رينو ميجان 2007 بتقطع فوق ال 70 و على المطالع

[ahmed9adel]

كل سنة و حضراتكم طيبين.
إمبارح كنت راجع من السفر و بعد حوالى 150 كيلو سواقة العربية إبتدت تقطع تقطيع خفيف و إبتدى يزيد مع الوقت. التقطيع بيختفى لو أنا دايس بنزيين دوسة خفيفة يعنى مزودش عن 70 أو 80 و بترجع تقطع لو كبست بنزيين أو على المطالع. أنا فضلت مسايس العربية لغاية ما روحت الحمد لله و ركنتها و طلعت. لسة ما كشفتش على أى حاجة. أنا شاكك فى كويل من الكويلات أو طرمبة البنزيين أو إحتمال أكون حطيت بنزيين مش نضيف. حد عنده علم إيه المشكلة؟

[shake]

متا بع

[على مهران]

تقطع وبعد كدا تبطل لو كان كدا ممكن يكون سلك حساس الكرنك ملمس حصلت معايا ان العربية تبطل وبعد كدا مرديتش تدور تانى وفين وفين دارت لوحدها وبرده كان فيها نفس المشكله رحت للميكانيكى عمل عازل للسلك والحمد الله دلوقتى كويسه مش بتبطل من ساعاتها الكلام دا من شم النسيم اللى فات

بس امبارح حصل معايا حاجه غريبه مش فاهمها كنت فى مشوار صغير ورجعت ركنت العربية تحت البيت بعدها ب 10 دقايق رايح عشان اركنها فى الجراج حلفت طلاق تلاته ماهى دايرة ابدا ادرو تلقط كنتاك فقط وبعد كدا كأنى شلت رجلى من على الفرامل ومادورش خالص ايه السبب مش عارف بعد شوية دارت لوحدها عادى ولا كأن فى اى حاجه
اسف ع الاطاله

[ahmed9adel]

لأ هى الحمد لله مش بتبطل خالص. هى كانت بتقطع فوق ال 70 و على المطالع. إمبارح جربت العربية و رحت بيها مشوارين جوة البلد و كانت كويسة. حاجة غريبة قوى!!!

[Abo_Mazen]

لأ هى الحمد لله مش بتبطل خالص. هى كانت بتقطع فوق ال 70 و على المطالع. إمبارح جربت العربية و رحت بيها مشوارين جوة البلد و كانت كويسة. حاجة غريبة قوى!!!

التقطيع معاه كركره ؟؟؟...ولا تقطيع بكتمة ؟؟؟

[ahmed9adel]

التقطيع معاه كركره ؟؟؟...ولا تقطيع بكتمة ؟؟؟

ﻷ مفيش كركرة. كأنك ماشى عادى على 80 وفجأة شلت رجلك من على دواسة البنزيين و بعدين رحت كابس تانى بنزيين و بعدين شلت رجلك و......

[Abo_Mazen]

ﻷ مفيش كركرة. كأنك ماشى عادى على 80 وفجأة شلت رجلك من على دواسة البنزيين و بعدين رحت كابس تانى بنزيين و بعدين شلت رجلك و......

دي مشكلة كهربا ..بوجيهات أو موبينه ..حاجه كده ...

[mohamedadelemam]

بوجيهات كويلات فلتر بنزين وكل سنه وحضرتك طيب

[على مهران]

فعلا جرب تغيير فلتر البنزين الاول ممكن يكون هو السبب

[ahmed9adel]

هو الحمد لله من ساعة ما رجعت من السفر ماقطعتش ولا مرة. مش عارف بقى أسيبها كدة ولا أكشف ولا إيه!!!

[على مهران]

والله ياباشا العربيات دى شكلها ركبها عفريت ولا ايه انا برده حصل معايا صوت عالى زى هابده كده وانا مسافر برده وماشى على 150 كم وكأنها سقطت غيار وعملتها كذا مرة من بعد ماجيت من السفر مفيش اى حاجه حصلت رحت كشفت عليها عشان اطمن قالى الجهاز مش قارى اى اعطال مش عارف اعمل ايه ابيع العربية واخلص منها ولا ايه مش عارف

[ahmed9adel]

هى العربية دى عايزة حد فاهمها و حافظها كويس علشان يقدر يقولك إيه العيب من غير ما يكشف :)

[loklok]

غالبا فيه كويل بيقطع كهربا لما العربيه بتسخن

[ahmed9adel]

أنا من الأول فعلا شاكك يا إما كويل يا إما أنا حطيت بنزيين وسخ.

[loklok]

كان عندي العربيه تقطع مع الحر او تشغيل التكييف لكن بالليل اداءها كويس
وطلع كويل ضعيف