فلوانس مانوال

[hany2]

تحية لزملاء منتدى الفلوانس

الحقيقة أنا حابب العربية دي جدا من خلال المنتدى وأصحابه المتعاونين وشكلها عاجبني جدا. أنا بافكر أشتري الفلوانس المانول تقسيط نظرا لظروف عدم توافر السيولة المالية حاليا. فهل هي متوافرة؟ وهل حد في المنتدى جابها؟ وهل فيها أي مشكلة إن الواحد يجيبها مانوال؟

أنا كان معايا لانوس مانوال فمش مشكلة موضوع المانوال معايا لأن العربية عاجباني وللأسف ما فيش فلوس دلوقتي أجيب الأوتو.
تحياتي لكم

[Hany Saad]

على حسب معلوماتى و نظراً لضعف الإقبال على الفئة المانيوال منها فتم إلغاء الحجز عليها و أصبح أول فئة متاحة للحجز هى الفئة الأولى أتوماتيك و سعرها أصبح 158000 جنيه....لكن برجاء التأكد من المعلومة

ممكن كحل بديل، تدور على موديل 2014 أول فئة و تكون بحالة الفابريكة و أعتقد سعرها هيكون زى سعر المانيوال الزيرو

بالتوفيق إن شاء الله

تحياتى

[hany2]

شكرا جزيلا باشمهندس هاني.
المشكلة إني كنت عاوزها تقسيط! وقدر الإمكان كنت عاوز أوفر في ثمنها.

طيب هل ممكن الاقي 2014 زيرو؟

وهل سعرها بيكون 141 ألف زي ما بيكون مكتوب؟

شكرا جزيلا

[islamhasan]

2014 زيرو مش هتلاقي
بس ممكن تلاقي 2015 وبيكون عليها عروض اسعار اقل من 4 ل 5 الاف لو لاقيتها
حاول تدور في اكتر من معرض واسأل في التوكيل انا شاري من 3 اسابيع كان في واحده موجوده في فرع التوكيل اللي في ميدان المحكمه كانت ب 189 قبل الفصال بس انا كنت عاوز 2016 دا سعر اخر فئه وكان الفرق 5 الاف جنيه

[Hany Saad]

شكرا جزيلا باشمهندس هاني.
المشكلة إني كنت عاوزها تقسيط! وقدر الإمكان كنت عاوز أوفر في ثمنها.

طيب هل ممكن الاقي 2014 زيرو؟

وهل سعرها بيكون 141 ألف زي ما بيكون مكتوب؟

شكرا جزيلا

للأسف مش هتلاقى 2014 زيرو لان دلوقتى بيسلموا موديلات 2016 و فيه تصافى 2015
انا كنت اقصد 2014 كسر زيرو يعنى عامله كم قليل و بحالة الزيرو....تقدر تاخد قرض من البنك و تشتريها و تسدد بالتقسيط للبنك
ال 2014 كسر زيرو يعنى كم قليل اول فئة تعمل فى حدود 140-145 الف بالكتير

تحياتى

[hany2]

2014 زيرو مش هتلاقي
بس ممكن تلاقي 2015 وبيكون عليها عروض اسعار اقل من 4 ل 5 الاف لو لاقيتها
حاول تدور في اكتر من معرض واسأل في التوكيل انا شاري من 3 اسابيع كان في واحده موجوده في فرع التوكيل اللي في ميدان المحكمه كانت ب 189 قبل الفصال بس انا كنت عاوز 2016 دا سعر اخر فئه وكان الفرق 5 الاف جنيه

شكرا جزيلا أستاذ إسلام :)

[hany2]

للأسف مش هتلاقى 2014 زيرو لان دلوقتى بيسلموا موديلات 2016 و فيه تصافى 2015
انا كنت اقصد 2014 كسر زيرو يعنى عامله كم قليل و بحالة الزيرو....تقدر تاخد قرض من البنك و تشتريها و تسدد بالتقسيط للبنك
ال 2014 كسر زيرو يعنى كم قليل اول فئة تعمل فى حدود 140-145 الف بالكتير

تحياتى

شكرا جزيلا باشمهندس هاني. إن شاء الله هادور لو في تقسيط كسر زيرو، ولو مش كده ممكن زي ما الأستاذ إسلام أفاد.

شكرا لكم وتحياتي وربنا يوفقكم

[abdallasoliman]

روح معرض اباظة عندة مستعمل فلوانس الفئة الاولى اتوماتيك قالى 127الف بس انا كنت عايز e3 وممكن يقسط.. وربنا يوقعربالطيب..بس الاوتوماتيك افضل بكتير

[hany2]

شكرا جزيلا

روح معرض اباظة عندة مستعمل فلوانس الفئة الاولى اتوماتيك قالى 127الف بس انا كنت عايز e3 وممكن يقسط.. وربنا يوقعربالطيب..بس الاوتوماتيك افضل بكتير

شكرا جزيلا أستاذ عبد الله. إن شاء الله أشوفه وأكيد طبعا الأوتوماتيك أفضل.
تحياتي

[hany2]

طيب معلش هل المانوال هيكون فيه مشكلة في قطع الغيار علشان مش منتشر؟ شكرا جزيلا