رينو داستر (مميزات زعيوب) ؟

[Abo_Mazen]

كنت متأكد إن ده هيكون رد حضرتك و ده مترتب علي فهم حضرتك الخاطئ لمشاركتي ... أنا قصدي أقول إني أرفض تسميتها أو اعتبارها سيارة دفع رباعي أو off roads بمعني أصح و عذراً لعدم الإيضاح مسبقاً :)

معلش مش فاهم برضه ..يعني أنا لما قلت هو في زي الشيروكي والرانجلر كنت مبالغ مثلا ..مش فاهم يعني إيه off road...ليه مثلا ما ينفعش تبقى سيارة دفع رباعي لما حضرتك شايف إني لما قلت هو فيه زي الشيروكي والرانجلر ده كان يعتبر مبالغه ؟؟؟؟

[Mecha]

وحضرتك ليه متحفظ على الدفع الرباعي بتاعها ؟؟؟

عشان عربيه كروس اوفر ,متور وشاسيه ضعيف, رباعي لعبه,الرباعي الصح تخش ع ال suv

[Mecha]

..مش فاهم يعني إيه off road...ليه مثلا ما ينفعش تبقى سيارة دفع رباعي لما حضرتك شايف إني لما قلت هو فيه زي الشيروكي والرانجلر ده كان يعتبر مبالغه ؟؟؟؟

off road اوتومبيل يقدر يمشي خارج الاسفلت , رمل جليد صخور حصو وحل نهر. بنيانه عاتي عتل يعتبر اعلي حاجه في سيارات الركاب قبل ماتخش ع الشاحنات .مثال قوي ليه اللاندكروزر و النيسان الباترول والرانجلر .

[Mecha]

https://www.youtube.com/watch?v=CFN8-8ElZl8
[youtube]https://youtu.be/CFN8-8ElZl8?t=376[/youtube]
نشوف تفسير الجر الرباعي و OFF ROAD في غابات استراليا ,نشوف الحديد والاتومبيلات بجد علي حق ربنا. وسبحان من سخر لابي داود مطايا -في مدح الامين قيلت

[tito85]

عشان عربيه كروس اوفر ,متور وشاسيه ضعيف, رباعي لعبه,الرباعي الصح تخش ع ال suv

لاحظ ان كلامك جارح :d :d :d

[tito85]

https://www.youtube.com/watch?v=CFN8-8ElZl8
[youtube]https://youtu.be/CFN8-8ElZl8?t=376[/youtube]
نشوف تفسير الجر الرباعي و OFF ROAD في غابات استراليا ,نشوف الحديد والاتومبيلات بجد علي حق ربنا. وسبحان من سخر لابي داود مطايا -في مدح الامين قيلت

معلش العربيات دي كلها ما تتقارنش بالداستر (قول بقين حلوين الله لا يسيئك)

[Mazen Dessouki]

طب بالنسبة لثبات العربية ؟ حد عنده فكرة ؟

[volociximab]

طب بالنسبة لثبات العربية ؟ حد عنده فكرة ؟

اللاندكروز اغلى منها خمس مرات
الرنج روفر اغلى منها يمكن 8 مرات
اعتقد مش من فراغ
سيارات الرينو الرخيصة(اللوجان و الداستر) محتاج خبير بالسيرات يتكلم عن ثباتهم لان شكلهم بيتقلبوا بسهولة

[Mecha]

لاحظ ان كلامك جارح :d :d :d

يا اخ تيتو انا بوضح فرق off-road وكروس اوفر وSuv , بأكد علي كلام المهندس .مارك سبق بيه ,انا لاسمح الله مغلطتش في شخص حد .كلام علي حديد وعجل وعموما حقك عليا لسوء التفاهم.

[tito85]

اللاندكروز اغلى منها خمس مرات
الرنج روفر اغلى منها يمكن 8 مرات
اعتقد مش من فراغ
سيارات الرينو الرخيصة(اللوجان و الداستر) محتاج خبير بالسيرات يتكلم عن ثباتهم لان شكلهم بيتقلبوا بسهولة

انا معايا لوجان من خمس سنين وماشاء الله كانت كويسة لحد 160 وبتبدأ تخف علي 180

العربية عفشتعها ممتازة ماشاء الله وبتستحمل الطرق بتاعتنا كويس جدا ويعتبرو اكتر عربيتين عمليين في فئتهم

[tito85]

يا اخ تيتو انا بوضح فرق off-road وكروس اوفر وSuv , بأكد علي كلام المهندس .مارك سبق بيه ,انا لاسمح الله مغلطتش في شخص حد .كلام علي حديد وعجل وعموما حقك عليا لسوء التفاهم.

يا ميكا بيك انا بهزر وفيها سمايلي فيسز بس الدى طلعت سمول بس بجد بقي يعني الداستر كده تندرج تحت suv ولا لا ؟

[Mecha]

يا ميكا بيك انا بهزر وفيها سمايلي فيسز بس الدى طلعت سمول بس بجد بقي يعني الداستر كده تندرج تحت suv ولا لا ؟

ولا يهمك ياباشا وبصراحه انا معرفش يعني ايه d ,المهم الدستر تندرج تحت crossover suv لان البودي والشاسيه جزء واحد بيسموه unibody او كروسليه .وفيه رفيوز بتأكد علي قوة البودي بتاعها.
Cars with Strongest Body Structures, Frames as Safe Cars of India

[خالد]

أنا من مالكى العربية من 2012 ، وفى رأى الشخصى :
العربية ممتازة من ناحية السعر - الشكل الخارجى - الإعتمادية - مناسبة جداً جداً للطرق المصرية بتاعتنا - ثابتة على الطريق جداً ( أقصى سرعة ليا كانت على طريق السفر 160 كم وبخاف أزود عن كده أصلاً يعنى ماحاولتش أمشى أكتر من كده ) - مصفحة من تحت - دفع رباعى وبتنقذك جداً فى الغرز (زملاء كتير طلعوا بيها فى الصحرا ومبسوطين منها جداً)- قطع غيار معقولة فى السعر ومش غالية قوى يعنى - لها مراكز صيانة بعيدة عن التوكيل - تكييفها رائع جداً بسم الله ماشاء الله - واسعة جداً من جوه - عالية عن الأرض وبتعدى من أى مطبات براحتك جداً جداً
من ناحية عيوبها :
صوت عالى نوعاً ما للموتور ( وبالنسبة لى لاأعتبره عيب بل على العكس كأنها وحش كاسر ينتفض ويزأر ويمنحها قوة) - رعشة الدركسيون عند الركن( لم أحاول تصليحها ولاتسبب لى أدنى مشكلة خااااالص ) - النقلات قصيرة شوية ( 6 نقلات ولكن روحها قصيرة فى كل نقلة) - تابلوه فقير لحد ما مصنوع كله من البلاستيك - صوت الأبواب غير مكتوم عند القفل بيرزع جامد
الخلاصة ( من وجهة نظرى):
رائعة وتستحق كل قرش فيها ولا أفكر فى غيرها أبداً
وربنا يوفق الجميع

[عماد الدين عزت]

مبروك عليك الداستر انها عربية جميلة تتناسب مع شوارعنا ولكننى اخشى ارتفاعها عن الارض وعدم وجود وسائل امان كافية مثل فرامل abs و esp فهل تعرضت حضرتك او من تعرفهم لمواقف طارئة اثناءالقيادة كفرملة مفاجئة على سرعة عالية او انعطاف مفاجئى قوى اثبتت به السيارة قدرتها مع جزيل الشكر.

[arc_sherif_81]

عربيه جيده بالنسبه لسعرها و ينقصها فقط الاوتوماتيك