عاوز راى الاعضاء بالتفصيل فى الرينو Captur - كابتشر

[ehabomar1987]

السلام عليكم عاوز راى كل الاعضاء بالتفصيل في الرينو كابتشر وياريت لو مقارنة تفصيلية بينها وبين القشقاى والسبورتاج و ل ix35 وياريت لو راى المستخدمين بتوعها فى العربية من حيث كل حاجة فيها بالتفصيل لانى مش لاقى اى معلومات عنها مع العلم ان الوكيل منزل سعر العربية من 190 ل 180 اليومين دول للى حابب انه يحجزها او يشتريها بس نعرف الاول هيا نفس مواصفات العربيات اللى فاتت لانها بتصنف من فئة الكروس اوفر ولا مفيش حد عنده ى خلفية عنها وشكرا

[scientist9508]

بسم الله الرحمن الرحيم

اخى الفاضل ايهاب

لا اظن ان احداً قد استلم السياره ليعطيك راى عملى فيها. لذلك ارى ان تتعلم ما تريد عن السياره من المواصفات الهندسيه المنشوره لها.

و ان كنت مخطى و يوجد بالفعل من استلم السياره فانا انتظر معك لاتعلم عنها.

السلام عليكم و رحمة الله و بركاته

[ENG.MaRk]

شوفلها Reviews علي الYoutube و هي عموماً عربية منعدمة الانتشار و أعتقد من الصعب صيانتها لأن محدش عارف عنها حاجة بس لو حابب تاخد الrisk و تبقي أول واحد جابها و تقولنا رأيك فيها يبقي تمام :)
بس العربية شكلها حلو و خصوصاً إنها بتنزل لونين و أعتقد هي فئة الSoul و الJuke مش Qashqai و Sportage و لا تصلح للمقارنة بهم

[ENG.MaRk]

علي فكرة هي نفس موتور القاشقاي الحالي ال1.2 turbo و قريبة منها في الشكل و كمالياتها حلوة جداً و التابلوه بسيط و شيك ... أنا ماشفتهاش غير مرة واحدة بس و كانت في معرض و مش فاكر فين بالتحديد و ماسوقتهاش نهائياً بس أنا لو مكانك أجيب قاشقاي أول فئة أحسن من الcaptur و منتشرة عنها و ربنا يوفقك لما فيه الخير إن شاء الله :)

[ehabomar1987]

اولا شكرا لكل الناس اللى ردت على البوست بس يعنى رايكم بلاش الواحد ياخد ال risk فى عربية جديدة انا برده مشفتهاش فى الشارع نهائى الصراحة خالص مع العلم ان سعرها مناسب على المواصفات بتاعتها

[ENG.MaRk]

موضوع إنك تاخد الrisk ده قرارك انت بس أنا في رأيي تجيب قاشقاي أول فئة أحسن