افضل طريقة لمسح العربية

[mario maged]

بسال احسن حاجة امسح بيها العربية من جوة و من برة ايه؟
يعني الفوطة الزفرة حلوة ولا فعلا بتبوظ البوية مع الوقت؟ وايه اللي استخدمه بديل للفوطة الظفرة و تخلي العربية تلمع؟
و التابلوه امسحه بالمنظف العادي اللي بجيبه من اي بنزينة؟ انا جبت واحد تركي ولا طريقة الفازلين الطبي احسن؟

[Hamada Basha]

حد جرب او يعرف الفاميه الحراري ؟؟
المفروض انه شفاف او عسلي
هل فعلاً بيحمي و يمنع حرارة الشمس من الدخول للعربية بجد ؟؟
ولا اشتغالة قبل الواحد ما يلبس فيه ( المترين ب 350 جنيه تقريبا ) !!!
ياريت اللي يعرف يفيدني

[drmagieed]

متابع

[A.Saad]

الفاميه الحرارى ارخص من كدة
هات رول من التوفيقية
بس الاول اتفق مع حد على مصنعيته

التابلوة احسن حاجة ملمع امريكى armor all
مكتوب عليه protectant

ممكن تستعمل فوطة مايكرو فايبر لبرة
بس كل فترة طبعا تتغسل

[ahmadg78]

من جوه انا باستخدم ويبس اطفال باجيبه من الصيدليه مش بتاع عربيات
لو التابلوه مترب باسيب الويبس تنشف جدا الاول و امسح بيها , كده بتلم التراب احسن
لو مش مترب بامسح بيها بتخليه يلمع جدا

[engkhater]

حد جرب او يعرف الفاميه الحراري ؟؟
المفروض انه شفاف او عسلي
هل فعلاً بيحمي و يمنع حرارة الشمس من الدخول للعربية بجد ؟؟
ولا اشتغالة قبل الواحد ما يلبس فيه ( المترين ب 350 جنيه تقريبا ) !!!
ياريت اللي يعرف يفيدني

الفاميه كله عازل حراري بس بيفرق فى النوع علشان كده احنا كلنا بنقول عليه عازل عادى وعازل حرارى
افضل نوع الأمريكي اسم الماركة عازل (3M) ودا كل الخليج بيتعاملو بيه
انواع الامريكي :- 1- عازل امريكي نسبه 55 %
2- عازل امريكي نسبه 35 %
3- عازل امريكي نسبه 25 %
النوع الثاني عازل حراري كوري
النوع التالت عازل صيني اللى هو الفاميه العادى
وخلو بالكم يا شباب معظم المحلات بيجيبو الكورى ويقولو عليه امريكي وتلاقي عليه فعلا ختم made in usa
وتفرقو بينهم ان الامريكي دايما يميل الى اللون الرصاصي والاسود متلاقيش امريكي لونه عسلى عن تجربه
والموضوع دا عن تجربه من السعودية

[Hamada Basha]

تسلم يا كبير بجد
بس ياريت تقولي الاقي ال 3m فين و عند حد امين لو تعرف واحد معين قولي
و كمان ازاي اقدر اميز الختم و اللوجو بتاع الاصلي ؟