و الناس بتروح التوكيل هنا بتزوده ببلاش و كذا حد و انا منهم اشترى 2015 و محسناش بحاجة الحمد لله.

[Tamernagar]

طيب لو مفيش مشكلة في زيت المحرك

معناها الواحد ممكن يشتريها هنا خاصة اني هستخدمها حوالي 3 سنين وبعدين أنزلها مصر اكون استفدت من الضمان هنا بس طبعا انا عارف ان المواصفات في مصر افضل خاصة اللي هنا بتنزل من غير شاشة او كاميرا حتى في اعلى فئة

[Amr Montasser]

طيب لو مفيش مشكلة في زيت المحرك

معناها الواحد ممكن يشتريها هنا خاصة اني هستخدمها حوالي 3 سنين وبعدين أنزلها مصر اكون استفدت من الضمان هنا بس طبعا انا عارف ان المواصفات في مصر افضل خاصة اللي هنا بتنزل من غير شاشة او كاميرا حتى في اعلى فئة

اعتقد اللى بتنزل مصر مافيهاش كاميرا خلفية و شاشة حتى فى اعلى فئة برده بالنسبة لموضوع ان حضرتك تنزلها مفهمش فى موضوع الجمارك و الحاجات دى لو حد عنده خبرة بالموضوع ممكن يساعدك.

[yasser100]

طيب لو مفيش مشكلة في زيت المحرك

معناها الواحد ممكن يشتريها هنا خاصة اني هستخدمها حوالي 3 سنين وبعدين أنزلها مصر اكون استفدت من الضمان هنا بس طبعا انا عارف ان المواصفات في مصر افضل خاصة اللي هنا بتنزل من غير شاشة او كاميرا حتى في اعلى فئة

و لا اللى هنا كمان بتنزل بشاشه او كاميرا حتى فى اعلى فئه , قد يكون الاختلاف فى فتحة السقف و فرش الصالون , اعتقد هنا افضل من صور شوفتها للخليجى .

زى ما قلت لك المواصفات الفنيه واحده و لكن الخوف انه ممكن يكون فيه حاجه حساسه مختلفه احنا مش شايفينها و ما تلاقيش قطعة غيارها , احنا بنقول المعلومه العامه اللى احنا عارفينها , لكن قد يكون فيه دواخل فنيه ادق ما نعرفهاش .

[tameem2010]

الرينو الفلوانس اللى في مصر تصنيع تركي عشان تاخد الاعفاءات الجمركيه عشان اوربي مش شرق اسيوي
ومصنع رينو في تركيا ممتاز
والموتور هو موتور نيسان تيدا