داستر ولا رينو بلاي؟

[nabiiiiil]

السلام عليكم يا رجالة
محتير ما بين داستر زيرو ولا ميجان بلاي زيرو؟ مع العلم اني شاب و بحب الجري

البلاي عربية ممتازة بشهادة كل الناس و حلوة من جوة بردو

بس الداستر شكلها عاجبني من برا اكتر و حاسس فيها بفخامة العربيات العالية و حلوة من جوة بردو و لكنها مانيوال و نفسي في اوتوماتيك

ياريت اللي يعرف اي معلومات عن العربيتين يفيدني بيها او ينصحني

شكرا جدا

[ENG.MaRk]

الداستر عربية مش شبابي بس عفشتها كويسة جداً و التابلوه بتاعها فقير جداً و تحسها قديمة أما بالنسبة للبلاي ف هي عربية ممتازة شكلاً و مضموناً و كمالياتها كويسة جداً و تنفعلك كشاب

[volociximab]

هى فيه ملاحظة ان الداستر بالرغم من كون سعتها اللترية اعلى من الفليونس الا ان سعرها نفس سعر الفلونس او اقل قليلا
فهل فيها مشاكل؟ الله اعلم

[osamaos20022]

الاتنين 1600
انت بتسال أكل كباب ولا جاتوه
انت الوحيد اللي تقرر

[scientist9508]

بسم الله الرحمن الرحيم

اخى الفاضل طالب النصح الرشيد

لكل منهما مميزاتهما الخاصه بهما و التى لا تقارن بالاخرى و ذلك ببساطه لان لكل منهما مجال تفوقه الخاص به.

الداستر تتفوق فى الاتى:

1 - عفشه اقوى

2 - دفع رباعى

3 - متانه و قوة تحمل اعلى

4 - تستطيع الملاحه بها فى كل انواع الطرق بدون خوف او حتى قلق

5 - سياره اكبر و اكثر راحة فى السفر خاصة ان كان عندك اسرة و تسافر بامتعة كثيره

و لكن الميجان بلاى تتفوق فى المجالات الاتيه:

1 - محرك اقوى

2 - ثبات اعلى

3 - رفاهيه و جمال واناقه و راحه نفسيه افضل و اعلى من الداستر بكثير جداً

4 - فيتيس اوتوماتيك

5 - المناوره بها اسهل و اكثر امان

و الان الحكم لك

هداك الله لارشد امرك و اقومه

السلام عليكم و رحمة الله و بركاته

[hugan]

داستر رباعي
بس عيبها الوحيد انها مانيوال

[ENG.MaRk]

السلام عليكم يا رجالة
محتير ما بين داستر زيرو ولا ميجان بلاي زيرو؟ مع العلم اني شاب و بحب الجري

انت سألت و جاوبت علي نفسك ... شاب و بتحب الجري يبقي ميجان بلاي لأن الداستر أعتقد مش جراية خالص لكن عربية عزمها كويس مع العلم إنها عاملة بالضبط زي التيريوس في الoff roads يعني من الآخر الاتنين اسمهم دفع رباعي لكن شتان الفرق بينهم و بين الدفع الرباعي الحقيقي ... أنا في حالتين بس ممكن أجيب داستر ... أكون محتاج عربية شنطتها كبيرة علشان أشيل فيها حاجات كتير و ثانياً لو أنا بأمشي كل يوم في طرق غير ممهدة (زي طرق مصر كلها تقريباً) و محتاج عربية تستحمل الطرق ديه غير كدة بلاي

[volociximab]

وعليكم السلام
انا اقصد سعرها و مواصفاتها بدون جمارك
الداستر ٢٠٠٠. سيسي ب٥٠ الف
و الفلوينس ١٦٠٠ سيسي فوق الخمسين و وصلت ل٥٨ الف ريال

[ENG.MaRk]

وعليكم السلام
انا اقصد سعرها و مواصفاتها بدون جمارك
الداستر ٢٠٠٠. سيسي ب٥٠ الف
و الفلوينس ١٦٠٠ سيسي فوق الخمسين و وصلت ل٥٨ الف ريال

الداستر ميكانيكياً أقل من الفلوانس و تكاد تكون بدائية الصنع يعني بأحسها Lada Niva بس شيك شوية و التابلوه بتاعها فاضي و مفيهاش أي لمسة جمالية أما بالنسبة للفلوانس فالعكس صحيح و يمكن ده سبب فرق السعر و أعتقد كمان الداستر اللي في السعودية أوتوماتيك غير اللي بتنزل في مصر لأني أفتكر زمان رينو كانت ناوية تنزل داستر أوتو في مصر و كانت هتنزلها 2000 CC علشان يبقي ليها نفس العزم اللي في المانيوال بس لقت إن سعرها هيعدي Sportage و IX35 و الفئة ديه و كانت هتوصل تقريباً ل 280000 بسبب الجمارك ف تم إلغاء الفكرة نهائياً