بشري لملاك الميجان هتخلي تكييف الميجان تلاجه

[unl0veable]

السلام عليكم ورحمه الله
ادخل في الموضوع علطول
التكييف عندي مكنش شغال المهم روحت صقر قريش وسئلت عند كذا واحد علي كباس لقيت اللي يقولي 2000 واللي يقولي 1700 واللي يقولي هديهولك ب 800 بس مليش دعوه لو طلع مش شغال المهم روحت لمركز بتاع واحد اسمه ناصر قالي هركبلك كباس كوري هيخليلك العربيه تلاجه قلتله لا انا مش عايز عك في العربيه وتغيير قواعد ومواسير والحركات دي قالي ولا اي حاجه من دي هيركب مكان بتاعها بالظبط قلت ماشي نشوف المهم فك وظبط الموضوع خد بتاع ساعتين عقبال مافك القديم وركب الجديد وكبس الدايره وبعدين شحن الفريون وهنا المفاجاه فثواني لقيت مواسير التكييف كلها تلجت من البروده وبعدين ركبلي ترموستات علشان الكباس يفصل علشان هيا مفهاش كده اصلا وبجد التكييف بقا تلاجه اللي عاوز بستفسر عن حاجه ان استئذنت المهندس احط رقم تليفونه هنا للي عايز يستفسر عن حاجه اسمه مهندس ناصر ورقم تليفونه 01003518202


الموضوع منقول للامانة العامة.

[ENG.MaRk]

شكراً لنقل التجربة :)

[mif]

شكرا لنقل التجربة

التكلفة كام؟
مع العلم انك قلت كباس كوري فاكيد ارخص بكتير من الاوروبي .... ماركة ايه او بتاع عربية ايه الكباس ؟

[Salah Kamal]

ياريت حد مختص يرد يفيدنا اكتر انا عايز اظبط تكييف اللوجان

[ahmed9adel]

متابع.

[تامر.محمد]

الموضوع ده منقول من هنا تقريبا :)

[albasha]

التكييف الأصلي بتاع الميجان ممتاز بس إتبع الخطوات التاليه
أولا إلغاء السخن ( مهم جداً ) إعمل محبس علي خط المياه الساخن الداخل للمقصوره
ثانيا عمل ضغط للدائرة للتاكد من عدم وجود تسريب تماما
ثالثاً عمل فاكيوم للدائره لمده لا تقل عن 1/2 ساعه كامله إلي أن يصل المؤشر ل -30 بدون تسريب
رابعاً شحن الفريون بالوزن بقيمة 550 مللي فريون 134

خامساً إدعيلي لإنك ممكن تسقع جوه العربيه وتدعي عليا

الأهم من ده كله تأكد علي جوانات الأبواب تكون سليمه ودائماً وانت مشغل التكييف تقفل الهواء الخارجي ( Fresh air )

[على مهران]

السلام عليكم ورحمه الله
ادخل في الموضوع علطول
التكييف عندي مكنش شغال المهم روحت صقر قريش وسئلت عند كذا واحد علي كباس لقيت اللي يقولي 2000 واللي يقولي 1700 واللي يقولي هديهولك ب 800 بس مليش دعوه لو طلع مش شغال المهم روحت لمركز بتاع واحد اسمه ناصر قالي هركبلك كباس كوري هيخليلك العربيه تلاجه قلتله لا انا مش عايز عك في العربيه وتغيير قواعد ومواسير والحركات دي قالي ولا اي حاجه من دي هيركب مكان بتاعها بالظبط قلت ماشي نشوف المهم فك وظبط الموضوع خد بتاع ساعتين عقبال مافك القديم وركب الجديد وكبس الدايره وبعدين شحن الفريون وهنا المفاجاه فثواني لقيت مواسير التكييف كلها تلجت من البروده وبعدين ركبلي ترموستات علشان الكباس يفصل علشان هيا مفهاش كده اصلا وبجد التكييف بقا تلاجه اللي عاوز بستفسر عن حاجه ان استئذنت المهندس احط رقم تليفونه هنا للي عايز يستفسر عن حاجه اسمه مهندس ناصر ورقم تليفونه 01003518202


الموضوع منقول للامانة العامة.

مكان المهندس ناصر دا فين (القاهرة ولا اسكندرية)

[mohamedkhafaga]

التكييف الأصلي بتاع الميجان ممتاز بس إتبع الخطوات التاليه
أولا إلغاء السخن ( مهم جداً ) إعمل محبس علي خط المياه الساخن الداخل للمقصوره
ثانيا عمل ضغط للدائرة للتاكد من عدم وجود تسريب تماما
ثالثاً عمل فاكيوم للدائره لمده لا تقل عن 1/2 ساعه كامله إلي أن يصل المؤشر ل -30 بدون تسريب
رابعاً شحن الفريون بالوزن بقيمة 550 مللي فريون 134

خامساً إدعيلي لإنك ممكن تسقع جوه العربيه وتدعي عليا

الأهم من ده كله تأكد علي جوانات الأبواب تكون سليمه ودائماً وانت مشغل التكييف تقفل الهواء الخارجي ( fresh air )

بعد اذنك ممكن تقول نقدر نعمل الموضوع دا فين ؟؟؟ يعني في اي ورشة و تكلفته اد ايه ..
شكرا مقدما

[asemelsaid]

مشكوووووووووووووور بس الاهم التكلفة كام وايه نوع الكباس وايه التغير الي حصل يعي ركب الكباس الكوري بالطنبورة والكلاتش بتعهم ولا نقل كلتش وطنبورة الكباس الاصلي وهل في تعديل في المواسير ولا لا

[albasha]

بعد اذنك ممكن تقول نقدر نعمل الموضوع دا فين ؟؟؟ يعني في اي ورشة و تكلفته اد ايه ..
شكرا مقدما

أولا تروح للميكانيكي بتاعك وتخليه يركبلك محبس مياه عاديه ( سعره 15 جنيه + وصلتين 1/2" ممكن 10 جنيه كمان بالكتير ) علي خرطوم المياه الساخن الداخل علي المقصوره أو الخارج ليس هناك فرق الغرض توقيف تدفق المياه الساخن الداخل للمقصوره
(بسبب عيب في التصميم لا يناسب الأجواء المصريه وهو ضبط درجة الحراره والهام منها لاوروبا الساخن وليس البارد فلهذا يهتم بتفعيل الضبط عن طريق الساخن وهو لا يناسبنا كان الأولي أن يعتمد علي ثرموستات الحراره فقط وغلق محبس الساخن تماما ولذلك فانت تحتاج لغلق هذا الخط وفتحه كل فتره واخري وايضا فتح هذا المحبس في الشتاء )

ثانيا" تروح لأي حد بتاع تكييف وتطلب منه يكبس الدايره أولا ليتأكد من عدم وجود تسريب ( لمده لا تقل عن 1/2 ساعه ) واذا لا يوجد تسريب يمكنك البدء في الخطوه التاليه
وبعد ذلك يتم عمل فاكيوم للدائره ( لمده لا تقل عن 1/2 ساعه أخري )
وبعد ذلك عملية الشحن 550 مم بالضبط إن أمكن وان لم يكن يمكنك الإعتماد علي خبرته في الشحن لأن عملية كبس وتفريغ الدائره أهم مرحله الشحن يمكن أن يعتمد علي العدادات بحيث لا تزيد عن 30 PSI في خط ال low

المصنعيات أنت وشطارتك
لو مستعد تشحن بنفسك ممكن أشرحلك الخطوات بالتفصيل بس للأسف هتحتاج تروح لحد يعملك كبس للدائره وتفريغ أو تشتري أدوات كامله وتبقي معاك علطول

[mif]

أولا تروح للميكانيكي بتاعك وتخليه يركبلك محبس مياه عاديه ( سعره 15 جنيه + وصلتين 1/2" ممكن 10 جنيه كمان بالكتير ) علي خرطوم المياه الساخن الداخل علي المقصوره أو الخارج ليس هناك فرق الغرض توقيف تدفق المياه الساخن الداخل للمقصوره
(بسبب عيب في التصميم لا يناسب الأجواء المصريه وهو ضبط درجة الحراره والهام منها لاوروبا الساخن وليس البارد فلهذا يهتم بتفعيل الضبط عن طريق الساخن وهو لا يناسبنا كان الأولي أن يعتمد علي ثرموستات الحراره فقط وغلق محبس الساخن تماما ولذلك فانت تحتاج لغلق هذا الخط وفتحه كل فتره واخري وايضا فتح هذا المحبس في الشتاء )

ثانيا" تروح لأي حد بتاع تكييف وتطلب منه يكبس الدايره أولا ليتأكد من عدم وجود تسريب ( لمده لا تقل عن 1/2 ساعه ) واذا لا يوجد تسريب يمكنك البدء في الخطوه التاليه
وبعد ذلك يتم عمل فاكيوم للدائره ( لمده لا تقل عن 1/2 ساعه أخري )
وبعد ذلك عملية الشحن 550 مم بالضبط إن أمكن وان لم يكن يمكنك الإعتماد علي خبرته في الشحن لأن عملية كبس وتفريغ الدائره أهم مرحله الشحن يمكن أن يعتمد علي العدادات بحيث لا تزيد عن 30 psi في خط ال low

المصنعيات أنت وشطارتك
لو مستعد تشحن بنفسك ممكن أشرحلك الخطوات بالتفصيل بس للأسف هتحتاج تروح لحد يعملك كبس للدائره وتفريغ أو تشتري أدوات كامله وتبقي معاك علطول

شكرا للمعلومات .....
و لو امكن حضرتك ممكن تعمل موضوع عن الشحن و الكبس و الادوات المستخدمة و اماكن بيعها و اسعارها و الخطوات ...... دا طبعا لو امكن

[albasha]

في فيديوهات كتير جدا علي اليوتيوب بتشرح عملية الشحن
وده واحد منهم هيعرفك طريقة الشحن ببساطه وبالمره هتشوف الأدوات اللي انت محتاجها

https://www.youtube.com/watch?v=Pm21NG4M7o8

علي فكره بشحن عربيتي بنفسي والموضوع بيكلفني سعر الفريون العمليه دي عملتها بنفسي كاملة