معلوماتكم عن كاسيت الفلوانس ابقوا شاشة

[Dr. Assem]

صباح الفل. و رمضان كريم

حد اسكندراني او له صلة باسكندرية مركب كاسيت الفوانس ابو شاشة و نافيجيشن و حوارات. سواء الاصلي اللي كان بينزل في الت ب لاين. او حاجة من اللي بيتصمموا مخصوص ليها.

الموضوع داخل دماغي و عايز اركبه في عربيتي. عايز اشوفه و اعاينه لو مممن و اخد خبرة الناس اللي استعملته. او عندها معلومات عنه.

و كنت سمعت ان موديلات فلوانس بعد 2013 ليها كاسيت مختلف عن قبل كده؟!

الشاشة دي بقى مميزاتها ايه. افلام. كاميرا خلفية. بتظهر بيانات حساسات الركنة. ايه يعني؟؟

والنافيجشن تقريبا توم توم و كنت قريت هنا ان في مذكلة في خرايط مصر بتاعته

اخيرا انا عربيتي فلوانس 2015 e3. يعني بدون حساسات ركنة و لا فتحة سقف

شكرا

[sattia]

مهتم ومتابع

[Dr. Assem]

واحد صاحبي كان في مركز صيانة لعامرية و كنت موصيه يسأللي على الكاسيت ابو شاشة موديل 2015

كان الرد كالآتي

الكاسيت و الشاشة سعرهم 14 ألف جنيه مصري و بيجي بالطلب و بعددفع مقدم
فيه سي دي و مافهوش دي في دي
في نافيجيشن
بيركب معاه كاميرا خلفية بتظهر على شاشته
ما بيظهرش عليه علامات الباركنج سيتسورز

بس خلاص !!

[ahmedelfeky]

بص ياباشا انا مركب من شهرين كاسيت وشاشه صيني النوع اسمه winca s100 وهو platform بيتعمل لكل موديلات العربيات مخصوص يعني حاجه كده plug and play كلفني ف حدود 4000 جنيه اقرب وقت ان شاء الله هعمل تقرير مفصل بالصور عن كل كبيره وصغيره ف الجهاز

[Dr. Assem]

بص ياباشا انا مركب من شهرين كاسيت وشاشه صيني النوع اسمه winca s100 وهو platform بيتعمل لكل موديلات العربيات مخصوص يعني حاجه كده plug and play كلفني ف حدود 4000 جنيه اقرب وقت ان شاء الله هعمل تقرير مفصل بالصور عن كل كبيره وصغيره ف الجهاز

بشكرك عل اهتمامك و منتظر تقريرك علشان محتاج اركب واحد

[Dr. Assem]

و انا بتفسح على النت شوية دخلت على موقع رينو الشرق الاوسط و قعدت اتفرج على فئات الفلوانس.

لقيت اللي بيركب مكان الكاسيت حاجة كده اختراع و اسمه Renault R-Link

لقيته في البروشور بتاع فلوانس

http://www.renault-me.com/CountriesData/GCC/images/pdf/Fluence_NBI_Brochure-ENG.pdf

و ده الكتالوج بتاع الجهاز

http://www.e-guide.renault.com/portail/data/systemes/r-link/NW1048-3_ENG.pdf

و باختصار هو فيه موصفات الكاسيت اللي فيها بالاضافة لشاشة تاتش 7 بوصة و نظام جي بي اس Tomtom و بيتركبله كاميرا خلفية و يتحكم في حساسات الركنة الامامية و الخلفية

[Dr. Assem]

شفت بوست النهاردة عالفيس لكاسيت صيني لسه نازل جديد للفلوانس فيس ليفت

دي اللينك بتاعته

https://m.facebook.com/story.php?story_fbid=390904594436684&id=186758384851307

و بيتزوده كاميرا و بيشغل DVD

انا عايز اجيبه. بس قلقان. حد عنده تفاصيل اكتر او نصايح يقولهالنا. الموضوع حيتكلف 4000 جنيه. و مش عايز اتدبس في حاجة مضروبة

[Hany Saad]

و انا بتفسح على النت شوية دخلت على موقع رينو الشرق الاوسط و قعدت اتفرج على فئات الفلوانس.

لقيت اللي بيركب مكان الكاسيت حاجة كده اختراع و اسمه renault r-link

لقيته في البروشور بتاع فلوانس

http://www.renault-me.com/countriesdata/gcc/images/pdf/fluence_nbi_brochure-eng.pdf

و ده الكتالوج بتاع الجهاز

http://www.e-guide.renault.com/portail/data/systemes/r-link/nw1048-3_eng.pdf

و باختصار هو فيه موصفات الكاسيت اللي فيها بالاضافة لشاشة تاتش 7 بوصة و نظام جي بي اس tomtom و بيتركبله كاميرا خلفية و يتحكم في حساسات الركنة الامامية و الخلفية

الكاسيت الأصلى بتاع رينو خرايطه مش شغاله فى مصر لأنه بيعتمد النظام الملاحى tomtom و هما معندهمش خرايط لمصر....
تحياتى

[Hany Saad]

شفت بوست النهاردة عالفيس لكاسيت صيني لسه نازل جديد للفلوانس فيس ليفت

دي اللينك بتاعته

https://m.facebook.com/story.php?story_fbid=390904594436684&id=186758384851307

و بيتزوده كاميرا و بيشغل dvd

انا عايز اجيبه. بس قلقان. حد عنده تفاصيل اكتر او نصايح يقولهالنا. الموضوع حيتكلف 4000 جنيه. و مش عايز اتدبس في حاجة مضروبة

يفضل تجيب حاجة متجربه و تشوفها بنفسك لأن الصينى مستويات و فيه كتير منه مضروب و مشاكله مع الحر و الشمس كتيره، مستنيين تقرير المحترم أحمد بيه الفقى علشان ناخد الخطوة الجريئة كلنا

تحياتى

[Dr. Assem]

المشكلة ان مبلغ 14 الف ده خيالي جدا و خصوصا بدون خرايط شغالة. و ده على ما اظن السبب في عدم توفير فئة التوب لاين.

بالنسبة للصيني. اللي بتركبه شركة في القاهرة عاملة قلبان عالفيس لكن ده مش مقياس. علشان كده حبيت اسال هنا. و يا سام لو لقيت حاجة في اسكندرية جيدة. يبقى عز الطلب

بصراحة مبسوط بالعربية جدا لكن ماتزعلوش مني حاسس انها قرعة من ناحية التابلوه. و ده مش قيمتها خالص