اقصى سرعة فى الفلوانس الفيس ليفت

[Ahmed Hemaid]

سؤال لملاك الفلوانس الفيس ليفت ....

اية اقصى سرعة قدرتوا توصلولها فى العربية ديه ؟؟؟

بصراحة انا جربت اعلى عن 175 كم/س بس معرفتش الدواسة مانت جايبة اخرها وكان فيه هوا متقل العربية

فا ياريت لو حد جرب ينقل خبرتة فى الموضوع ده

طبعا الكلام ده مش سيفتى بس احيانا الواحد بيحب يجرب

[dr_hassan1eg]

كده تبقى بطة بجد

[Ahmed Hemaid]

بصراحة هى مش بطة خالص ... تصارع ممتاز

بس بعد 175 حسيت انها مش بتزود بسهولة بس ثابتة وفرامل ممتازة

بس عندك مثلا الالنترا والفيرنا ممكن تجيب ال 200 بسهولة بس 0 امان وفرامل ضايعة

[scientist9508]

لست من ملاكها و لكن احد الملاك وصل بها لسرعة 200 كم/ساعه و نشر صورة عداد السرعه على المنتدى و قمت بحفظها عندى لانها اعجبتنى

[dr_hassan1eg]

بصراحة هى مش بطة خالص ... تصارع ممتاز

بس بعد 175 حسيت انها مش بتزود بسهولة بس ثابتة وفرامل ممتازة

بس عندك مثلا الالنترا والفيرنا ممكن تجيب ال 200 بسهولة بس 0 امان وفرامل ضايعة

هى معايا حاليا
بس انا جبت 210 قبل كدة بالنيو صنى بسهوله وكانت 1500

[Amr Gamal 01]

215 وديه اخر سرعه ليها ومش هتجيب اكتر.من كده جبتهوم بيها على طريق السخنه وبجبهم بسهوله مش يعني صعبه يمكن تصعب شويه بسيطه على 195 الى 215 عايز تجيب السرعه دي بسهوله متطرش رجلك على الدواسه لحد الاخر اكبس وحده وحده تكبس شويه وتثبت لحد ما تجيب اخر عزم الكبسه دي وبعدين تديها حتى كمان وهكذا لحد ما تجيب اخر الدوسه

[mm_youssef]

واحد زميلى جاب بيها 185 على الطريق الدولى بس كان فى شوية هوا المهم العربية بعد كدة طلعت رسالة Down the Speed دى معناها اية العربية E3SR

[ALshahba]

من افادة ملاكها
معمولها زي نظام حمايه الا نزيد السرعه عن 190 كم/س
علشان كده بتحس بصعوبه انك تجيب 190 او تطلع الي 200
وكما قرأت ممكن تفكه في التوكيل نظير امضاء اقرار انه مسئوليتك وطبعا مبلغ مادي معين

[ahmad--ezzat]

كل المواتير ال 1600 بتكسر ال 190 لو حاله الموتور كويسه ومش بتعدي ال 215 الا لو فيه تعديل او يكون sir مثلا
والله انا بقالي سنه او اكتر ما جبت ال 150 بالنوبيرا....السرعات العاليه دة شبح والعجله من الشيطان