استشارة ضرورى جدا عن بيع الفلوانس لو سمحتم

[ROLAND]

تحياتى لكل اعضاء المنتدى
يمكن فيه بعض منكم فاكرنى لما كنت باخد رأيكم علشان اجيب الفلوانس ,, وبالفعل انا جبتها والعربية معايا من شهر ونص تقريبا ,, ودلوقتى انا مضطر اسافر فى وقت قصير جداا بسبب الشغل وغالبا هاقعد مابين سنة وسنة ونص وفى نفس الوقت محتاج اسيب فلوس هنا فمصر ضرورى ومافيش امامى غير حلين اما ابيع الفلوانس او اتصرف بشكل او بأخر ,,
سؤالى بالتحديد لو عرضت الفلوانس للبيع دلوقتى ممكن تجيبى لى كام ولو عرضتها بعد سنة ونص ممكن تجيب لى كام ؟؟
دلوقتى العربية تعتبر كسر زيرو لسه ماعملتش 2000 كيلو متر وبحالتها زى ما استلمتها بالظبط حتى مافيش فيها خدش وهى e3 sr أعلى فئة فتحة سقف وزينون وفرش جلد بالكامل انتوا عارفينها طبعا
وانا كنت جايبها ب 188 ألف ,, اعرضها للبيع دلوقتى احسن بدل ما تتركن اكتر من سنة واخسر فيها اكتر ولا احتفظ بالعربية لأنى كده كده خسران
ارجوكم محتاج رد ضرورى جداااااااااااااااا

[M.Radwan]

لو في حد عند حضرتك في الأسرة ممكن تستأمنه عليها يبقى أفضل لأن لو بعت بالسرعة دي هتخسر فيها جامد
مثلا لو أخو حضرتك أو والدك وتعمله توكيل عشان يبيعها على رواقة

[ROLAND]

لو في حد عند حضرتك في الأسرة ممكن تستأمنه عليها يبقى أفضل لأن لو بعت بالسرعة دي هتخسر فيها جامد
مثلا لو أخو حضرتك أو والدك وتعمله توكيل عشان يبيعها على رواقة

اشكرك على ردك بس المشكلة انا مش عارف هى تتباع بكام اصلا علشان بسمع كلام كتير وخايف يتنصب عليا وفيه حد قالى انها ممكن تنزل حاجة بسيطة اوى لأنها اصلا دلوقتى بقت ب 195 تقريبا
بجد مش عارف

[Batman372]

اشكرك على ردك بس المشكلة انا مش عارف هى تتباع بكام اصلا علشان بسمع كلام كتير وخايف يتنصب عليا وفيه حد قالى انها ممكن تنزل حاجة بسيطة اوى لأنها اصلا دلوقتى بقت ب 195 تقريبا
بجد مش عارف

اعرضها على دوبيزل و اطلب ١٠ الاف اقل عن سعر الزيرو ... اقل من كده مش حتبقى مغريه ...
اى مشترى رايح يجيب الزيرو حيكلمك لانها تعتبر كسر فعلا ...
و حسب جديه المشترى اكيد حتوصل معه لرقم مرضى للطرفين ...
بالتوفيق ... تحياتى ...

[drcobra]

رأى خليها لو تقدر تتصرف فى فلوس
العربية علشان تشتريها جديدة بتحتاج مصاريف ترخيص وتامين وبعدين تخسر فيها اكتر من 10000 جنية يبقى للاسف كتير

لو ركنتها سنة وبعدين ركبتها انت الكسبان

[ROLAND]

اعرضها على دوبيزل و اطلب ١٠ الاف اقل عن سعر الزيرو ... اقل من كده مش حتبقى مغريه ...
اى مشترى رايح يجيب الزيرو حيكلمك لانها تعتبر كسر فعلا ...
و حسب جديه المشترى اكيد حتوصل معه لرقم مرضى للطرفين ...
بالتوفيق ... تحياتى ...

اشكر حضرتك على ردك بس تقصد اطلب فيها 178 اقل 10 عن اللى اشتريت بيه ولا اطلب 185 اقل 10 عن سعرها دلوقتى؟؟

[ROLAND]

رأى خليها لو تقدر تتصرف فى فلوس
العربية علشان تشتريها جديدة بتحتاج مصاريف ترخيص وتامين وبعدين تخسر فيها اكتر من 10000 جنية يبقى للاسف كتير

لو ركنتها سنة وبعدين ركبتها انت الكسبان

هوه ده بالظبط اللى محيرنى انى دلوقتى ممكن اخسر 10 وبعد سنة لو حبيت ابيعها ممكن اخسر نفس العشرة او حتى 20 ,,, اقصد يعنى ان قيمة الخسارة على اعتبار انها لسه مش عاملة 200 كيلو تعتبر اكبر
وناس تقولى تنزل ال 10 من سعرها اللى انا شارى بيه وناس تقولى تنزل ال 10 من سعرها دلوقتى زيرو فى السوق رغم انى سامع ان 195 ده سعر ال 2016

[hesham fawzy h]

هو حضرتك لما ترجع من السفر هتكون عايز تغير .. او تجيب عربية افضل يبقى تبيع دلوقتى

[Batman372]

اشكر حضرتك على ردك بس تقصد اطلب فيها 178 اقل 10 عن اللى اشتريت بيه ولا اطلب 185 اقل 10 عن سعرها دلوقتى؟؟

لو هى موديل ٢٠١٥ يبقى التقييم على سعر الزيرو اليوم ... لو مو ٢٠١٤ حتزل ٤/٥ زياده ...
مو ٢٠١٢/٢٠١١ الفئه e3 حاله جيده جدا بيطلب فيها اليوم ١١٠ و هى كانت وقتها ب ١٣٠ ... كله عينو على اسعار اليوم الزيرو
تحياتى ...

[Batman372]

هوه ده بالظبط اللى محيرنى انى دلوقتى ممكن اخسر 10 وبعد سنة لو حبيت ابيعها ممكن اخسر نفس العشرة او حتى 20 ,,, اقصد يعنى ان قيمة الخسارة على اعتبار انها لسه مش عاملة 200 كيلو تعتبر اكبر
وناس تقولى تنزل ال 10 من سعرها اللى انا شارى بيه وناس تقولى تنزل ال 10 من سعرها دلوقتى زيرو فى السوق رغم انى سامع ان 195 ده سعر ال 2016

بعد سنه بأفتراض نفس الكم و الحاله الكسر ... حتخسر فيها متوسط ٥ زياده
ده بأفتراض ايضا ثبات الاسعار للزيرو
حضرتك اعرضها و شوف الدنيا ... مش حتخسر حاجه :)
و لو جالك عرض جاد و معقول بيعها ... ركنه اى عربيه مش كويسه ...
تحياتى

[islamhasan]

السلام عليكم

انا كنت بفكر اشتريها جديده بس لما شفت الموضوع بتاعك فكرت اني ممكن اشتريها لو حالتها جديده زي ما انت كاتب ولو كنت ناوي فعلا تبيعها واستقريت على الاختيار دا

المهم لو انت ناويت فعلا كلمني بس انا هحتاج ابيع عربيتي الاول عشان اكملك الفلوس فلازم تديني فرصه ازبط حالي

شاور واستقر وكلمني لو في نصيب

[scientist9508]

بسم الله الرحمن الرحيم

اخى الفاضل

لقد مررت بنفس تجربتك حرفياً الا اننى لم يكن امامى خيار البيع فاضطررت لرفع السياره فى الجراج ثم سافرت خارج مصر للعمل.

و عندما رجعت نزلت السياره من رفعتها و كانت تنتظرنى مفاجاه ان اعطال كثير حدثت فى السياره بسبب الركنه و الرفع فترة طويله و احمد الله و اثنى عليه ان سيارتى لاتكلف مالكها عند صيانتها و اسعار قطع غيارها هاديه على مالكها.

الحمد لله ان مكننى من اصلاحها و لكننى بعد عودتى كنت قد تعلمت الدرس و الان انقله لك بكل اخلاص و امانه.

امامك اختيار من اثنين لا ثالث لهما.

1 - الاول ان تنظر فى اهلك و اصحابك و تختار من تترك له ثمرة جدك و اجتهادك امانة عنه ليتحرك بها مشوار قصير او بعيد مره اسبوعياً. المهم ان يحفظها لك و يحافظ عليها و بذلك اذا رجعت من سفرك ستجد السياره بخير حال فلا هى مصابة بالاعطال من الركنه و لا هى مستهلكة بشده

2 - الثانى ان تبيع السياره و انا بشكل شخصى ارى انك و بكل تواضع و رحمه تبيعها بسعر يتراوح من 185000 وحتى 188000 جنيه ثم تحافظ على راس المال و تستبسل فى الحفاظ عليه و بعد عودتك سالماً غانماً يكون لك الخيار
1 - اما ان تشترى نفس السياره و فى هذه الحاله ستشترى موديل احدث (ان شا الله)
2 - و اما ان تكون ماركة اخرى قد نزلت السوق بموديل افضل من الرينو فلوينس (ان شا الله)

انا شخصياً افضل الحل الاخير لانك فى كل الاحوال رابح و فايز بالافضل.

احمد الله ان اختار لى ما كان. . . . ولكنىى ما اود ان يكابد احد خسارتى او ان يتذوقها. . . . (لقد كان فى قصصهم عبره). . ارجو ان تتعلم من خسارتى.

هداك الله لارشد امرك و اقومه

السلام عليكم و رحمة الله و بركاته

[صلاح المحترف]

تحياتى لكل اعضاء المنتدى
يمكن فيه بعض منكم فاكرنى لما كنت باخد رأيكم علشان اجيب الفلوانس ,, وبالفعل انا جبتها والعربية معايا من شهر ونص تقريبا ,, ودلوقتى انا مضطر اسافر فى وقت قصير جداا بسبب الشغل وغالبا هاقعد مابين سنة وسنة ونص وفى نفس الوقت محتاج اسيب فلوس هنا فمصر ضرورى ومافيش امامى غير حلين اما ابيع الفلوانس او اتصرف بشكل او بأخر ,,
سؤالى بالتحديد لو عرضت الفلوانس للبيع دلوقتى ممكن تجيبى لى كام ولو عرضتها بعد سنة ونص ممكن تجيب لى كام ؟؟
دلوقتى العربية تعتبر كسر زيرو لسه ماعملتش 2000 كيلو متر وبحالتها زى ما استلمتها بالظبط حتى مافيش فيها خدش وهى e3 sr أعلى فئة فتحة سقف وزينون وفرش جلد بالكامل انتوا عارفينها طبعا
وانا كنت جايبها ب 188 ألف ,, اعرضها للبيع دلوقتى احسن بدل ما تتركن اكتر من سنة واخسر فيها اكتر ولا احتفظ بالعربية لأنى كده كده خسران
ارجوكم محتاج رد ضرورى جداااااااااااااااا

بص يا باشا ان كنت عاوز اشترى عربيه رينو لاكن الى خلانى ماشتريش سعر اعادة البيع لانى رايت اعلانات لعربيات 2014 وانصدمت لما لقيت الاسعار وفى زميل اشترى عربيه وقعدت معاه 8 شهور وخسر فيها 31 الف ومكنش فيها خدوش يعنى زيرو
الى عاوز يشترى رينو ميفكرش ايبيع قبل 5 سنين
اعرض العربيه على انت واسمع الاسعار وشوف هيتحط فيها كام
وانا لسا ماشترتش عربيات ولو ناوى انا ممكن اشترى منك وشكرا

[Batman372]

بص يا باشا ان كنت عاوز اشترى عربيه رينو لاكن الى خلانى ماشتريش سعر اعادة البيع لانى رايت اعلانات لعربيات 2014 وانصدمت لما لقيت الاسعار وفى زميل اشترى عربيه وقعدت معاه 8 شهور وخسر فيها 31 الف ومكنش فيها خدوش يعنى زيرو
الى عاوز يشترى رينو ميفكرش ايبيع قبل 5 سنين
اعرض العربيه على انت واسمع الاسعار وشوف هيتحط فيها كام
وانا لسا ماشترتش عربيات ولو ناوى انا ممكن اشترى منك وشكرا

بعد التحيه،
عربيه صاحب الموضوع عامله فقط الفين كم و مو ٢٠١٥
يوم ما حيخسر فيها و يبيع لركيب (و ليس تاجر ) رنج ١٢ الف ...
و ده النسبه الطبيعىه فى كل العربيات بغض النظر عن الماركه الى فى نفس الفئه السعريه ...
ما هو لو اقل من كده ... ايه المغرى حتى لو كانت افضل عربيه ...

العربيه الى صاحبها قال انه خسر فيها ٣١ الف كانت عداد حاجه و عشرون الف كم ...
و من الواضح ان صاحبها كان مستعجل ... فتعتبر حاله اخرى لان كل بيعه لها ظروفها ...

ايضا بصفه عامه مش كل يوم بتلاقى عربيه كسر تحت ال ١٠ كم بدون خربوش :)

و انا عن نفسى من ٧ شهور عرضت عربيتى فئه e3 مو 2015 عامله وقتها ٩ الاف كم بدون خربوش و اكتر من مشترى جاد جالى و الخساره كانت فى رنج ١٤ الف ...

بالتوفيق و تحياتى ...

[Batman372]

بعد التحيه،
عربيه صاحب الموضوع عامله فقط الفين كم و مو ٢٠١٥
يوم ما حيخسر فيها و يبيع لركيب (و ليس تاجر ) رنج ١٢ الف ...
و ده النسبه الطبيعىه فى كل العربيات بغض النظر عن الماركه الى فى نفس الفئه السعريه ...
ما هو لو اقل من كده ... ايه المغرى حتى لو كانت افضل عربيه ...

العربيه الى صاحبها قال انه خسر فيها ٣١ الف كانت عداد حاجه و عشرون الف كم ...
و من الواضح ان صاحبها كان مستعجل ... فتعتبر حاله اخرى لان كل بيعه لها ظروفها ...

ايضا بصفه عامه مش كل يوم بتلاقى عربيه كسر تحت ال ١٠ كم بدون خربوش :)

و انا عن نفسى من ٧ شهور عرضت عربيتى فئه e3 مو 2014 عامله وقتها ٩ الاف كم بدون خربوش و اكتر من مشترى جاد جالى و الخساره كانت فى رنج ١٤ الف ...

بالتوفيق و تحياتى ...