Tweet
السلام عليكم ورحمة الله وبركاته وكل عام والجميع هنا بخير ،،،،
السادة أعضاء المنتدى المحترمين وخاصة أعضاء قسم رينو قبل أي كلام اسمحولي اشكركم كتير، بصراحة بتفاعلكم المستمر وردودكم على مشاركات واستفسارات الاعضاء حببتوني في الفلوينس وشجعتوني على إني أخد خطوة شراء رينو فلوينس 2015، وأحب أخص بالشكر المهندس هاني سعد والمهندس صفوت صالح كان لردودهم على استفسارات الاعضاء دور كبير في إقناعي بالإضافة إلى باقي الاعضاء زي الاستاذ ramymechanics بموضوعه (تقرير بالتفصيل الممل عن الفلوانس 2014) والاستاذ Yasser100 ومقدرش انسى الاستاذ Hegazio بموضوعه الشيق (من رينو لتويوتا دمعتك على خدك أكيدة).
أسف على الاطالة وندخل في الموضوع أنا مهندس مصري مقيم في السعودية (الرياض) وطبعا لما نتكلم على السعودية يبقي على طول لازم يجي وراها كلمة تويوتا ولما نقول 1600cc يبقي كورولا هي دي ثقافة أغلب المصريين هنا وأولهم صحابي وزمايلي اللي معايا في الشغل،
انا كان معايا يارس كاملة مانيوال موديل 2011 كنت جايبها زيروو بالتقسيط من عبد اللطيف جميل وكنت حابب اغير لحاجة اوتوماتيك وفي نفس الوقت اعرف انزلها مصر فبعت الياريس وبدأت أعمل دراسة لل 1600cc المتاح في السوق والحمد لله بعد دراسة طويلة ومقارنات ومتابعة لتقريباً غالبية المواضيع على الموقع بالإضافة إلى 3 مرات Test Drive للفلوينس، توكلت على الله وخلصت في العربية فئة ال (LE) والحمد لله استلمت من يومين.
هنا الفئات مختلفة شوية عن اللي في مصر وهما (PE) ودي الاستاندر و (SE) ودي فئة النص فل و (LE) ودي أعلى فئة هنا بتنزل للفلوينس بالإضافة إلى إن العربية هنا بتيجي من كوريا الجنوبية.
فئة ال (LE) دي اوتوماتيك مع الجير ال (CVT) وفيها
بلوتوث
بصمة
مثبت سرعة
فتحة سقف وقزاز كهرباء
مرايات كهرباء
6 Airbags
جنوط 17
حساسات خلفية
كراسي قماش عادية مش كهرباء
تكييف Dual zone
طبعاً الإنطباع المبدئي للعربية بعد 250 كيلو جيد جدا من حيث الوسع والعزل الداخلي والكماليات والرفاهية اللي هي بتختلف حسب احتياجات كل واحد زي ما الاخوة الافاضل كانوا قايلين في مواضيعهم على الموقع لكن بالنسبة ليا انا كل يوم بيزيد اقتناعي بالعربية ده غير اني لازلت كل يوم بكتشف حاجة جديدة علشان كده لسه معنديش كلام كتير اكتبه
بس أنا عندي استفسار انا عندي مشكلة في سحب العربية وعارف ان المشكلة مني مش من العربية لإن في مرات بلاقيها بتستجيب معايا كويس قوي وفي مرات تانية بحس انها مكلبشة في الارض ومش راضية تتحرك، حابب اوضح ان دي اول عربية اوتوماتيك ليا لإن طول عمري بحب المانيوال علشان بحس انه بيستجيب للسائق اسرع لكن الزحمة الشديدة اللي بقت في كل مكان وده مش معناه اني مش حابب الاوتوماتيك او اني ندمان اني جبت اوتوماتيك علشان محدش يفهمني غلط من اولها
ولو أي حد عنده استفسار او سؤال عن اي حاجة انا تحت امره الواحد زي ما استفاد من القسم والموقع يحب يفيد وجزاكم الله كل خير واسف مرة تانيه على الاطالة
السادة أعضاء المنتدى المحترمين وخاصة أعضاء قسم رينو قبل أي كلام اسمحولي اشكركم كتير، بصراحة بتفاعلكم المستمر وردودكم على مشاركات واستفسارات الاعضاء حببتوني في الفلوينس وشجعتوني على إني أخد خطوة شراء رينو فلوينس 2015، وأحب أخص بالشكر المهندس هاني سعد والمهندس صفوت صالح كان لردودهم على استفسارات الاعضاء دور كبير في إقناعي بالإضافة إلى باقي الاعضاء زي الاستاذ ramymechanics بموضوعه (تقرير بالتفصيل الممل عن الفلوانس 2014) والاستاذ Yasser100 ومقدرش انسى الاستاذ Hegazio بموضوعه الشيق (من رينو لتويوتا دمعتك على خدك أكيدة).
أسف على الاطالة وندخل في الموضوع أنا مهندس مصري مقيم في السعودية (الرياض) وطبعا لما نتكلم على السعودية يبقي على طول لازم يجي وراها كلمة تويوتا ولما نقول 1600cc يبقي كورولا هي دي ثقافة أغلب المصريين هنا وأولهم صحابي وزمايلي اللي معايا في الشغل،
انا كان معايا يارس كاملة مانيوال موديل 2011 كنت جايبها زيروو بالتقسيط من عبد اللطيف جميل وكنت حابب اغير لحاجة اوتوماتيك وفي نفس الوقت اعرف انزلها مصر فبعت الياريس وبدأت أعمل دراسة لل 1600cc المتاح في السوق والحمد لله بعد دراسة طويلة ومقارنات ومتابعة لتقريباً غالبية المواضيع على الموقع بالإضافة إلى 3 مرات Test Drive للفلوينس، توكلت على الله وخلصت في العربية فئة ال (LE) والحمد لله استلمت من يومين.
هنا الفئات مختلفة شوية عن اللي في مصر وهما (PE) ودي الاستاندر و (SE) ودي فئة النص فل و (LE) ودي أعلى فئة هنا بتنزل للفلوينس بالإضافة إلى إن العربية هنا بتيجي من كوريا الجنوبية.
فئة ال (LE) دي اوتوماتيك مع الجير ال (CVT) وفيها
بلوتوث
بصمة
مثبت سرعة
فتحة سقف وقزاز كهرباء
مرايات كهرباء
6 Airbags
جنوط 17
حساسات خلفية
كراسي قماش عادية مش كهرباء
تكييف Dual zone
طبعاً الإنطباع المبدئي للعربية بعد 250 كيلو جيد جدا من حيث الوسع والعزل الداخلي والكماليات والرفاهية اللي هي بتختلف حسب احتياجات كل واحد زي ما الاخوة الافاضل كانوا قايلين في مواضيعهم على الموقع لكن بالنسبة ليا انا كل يوم بيزيد اقتناعي بالعربية ده غير اني لازلت كل يوم بكتشف حاجة جديدة علشان كده لسه معنديش كلام كتير اكتبه
بس أنا عندي استفسار انا عندي مشكلة في سحب العربية وعارف ان المشكلة مني مش من العربية لإن في مرات بلاقيها بتستجيب معايا كويس قوي وفي مرات تانية بحس انها مكلبشة في الارض ومش راضية تتحرك، حابب اوضح ان دي اول عربية اوتوماتيك ليا لإن طول عمري بحب المانيوال علشان بحس انه بيستجيب للسائق اسرع لكن الزحمة الشديدة اللي بقت في كل مكان وده مش معناه اني مش حابب الاوتوماتيك او اني ندمان اني جبت اوتوماتيك علشان محدش يفهمني غلط من اولها
ولو أي حد عنده استفسار او سؤال عن اي حاجة انا تحت امره الواحد زي ما استفاد من القسم والموقع يحب يفيد وجزاكم الله كل خير واسف مرة تانيه على الاطالة
Comment