Rpm في الفلوانس 2015

[mario maged]

بسأل هو المفروض عند سرعة 130-140 الrpm يكون على كام؟
انا عندي بيبقي تحت ال 4 بشوية هو كده مش كتير؟ مع العلم ان السواقة هادئة من الثبات دون قرص او شد
عشان صاحبي معاه باسات كان على 180 وال rpm على 3 و نص بس؟!!
و كمان ليه من وضع الثبات لما بكبس بنزين ال rpm بيعلى ل 6 و مش بيغير الغيار غير لما اشيل رجلي؟!

[Batman372]

انا عندى عند تثبيت السرعه ...
١٠٠ كم/س عند rpm ١٧٥٠ لفه ...
١٢٠ كم/ س ... عند rpm ٢٠٠٠ لفه بالظبط :)
١٤٠ كم/س عند حوالى ٢٣٥٠ لفه ...
دى احدى مميزات الفتيس ال cvt ...

و بخصوص التسارع ... فقط دوس ثم ثبت رجلك على دواسه البنزين حتلاقى الاستجابه و التسارع افضل كثيرا ... و كرر ده حتى الوصول للمراد ...
مش لازم تشيلها ... الى حضرتك بتعمله ده ده بيبرجل كارته الاوتو و التسارع بيبقى ابطئ ...

تحياتى ...

[Adnfalcon]

أعتقد كتير .. تحت ال 4 عندي فال a5 دي سرعه 170
والمفروض الفلوينس أصلا عدد لفات الموتور بتكون قليله علي السرعات العاليه بسبب الفيتيس
ونستني رأي ملاكها

[mario maged]

انا عندى عند تثبيت السرعه ... ١٢٠ كم/ س ... عند rpm ٢٠٠٠ لفه بالظبط :)
دى احدى مميزات الفتيس ال cvt ...

و بخصوص التسارع ... فقط دوس ثم ثبت رجلك على دواسه البنزين حتلاقى الاستجابه و التسارع افضل كثيرا ... و كرر ده حتى الوصول للمراد ...
مش لازم تشيلها ... الى حضرتك بتعمله ده ده بيبرجل كارته الاوتو و التسارع بيبقى ابطئ ...

تحياتى ...

حضرتك انا مش قصدي تثبيت سرعة معينة و انا دايس دواسة البنزين عشان العربية تجمع سرعة لما بوصل لل 140 بيبقة تحت ال4 فبضطر اشيل رجلي شوية عن الدواسة عشان اهدي ال rpm

و بخصوص التسارع انا فعلا بدوس و بثبت رجلي بلاقي الrpm رفع ل 6 فمش هستنى لما يجبب 7 فبشيل رجلي عشان ماحرقش في الموتور جامد كده فبسال مش المفروض العربية تنقل غيارات بسرعة و ماتعليش ال rpm كده؟!

[Batman372]

حضرتك انا مش قصدي تثبيت سرعة معينة و انا دايس دواسة البنزين عشان العربية تجمع سرعة لما بوصل لل 140 بيبقة تحت ال4 فبضطر اشيل رجلي شوية عن الدواسة عشان اهدي ال rpm

و بخصوص التسارع انا فعلا بدوس و بثبت رجلي بلاقي الrpm رفع ل 6 فمش هستنى لما يجبب 7 فبشيل رجلي عشان ماحرقش في الموتور جامد كده فبسال مش المفروض العربية تنقل غيارات بسرعة و ماتعليش ال rpm كده؟!

طيب ما كده طبيعى ... طول ما انت دايس لازم الار بى ام يعلى معاك ... ثبت رجلك او ثبت السرعه ... حينزل للطبيعى ...
و متقلقشى من صعود الار بى ام ... كده كده العربيه لازم حتنقل ... كل الحكايه انك مستعجل على النقل :)
كل ده طبيعى جدا و انا عن نفسى كنت متضايق من كل ده اول ٣ شهور مقارنه بالعربيات الاخرى لدى و السابقه
لكن مع مرور الوقت حتعرف تتعامل كويس جدا مع موضوع التسارع ده و التعامل مع الفتيس ال cvt و حتعرف تعمل الى انت عايزه بالعربيه :) ومش حقولك انها افضل من عربيات تانيه بنفس ارقام الموتور و فتيس عادى اوتو ٦ سرعات ... لكنها لا تقل عنهم فى الاداء ... و لو حتفرق للاقل بتكلم فى ثانيه و لا ثانيه و نصف !!!! يعنى مع ٩٨ ٪ من العربيات الى حواليك عربيتك حتسعفك فى اغلب المواقف ...
تحياتى ...

[yasser100]

عادى جدا و لو ثبت رجلك بعد الدوسه القويه هاتلاقى ال ار بى ام نزل لوحده و العربيه سحبت للى انت عايزه . ده فتيس cvt شغله عامل زى الاستيك لما تشده و تسيبه . لانه ما فيهوش تروس و دى ميزه كبيره لعمر الفتيس و اداؤه على المدى الطويل . فتيس معمر جدا .

ما تقارنش بالباسات لو الفتيس dsg لانه قصه تانيه . ده موتور 1400 سي سي 160 حصان تقريبا يعنى عزم اعلى بكتير . عزم موتور الفلوينس قوى و جربتها فى مواقف كتير بتسد كويس قوى بس لما تاخد على الفتيس . العربيه طالقه نفس فكرة الاستيك بالظبط .

[yasser100]

عادى جدا و لو ثبت رجلك بعد الدوسه القويه هاتلاقى ال ار بى ام نزل لوحده و العربيه سحبت للى انت عايزه . ده فتيس cvt شغله عامل زى الاستيك لما تشده و تسيبه . لانه ما فيهوش تروس و دى ميزه كبيره لعمر الفتيس و اداؤه على المدى الطويل . فتيس معمر جدا .

ما تقارنش بالباسات لو الفتيس dsg لانه قصه تانيه . ده موتور 1400 سي سي 160 حصان تقريبا يعنى عزم اعلى بكتير . عزم موتور الفلوينس قوى و جربتها فى مواقف كتير بتسد كويس قوى بس لما تاخد على الفتيس . العربيه طالقه نفس فكرة الاستيك بالظبط

[mario maged]

عادى جدا و لو ثبت رجلك بعد الدوسه القويه هاتلاقى ال ار بى ام نزل لوحده و العربيه سحبت للى انت عايزه . ده فتيس cvt شغله عامل زى الاستيك لما تشده و تسيبه . لانه ما فيهوش تروس و دى ميزه كبيره لعمر الفتيس و اداؤه على المدى الطويل . فتيس معمر جدا .

ما تقارنش بالباسات لو الفتيس dsg لانه قصه تانيه . ده موتور 1400 سي سي 160 حصان تقريبا يعنى عزم اعلى بكتير . عزم موتور الفلوينس قوى و جربتها فى مواقف كتير بتسد كويس قوى بس لما تاخد على الفتيس . العربيه طالقه نفس فكرة الاستيك بالظبط

طب هو مش غلط على الموتور ان ال rpm يعلى مني كده لحد 6؟
و كمان و حتى و انا ماشي بالعربية بالدوسة الهادية جداا و عايز اجيب 180 على المدى البعيد لما بوصل ل 140 بيبقى ال rpm داخل على 4 ازاي اوصل لل 180 من غير ما اعلى ال rpm؟ عشان انا اصلا بكون دايس نفس الدوسة الهادية و ال rpm بيبقى كده عند 140 فبخاف و بشيل رجلي خالص و مش بعرف اوصل لل 180؟ ولا عادي اسيب ال rpm يعدي ال 4؟

[yasser100]

عادى . كنت على 150 و ال rpm اعلى من 4 حاجه بسيطه بس صوت الموتور مش عالى .

[عمر مصطفي محمد]

السلام عليكم يا جماعة ...محتاجين حد يقولنا نوصل للسرعات العالية ازاي من غير ال rpm مايعلي عشان انا واجهني نفس الموضوع وانا مسافر اسكندرية مكنتش عارف اعدي 130 من غير ال rpm مايعدي 3 ونص بس ده جزء منه غالباً كان عشان مقاومة الهواء للعربية ..وحاولت اثبت رجلي برضه بس كانت بتوصل لسرعة معينة وتثبت عليها لحد مادوس اكتر فال rpm يعلي وهكذا ..بس الوضع بيتحسن لما بكون ماشي علي الدائري العربية بتجمع سرعات اعلي علي rpm اهدي بشكل ملحوظ...الرجاء الإفادة

[Hany Saad]

السلام عليكم يا جماعة ...محتاجين حد يقولنا نوصل للسرعات العالية ازاي من غير ال rpm مايعلي عشان انا واجهني نفس الموضوع وانا مسافر اسكندرية مكنتش عارف اعدي 130 من غير ال rpm مايعدي 3 ونص بس ده جزء منه غالباً كان عشان مقاومة الهواء للعربية ..وحاولت اثبت رجلي برضه بس كانت بتوصل لسرعة معينة وتثبت عليها لحد مادوس اكتر فال rpm يعلي وهكذا ..بس الوضع بيتحسن لما بكون ماشي علي الدائري العربية بتجمع سرعات اعلي علي rpm اهدي بشكل ملحوظ...الرجاء الإفادة

مفيش أى مشكلة أن ال rpm يعلى معاك فوق ال 3 و ده أكيد هيحصل طول ما انت بتتسارع من سرعة معينة لسرعة أعلى....طالما فيه عزم أو تسارع مطلوب من الموتور يبقى لازم لفات الموتور هتزيد، نفس الشىء لو الطريق كان صاعد مطلع و انت بتتسارع او العربية محملة و مشغل تكييف و بتتسارع، كل هذه المواقف و غيرها لازم تزود ال rpm فوق ال 3،.....اهم حاجة متعليش قوى الموتور، و تحاول تثبت رجلك لحظات خلال التسارع علشان الجيربوكس يظبط أداؤه و يريح الموتور

أول ما هو توصل للسرعة المطلوبة، هتلاقى على طول لفات الموتور نزلت للمعدل الطبيعى بتاعها و الموتور ريح (ما يسمى بال cruising speed).

تحياتى

[عمر مصطفي محمد]

متشكر جداً ليك يا استاذ هاني ...الله يطمنك انا شكيت ان العربية فيها حاجة..انا كمان لسه بزيت الفبريكة فممكن الموضوع يفرق اكتر لما اغير الزيت ان شاء الله ...

[tasaka]

Nissan CVT explained

لاحظ اضاءه الفرامل للسياره الاوتوماتيك .. و كمان دواسه البنزين

https://www.youtube.com/watch?v=2OMqmpjOHWM

لاحظ اضاءه الفرامل للسياره الاوتوماتيك .. و كمان دواسه البنزين

[tasaka]

https://www.youtube.com/watch?v=kdqt84_3t-k

[Ahmed.abdelmon]

معلش ممكن حد يفهمنى اه ال rbm ده