استفسار بخصوص رينو لوجان مانويل

[yahiaz]

السلام عليكم ورحمة الله وبركاته

انا لسه ناوى اتعلم سواقة جديد ان شاء الله
وكنت عايز اشترى عربية فى حدود اقل من 80 الف جنيه

فلقيت اللوجان مناسبة فى سعرها وامكانياتها

هل هى عربية كويسة, وحتبقى مناسبة لواحد لسه بيتعلم سواقة ؟
وايه مشاكلها ؟
وﻻ تنصحونى اجيب عربية مستعملة عشان لسه فى اﻻول ؟

وجزاكم الله خير
وشكرا مقدما

[hah111eg]

عندى نفس السؤال

اتمنى ان حد ينصحنا ولكن من خلال بحثى لقيت ان العربية الجديدة ان شاء الله مشاكلها قليله غير المستعمل ممكن تخليك كل شويه عند الميكانيكى ... لكن برضو لغاية دولوقتى حيران ومش عارف ايه الصح

[yahiaz]

اتمنى ان حد ينصحنا ولكن من خلال بحثى لقيت ان العربية الجديدة ان شاء الله مشاكلها قليله غير المستعمل ممكن تخليك كل شويه عند الميكانيكى ... لكن برضو لغاية دولوقتى حيران ومش عارف ايه الصح

شكرا على الرد, وربنا يكرمنا جميعا ان شاء الله

[ashraf_arief2003]

قديمة احسن اتعلم عليها افضل علشان الخبطات فى القديمة ارخص اما فى الجديدة تبقى غالية ومبالغ فيها جدا

[yahiaz]

قديمة احسن اتعلم عليها افضل علشان الخبطات فى القديمة ارخص اما فى الجديدة تبقى غالية ومبالغ فيها جدا

شكرا جزيلا على الرد, بس القديمة مش مضمونة ممكن تطلع فيها مشاكل مش ظاهرة, وﻻ ايه راى حضرتك

[Kirolos Edward]

لا اشتري جديدة احسن علي الاقل تضمن اعطالها مش هتبقي كتير و كمان اي عربية كدا كدا هتتخبط و مش بس الي مش بيعرفوا يسوقوا الي بيخطبوا كله بيخبط عادي فا ادفع فلوسك في حاجة تستاهل

[wael30003]

هو فعلا الحاجةالوحيدة اللى هتفرق معاك الخبطات ...لكن لو اتعلمت كويس ....مثلا اجرت عربية او خليت سواق يعلمك على عربيته شهرين متواصلين فى الزحام ....يبقى كده انت اتعلمت بنسبة ٩٥٪....والخسائر هتكون قليلة

[marsguy]

السلام عليكم ورحمة الله وبركاته،،،

مش بالضروره عشان لسه جديد في السواقه تعمل حوادث أكتر

بالعكس اللي لسه بيتعلم بيكون حريص جداً

سوق بحرص وما تخليش حد يخرجك عن تركيزك ولا يغلس عليك. خليك محتفظ بهدوء أعصابك عشان هاتلاقي ناس هايتعمدوا يرخموا عليك ويعصبوك لما يحسوا إنك بتتعلم.

إختيار العربيه كويس بس لا أنصحك إطلاقاً بالمانوال

ومبروك مقدماً

[yahiaz]

لا اشتري جديدة احسن علي الاقل تضمن اعطالها مش هتبقي كتير و كمان اي عربية كدا كدا هتتخبط و مش بس الي مش بيعرفوا يسوقوا الي بيخطبوا كله بيخبط عادي فا ادفع فلوسك في حاجة تستاهل

هو فعلا الحاجةالوحيدة اللى هتفرق معاك الخبطات ...لكن لو اتعلمت كويس ....مثلا اجرت عربية او خليت سواق يعلمك على عربيته شهرين متواصلين فى الزحام ....يبقى كده انت اتعلمت بنسبة ٩٥٪....والخسائر هتكون قليلة

السلام عليكم ورحمة الله وبركاته،،،

مش بالضروره عشان لسه جديد في السواقه تعمل حوادث أكتر

بالعكس اللي لسه بيتعلم بيكون حريص جداً

سوق بحرص وما تخليش حد يخرجك عن تركيزك ولا يغلس عليك. خليك محتفظ بهدوء أعصابك عشان هاتلاقي ناس هايتعمدوا يرخموا عليك ويعصبوك لما يحسوا إنك بتتعلم.

إختيار العربيه كويس بس لا أنصحك إطلاقاً بالمانوال

ومبروك مقدماً

بجد شكرا يا جماعة على التفاعل وربنا يجازيكم خير, وان شاء الله ربنا يقدم اللى فيه الخير

[عماد الدين عزت]

السلام عليكم ورحمة الله وبركاته

انا لسه ناوى اتعلم سواقة جديد ان شاء الله
وكنت عايز اشترى عربية فى حدود اقل من 80 الف جنيه

فلقيت اللوجان مناسبة فى سعرها وامكانياتها

هل هى عربية كويسة, وحتبقى مناسبة لواحد لسه بيتعلم سواقة ؟
وايه مشاكلها ؟
وﻻ تنصحونى اجيب عربية مستعملة عشان لسه فى اﻻول ؟

وجزاكم الله خير
وشكرا مقدما

النقطة الاساسىية عند شراء السيارة سواء جديدة او مستعملة الميزانية المتاحة وحضرتك معاك اقل من 80 الف وحابب اللوجان وثمن الجديدة يعدى ال100 الف والسيارة جميلة وبتاعة شغل وتكيفها مقبول .

[yahiaz]

النقطة الاساسىية عند شراء السيارة سواء جديدة او مستعملة الميزانية المتاحة وحضرتك معاك اقل من 80 الف وحابب اللوجان وثمن الجديدة يعدى ال100 الف والسيارة جميلة وبتاعة شغل وتكيفها مقبول .

مانا شكلى حصرف نظر عن اللوجان, بيقولو قطع غيارها غالية ومش اى ميكانيكى يفهم فيها

[adel_edrees]

حضرتك أحسن حاجة فيرنا مستعملة مش حتزعللك قوى لكن اللوجان تزعل و مش حتتلم تانى