التقرير المنتظر..الميجان والصيف وزيت الفتيس

[M.Radwan]

السلام عليكم ورحمة الله وبركاته

متهيألي ناس كتيرة من شعب الميجان العظيم كان بيتسائل عن موضوع الفتيس وسر النتشة الشهيرة اللى بتحصله مع التكييف في قيظ الصيف المصري..
المشكلة كانت بتتمثل في إنك ماشي في أمان الله ومشغل تكييفك وكله تماما وخدتلك سحبة جامدة على كوبري أكتوبر عشان متخيل إن الكوبري هيبقى فاضي... لكن هيهات يا برنس إنت في مصر ..فجأة تلاقي قدامك وقفة محترمة تقوم دايس على فراملك لغاية آخر نفس لما توصل للعربية اللى قدامك..فجأة وبدون سابق إنذار تلاقي الفتيس هب راح دابب دبة محترمة (او ناتش هههههههه) من التاني إلى الأول، أو (لو حظك وحش ) مش هنقل غير وانت جاي تتحرك تاني من الثبات...المهم في الحالتين بتلاقي هبدة جامدة ومزعجة جدا.. بعض الناس قالك دي شنابر الديل وضغوط إلخ..بس العبد لله مكنش مقتنع بالكلام ده، كنت مقتنع إنه من الزيت نفسه، ولما انت بتغير الشنابر بيتغير معاها الزيت أساسا! وبالتالي مش هنقدر نحكم كانت المشكلة فين بالظبط!
ما علينا..اتخذت الخطوة الجرئية وغيرت الزيت عند 70.000 كيلو تقريبا..والصيف حل علينا زي ما انتم شايفين..قلت فرصة بقى أقرص على العربية وأجرب وأشوف
وده وقت التجربة..في عز الشمس الساعة 4 ونص ودرجة الحرارة كانت فوق 40 درجة..ومشغل التكييف..بس كنت لوحدي في العربية.
الحمد لله النتائج ممتازة والعربية خلال ال 3 او 4 أيام الحر اللى فاتو كانت ممتازة وخصوصا نقلات الفتيس كانت هادية وسلسة.
وإن شاء الله هستمر في التجربة وأبلغكم لو حصل أي جديد.

[fepsceasar]

عملتها عند مين؟؟

[M.Radwan]

عملتها عند مين؟؟

أنا غيرته مرتين..مرة عند ميكانيكي عادي ..وآخر مرة عند فرينش موتورز..والمرتين كانوا تمام

[fepsceasar]

اصل متهيالى عدم تغيير الزيت اسطورة ..ازاى زيت الفتيس ما يتغيرش
انت بتحجز قبل ما تروح فرنش موتورز ولا مش شرط..ونوع الزيت ايه وانت اللى جايبه ولا من عندهم

[M.Radwan]

اصل متهيالى عدم تغيير الزيت اسطورة ..ازاى زيت الفتيس ما يتغيرش
انت بتحجز قبل ما تروح فرنش موتورز ولا مش شرط..ونوع الزيت ايه وانت اللى جايبه ولا من عندهم

مش شرط تحجز..وعلى كلامهم نوع الزيت توتال تخليقي

[على مهران]

السلام عليكم ورحمة الله وبركاته

متهيألي ناس كتيرة من شعب الميجان العظيم كان بيتسائل عن موضوع الفتيس وسر النتشة الشهيرة اللى بتحصله مع التكييف في قيظ الصيف المصري.. :_alshmokh08[1]:
المشكلة كانت بتتمثل في إنك ماشي في أمان الله ومشغل تكييفك وكله تماما وخدتلك سحبة جامدة على كوبري أكتوبر عشان متخيل إن الكوبري هيبقى فاضي... لكن هيهات يا برنس إنت في مصر ..فجأة تلاقي قدامك وقفة محترمة تقوم دايس على فراملك لغاية آخر نفس لما توصل للعربية اللى قدامك..فجأة وبدون سابق إنذار تلاقي الفتيس هب راح دابب دبة محترمة (او ناتش هههههههه) من التاني إلى الأول، أو (لو حظك وحش ) مش هنقل غير وانت جاي تتحرك تاني من الثبات...المهم في الحالتين بتلاقي هبدة جامدة ومزعجة جدا.. بعض الناس قالك دي شنابر الديل وضغوط إلخ..بس العبد لله مكنش مقتنع بالكلام ده، كنت مقتنع إنه من الزيت نفسه، ولما انت بتغير الشنابر بيتغير معاها الزيت أساسا! وبالتالي مش هنقدر نحكم كانت المشكلة فين بالظبط!
ما علينا..اتخذت الخطوة الجرئية وغيرت الزيت عند 70.000 كيلو تقريبا..والصيف حل علينا زي ما انتم شايفين..قلت فرصة بقى أقرص على العربية وأجرب وأشوف
وده وقت التجربة..في عز الشمس الساعة 4 ونص ودرجة الحرارة كانت فوق 40 درجة..ومشغل التكييف..بس كنت لوحدي في العربية.
الحمد لله النتائج ممتازة والعربية خلال ال 3 او 4 أيام الحر اللى فاتو كانت ممتازة وخصوصا نقلات الفتيس كانت هادية وسلسة.
وإن شاء الله هستمر في التجربة وأبلغكم لو حصل أي جديد.

السلام عليكم
انا كنت عايز اخد رأيك فى اللى حصل معايا وانا مسافر ممكن يكون ليه علاقه بزيت الفتيس ولا لآ معلش لو حطول عليك.
انا سافرت سوهاج بس للاسف كانت اسؤ سافرية بالنسبه ليا وانا ماشى فى طريق مصر اسكندرية الصحراوى العربية زى الفل لغاية 130 كيلو تقريبا من اسكندرية كنت ماشى 150 كم وقولت اعلى شوية 170كم بس قولت بلاش اقرص على العربية فمشيت 150 كم ومرة واحده صوت هابده جامده جدا زى الانفجار (الصوت جى من قدام) وكأن العربية سقطت غيار تقربيا كانت ماشية على التانى المهم بصيت فى العربية على الماتور مافيش اى حاجه الحرارة وكله تمام سبتها تهدى شوية من غير ما ابطلها جربت امشى مشيت عادى زى الفل مشت على 120 , 130 كم بعدها بشويه نفس القصه لغاية ما زهقت رحت ماشى على 90, 100 كم وبرده فى كل مرة بتمشى على التانى ومش بتغير ناقلات خالص ولا مانيوال ولا اتوماتيك وفى النهاية بقيت امشى على 70 كم بس مش عارف صوت دا ايه سببه وممكن يكون ايه
وانا راجع الحمد الله العربية كانت كويسه بس انا طول السكه ماشى 90, 100 كم فى مصر اسكندرية بس لما زهقت مشيت 120, 130 بس للاسف غير اللى كنت متوقعه خالص انا قولت حاخد المسافه 700كم فى خمس ساعات ولا حاجه 6 ساعات لكن كانت الصدمه بالنسبه ليا انى اخدتها فى 10 ساعات
ياريت حد يقولى دا ممكن يكون عيب ايه قبل ما اروح للميكانيكى لان هو لما كلمته فى التليفون قالى ممكن يكون حساس فى الفتيس بس حيبان فى الكشف

[أسامه الحسيني]

السلام عليكم
انا كنت عايز اخد رأيك فى اللى حصل معايا وانا مسافر ممكن يكون ليه علاقه بزيت الفتيس ولا لآ معلش لو حطول عليك.
انا سافرت سوهاج بس للاسف كانت اسؤ سافرية بالنسبه ليا وانا ماشى فى طريق مصر اسكندرية الصحراوى العربية زى الفل لغاية 130 كيلو تقريبا من اسكندرية كنت ماشى 150 كم وقولت اعلى شوية 170كم بس قولت بلاش اقرص على العربية فمشيت 150 كم ومرة واحده صوت هابده جامده جدا زى الانفجار (الصوت جى من قدام) وكأن العربية سقطت غيار تقربيا كانت ماشية على التانى المهم بصيت فى العربية على الماتور مافيش اى حاجه الحرارة وكله تمام سبتها تهدى شوية من غير ما ابطلها جربت امشى مشيت عادى زى الفل مشت على 120 , 130 كم بعدها بشويه نفس القصه لغاية ما زهقت رحت ماشى على 90, 100 كم وبرده فى كل مرة بتمشى على التانى ومش بتغير ناقلات خالص ولا مانيوال ولا اتوماتيك وفى النهاية بقيت امشى على 70 كم بس مش عارف صوت دا ايه سببه وممكن يكون ايه
وانا راجع الحمد الله العربية كانت كويسه بس انا طول السكه ماشى 90, 100 كم فى مصر اسكندرية بس لما زهقت مشيت 120, 130 بس للاسف غير اللى كنت متوقعه خالص انا قولت حاخد المسافه 700كم فى خمس ساعات ولا حاجه 6 ساعات لكن كانت الصدمه بالنسبه ليا انى اخدتها فى 10 ساعات
ياريت حد يقولى دا ممكن يكون عيب ايه قبل ما اروح للميكانيكى لان هو لما كلمته فى التليفون قالى ممكن يكون حساس فى الفتيس بس حيبان فى الكشف

اتوكل على الله وروح لمركز مصطفي فهمي او عادل زوايا بصقر قريش الاثنين كويسيين وان شاء الله بسيطه

[على مهران]

اتوكل على الله وروح لمركز مصطفي فهمي او عادل زوايا بصقر قريش الاثنين كويسيين وان شاء الله بسيطه

يارب تكون بسيطة بس المشكلة انا من اسكندرية
انا رحت لمركز عندنا متخصص رينو كشف عليها قالى الجهاز مش مطلع حاجه خالص وهى كدا بالنسبالى مفيهاش حاجه فانا مش عارف كلامه كدا صح ولا ايه

[ahmed9adel]

حضرتك بعد ما غيرت الزيت جربت تمشى فوق ال 150 شوية؟ أصلى أنا جربت و طلعلى رسالة Gearbox Overheating.