نور التابلوه بيضعف فلوانس 2015

[drmsm31]

عندي استفسار للسادة اعضاء المنتدي
عربيتي رينو فلوانس 2015 الفئة الأولى
نور التابلوه (العدادات + الشاشة اللي في النص) بيشتغل ويطفي بالعكس يعني بالليل لما بشغل كشافات العربية على العادي او العالي نور التابلوه بيضعف ولما بطفي الكشافات نور الطابلوه بيبقى طبيعي جدا
المشكلة دي تتحل إزاي ولا أروح بيها التوكيل ؟
شكرا لتعاونكم

[meemoo2104]

أخي الفاضل علي شمالك وأنت قاعد هتلاقي مفتاحين الأول من اليمين للتحكم في شدة أضاءة التابلوه من عدادات وخلافه والأخر أللي علي الشمال للتحكم في نور السيارة الأمامي وتقبل مروري

[Hany Saad]

عندي استفسار للسادة اعضاء المنتدي
عربيتي رينو فلوانس 2015 الفئة الأولى
نور التابلوه (العدادات + الشاشة اللي في النص) بيشتغل ويطفي بالعكس يعني بالليل لما بشغل كشافات العربية على العادي او العالي نور التابلوه بيضعف ولما بطفي الكشافات نور الطابلوه بيبقى طبيعي جدا
المشكلة دي تتحل إزاي ولا أروح بيها التوكيل ؟
شكرا لتعاونكم

الزميل الفاضل
اللى عند حضرتك هو ده الطبيعى و ده موجود فى كل العربيات مش بس الفلوانس
باقى العربيات جرب حضرتك تبقى بالليل و ركز مع الساعة المضيئة و انوار التكييف و الكاسيت: و انت طافى النور الصغير هتلاقى الانوار دى كويسه جداً و اول ما تنور النور الصغير هتلاقى الأنوار دى ضعفت
ده شئ طبيعى جداً فى جميع السيارات و لا يوجد شئ يدعو للقلق او زيارة التوكيل
برجاء تجربة أى سيارة من اى ماركة للتأكد

تحياتى

[yasser100]

ده الطبيعى . بالنهار قوى و لما يشتغل نور العربيه بيضعف لانه بيعرف انه الوقت بالليل و ضلمه يعنى اى اضاءه هاتظهر كويس .

مبروك :)