مشاكل فئات فلوينس

[احمد تركي]

لو سمحتم كنت عايز اعرف ايه الفئة اللي مشاكلها اقل بالنسبة للفئة التالتة اللي فيها حساسات ولا الفئة التانيه اللي من غير حساسات

انا كنت سامع ان الحساسات اعطالها كتير وملهاش لازمه ؟؟ يا ريت حد يفيدنا

[HAITHAM1985]

فين الناس بتوع الرينو

بص كل العربيات الحديثة ومنها الفلوينس فيها حساسات مفيش حاجة دلوقتى اسمها عربية من غير حساسات مثلا حساس كرنك وحساس إيدل وغيرها من الحساسات ....... ده لو فهمت قصدك على حساسات المكنة

أما لو تقصد حساسات خارجية زى حساس المطر وحساس الركن ...... فمظنش إن عربية بحجم الفلوينس يبقى فيها مشاكل فى الحساسات دى

وعلى فكرة الميرسيدس والبى إم بيضربوا حساسات ....... أى عربية فيها مشاكل

بالتوفيـــــــــــق

[Hany Saad]

لو سمحتم كنت عايز اعرف ايه الفئة اللي مشاكلها اقل بالنسبة للفئة التالتة اللي فيها حساسات ولا الفئة التانيه اللي من غير حساسات

انا كنت سامع ان الحساسات اعطالها كتير وملهاش لازمه ؟؟ يا ريت حد يفيدنا

مفيش اى مشاكل فى الفلوانس من ناحية الحساسات سواء الداخلية او الخارجية، العربية الحمدلله ثابتة نفسها جداً و أعطالها نادرة
اختار الفئة المناسبة ليك و لميزانيتك و توكل على الله....الأسعار هتغلى قريب جداً

تحياتى

[Batman372]

يا باشا الحساسات sensors الى حضرتك بتتكلم عليها دى موجوده من منتصف التسعينات ... يعنى من عشرين سنه
و اغلب بل معظم عربيات اليوم بها ...
الصنى المتجمعه من ٢٠٠٧ كان يقال عليها انها عربيه تقليديه جدا .. و لما ذهبت للتوكيل اعمل اول صيانه المهندس ضحك من كلامى و اكد لى ان فيها ١٤ حساس و ورانى مكانهم !!
المرسيدس و البى ام اليوم بها فوق ال ٦٠ حساس ...
الخلاصه لا تستمع لكلام الناس :) و خد المعلومه من معظم الملاك ...
تحياتى ...

[yasser100]

ما فيش مشاكل من اى حساسات . ﻻ خارجيه و ﻻ داخليه . ﻻ فى الموديل السابق من 2010 و ﻻ الحالى .