عاوز اعرف يعنى ايه عربيه فى ضمان وتدفع مصنعيه

[صلاح المحترف]

بعد اذن الساده الزملاء عاوز اعرف يعنى ايه ضمان وتوكيل محترم عربية احد الزملاء تدخل تغير زيت تصرف 910 مش دده يعنى نصب ويضيفو مصنعيه 340 على الفاتورة طيب امال ضمان ازاى هما بياخدو مصنعية هو انا لو رحت غيرت الزيت برههيطلعو العربيه من الضمان ومش المفروض انا اعمل الى فى العربيه ببلاش مثل التربيط والتشييك فى الضمان ولا الضمان ده فردة او اتاوة لازم ندفعها علشان اشترلينا العربيه وتمن ورده نحاس 15جنيه وفلتر زيت ب123 جنيه ارجو ان حد يفهمنى الى بيحصل لانى بافكر اشترى العربيه دى
رابط الموضوع

http://www.nilemotors.net/Nile/439168-10.html

[Abo_Mazen]

في مودرن بتدفع ثمن الزيت وتمن فلتر الزيت وتمن المصنعيه ..متهيألي عادي

[صلاح المحترف]

في مودرن بتدفع ثمن الزيت وتمن فلتر الزيت وتمن المصنعيه ..متهيألي عادي

عادى ازاى امال ايه فايدة الضمان يعنى انا لو رحت لاى صنايعى ره هغير زيت وفلتر مش هتوصل 400 اروح التوكيل اصرف 1000 وتقلى ضمان وعادى

[Abo_Mazen]

عادى ازاى امال ايه فايدة الضمان يعنى انا لو رحت لاى صنايعى ره هغير زيت وفلتر مش هتوصل 400 اروح التوكيل اصرف 1000 وتقلى ضمان وعادى

إنت في مصر

[صلاح المحترف]

إنت في مصر

معلش انا كنت ناسى

[mif]

توكيلات مستغلة
و يستحقوا لقب بلطجية

شعارهم
تدفع تبقى حبيبي
حتشتكي تبقى عدوي

حتى لو حيخدوا مصنعية ياخدوا فى حدود المعقول
مش معقول الواحد يروح لحد عندهم و يقطع مسافات و يطلع ساعات و فى الاخر ادفع

[تامر.محمد]

الضمان انه يغير اي قطعة فيها عيوب صناعة على حسابه , و ده بيحصل
لكن القطع اللي في جداول الصيانات لأ , بيبقى تغييرها و مصنعيته على حساب صاحب العربية

[صلاح المحترف]

الضمان انه يغير اي قطعة فيها عيوب صناعة على حسابه , و ده بيحصل
لكن القطع اللي في جداول الصيانات لأ , بيبقى تغييرها و مصنعيته على حساب صاحب العربية

استاذى ايه هى القطع الى اتغيرت ومش فى الضمان غير الزيت والفلتر والوردة النحاس دول مصنعيتهم 340 جنيه ولا المصنعيه على التربيط والتشييك على العربيه

[drcobra]

هى دى مصر

[miam0502788391]

هما 340 جنيه يطلعوا حوالى 43 دولار
يعنى لو انت فى اميركا مش كتيير فما بالك فى مصر بقى اللى العربية فيها اغلى من امريكا
انا بتريق مش كده
تقبل مرورى

[تامر.محمد]

استاذى ايه هى القطع الى اتغيرت ومش فى الضمان غير الزيت والفلتر والوردة النحاس دول مصنعيتهم 340 جنيه ولا المصنعيه على التربيط والتشييك على العربيه

لو حضرتك بتتكلم ان المصنعية كتيرة فمعاك حق
في نفس الوقت هي على التشييك برده
مفيش تعارض بين ده و ده

لكن عموما اي اجزاء مستهلكة في العربية ملهاش ضمان

[رامي مصطفى]

في فرق بين الصيانات والضمان
الضمان يعني لو حصل مشكله في العربيه نتيجة سوء تصنيع بيصلحها على حسابو بثمن القطعه بمصنعية تغيرها
انما الصيانات دي حاجه ثانيه زي تغيير الزيت ترببط العفشه تيل فرامل فلاتر بأنواعها دي بتدفع ثمنها كامله وطبعا اغلى من بره كتيييييير
كون ان حضرتك مستغلي الصيانات طب ما ده الطبيعي عندنا اومال ببقولك احسن عرببتين الفرينا واللانوس ليه؟ مش علشان توكيلهم رخييص لااااااااااااا
علشان مش محتاج تروح التوكيل اصلا:b4_592:
بالتوفيق