مساعدة سيارتى الميجان مش بتدور خالص

[flight_angle]

السلام عليكم
بعد مابطلت السيارة امبارح بعد سفر ساعة تقريبا جيت ادورها بعدها بساعتين لقيتها مش بتدور خالص حاولت اكتر من مرة وفى كل مرة اشيل الكارت وادور تانى ماتدورش وتظهر علامة البطارية على الشاشة , قولت ممكن عيب البطارية مع ان الانوار كلها بتشتغل عادى والتكييف والراديو والفتح والغلق مافيش مشكلة وصلتها ببطارية تانية مادارتش جربت مع بطارية غيرها بردو مش بتدور خالص , هى لما بضغط على الاستارت تعمل زنة كده ثوانى وماتلقطش , مش عارف العيب ممكن يكون ايه , ارجو المساعدة ,,, وشكرا ....

[loklok]

غالبا مارش
بص علي فيوز المارش الاول ممكن يكون محروق

[Hany Saad]

السلام عليكم
بعد مابطلت السيارة امبارح بعد سفر ساعة تقريبا جيت ادورها بعدها بساعتين لقيتها مش بتدور خالص حاولت اكتر من مرة وفى كل مرة اشيل الكارت وادور تانى ماتدورش وتظهر علامة البطارية على الشاشة , قولت ممكن عيب البطارية مع ان الانوار كلها بتشتغل عادى والتكييف والراديو والفتح والغلق مافيش مشكلة وصلتها ببطارية تانية مادارتش جربت مع بطارية غيرها بردو مش بتدور خالص , هى لما بضغط على الاستارت تعمل زنة كده ثوانى وماتلقطش , مش عارف العيب ممكن يكون ايه , ارجو المساعدة ,,, وشكرا ....

راجع على الأتى بالترتيب:

1-الفيوزات العمومية و دى موجودة جوه الكبوت ناحية البطارية

2-جرب الكارت الأحتياطى علشان تتأكد أنه مش عيب كارت

3- بص على سير التقسيم و أتأكد أنه مش مقطوع

4- إحتمال كبير طرمبة بنزين قاطعة بس هتسمع صوت مارش و العربية مش بتدور

5- أخر إحتمال و ده ضعيف هتبقى مشكلة مارش

جرب و طمنا

تحياتى

[Super_Star_h]

معتقدتش ان ده ممكن عيب بطاريه ولا مارش ولا سيور ولا طرمبه
فيه حاجه فصلت فى الكهربا والضفيره حساس ضرب فيشه اتهزت ممكن
حطها ع جهاز كشف الاعطال

[demonarundo]

ممكن مفيش بنزين
ممكن سير التقسيمة مقطوع
ممكن الـ immobilizer بتاع كارت التشغيل

[mazen56]

العيب في كارت التشغيل

[flight_angle]

شكرا لجميع الاصدقاء الافاضل اللى تكرموا بالرد والاهتمام
الحمد لله العربية اشتغلت بعد ماتم تغيير أحد الفيوزات فى علبة الفيوز الامامية .
شكرا للجميع وتحياتى ...

[eslam.shebl]

بص ي باشا
لو العربيه بتقوم معاك مرش بس مش بتدور يبقي ي طرمبه بنزين ي حساس كرنك _ طرمبه بنزين اتاكد من صوتها و انت بتدوس استارت - حساس الكرنك ده فيشه تحت الماتور هزها كده هتدور زي الفل )
لو بتدي استارت و مفيش اي حاجه خالص جثه هامده يعني و ف زنه كده يبقي فيوز تغيره ب 10 جنيه موجود تحت ال upc بتاع العربيه بيتغير و بتشمي زي الالف بعد كده
الميجان و حراكتها البايخه :D