رينو ميجان سبب سمعتها الزفت بدون تحيز

[تامر.محمد]

انا عايز حضرتك تاخد بالك ان رخامة تقفيل الحوض و الحاجات دي عالصنايعي مش على صاحب العربية
و اللي راكب اي عربية حديثة مفروض خلاص بقى عارف انها ما بيشتغلش فيها الا الصنايعي بتاعها
مش حاجة حكر على الرينو بس دي

[gym1974]

لو الاتنين دول ياسر وفتحي هتنبسط من العربية ما تقلقش، لو فى مشاكل محددة قابلتك وعاوز تطرحها ونفيد بعض فيها اوك

والله انا ما كنت ناوى اتكلم فى الموضوع ده تانى بس لازم ارد على حضرتك كتر خيرك طبعا على الاهتمام لا الاتنين مش ياسر وفتحى دول محمد واحمد ثانيا انا الحمد لله عملت كل حاجة من كرم ربنا وفضله انا مستغرب بس من كام الاعطال الرهيب اللى فى العربية يعنى لو حد جاب العربية وظروفه المادية مش ولا بد حقيقى هيكون فى مشكلة كبيرة يبقى الله الغنى عنها ده راى اخى الكريم مش الاستاذ الفاضل تامر اللى داخل بيهاجم وخلاص تحياتى لحضرتك

[تامر.محمد]

مش الاستاذ الفاضل تامر اللى داخل بيهاجم وخلاص تحياتى لحضرتك

فين باهاجم بس ؟ :) , لا و خلاص ولا من غير خلاص , ما هاجمتش خالص فعلا , فقط ذكرت شوية حقايق انا عارفها بحكم تعاملي مع عشرات من ملاك العربية دي بلا مبالغة

[gym1974]

فين باهاجم بس ؟ :) , لا و خلاص ولا من غير خلاص , ما هاجمتش خالص فعلا , فقط ذكرت شوية حقايق انا عارفها بحكم تعاملي مع عشرات من ملاك العربية دي بلا مبالغة

يا سيدى خلاص حقك عليا الموضوع خلص على خير ان شاء الله انا قولت راى فى العربية وعلى فكرة انا معنديش اى مشاكل والحمد لله وقادر بفضل ربنا وكرمه على انى اصرف عليها وبالفعل صرفت عليها حوالى 17 الف جنيه رغم كشفى عليها فى التوكيل بس للاسف تقريبا بتوع التوكيل بقوا اى كلام والعربية فاتحة بقها على طول انا بس صعبان عليا حد يشترى العربية ويعجز من الصرف عليها وربنا يوسعها علينا جميعا وشكرا

[hilal]

لا يا فندم حضرتك مش متخصص طبيعي تاخد منك وقت طويل .. لكن من غير ما ادخل على منتديات انا بغير لمض فوانيس وسط الشغل ما بتاخدش الوقت ده ولا حاجة

طبعا انا غير متخصص
بس انا بتكلم كنوع من المقارنة بين سيارة وسيارة اخرى بالنسبة لغير المتخصصين امثالي
تحياتي

[تامر.محمد]

يا سيدى خلاص حقك عليا الموضوع خلص على خير ان شاء الله انا قولت راى فى العربية وعلى فكرة انا معنديش اى مشاكل والحمد لله وقادر بفضل ربنا وكرمه على انى اصرف عليها وبالفعل صرفت عليها حوالى 17 الف جنيه رغم كشفى عليها فى التوكيل بس للاسف تقريبا بتوع التوكيل بقوا اى كلام والعربية فاتحة بقها على طول انا بس صعبان عليا حد يشترى العربية ويعجز من الصرف عليها وربنا يوسعها علينا جميعا وشكرا

حضرتك عصبي اوي :b4_556:
بس 17 الف جنيه ؟ رقم مرعب في عربية 2010 في الظروف العادية !!
انا معايا 2010 برده و ما صرفتش الرقم ده الا لما عملت حادثة غيرت فيها حاجات كتير منها عفشة كاملة و تبريد كامل !!

بس عموما هي بتوصل لمرحلة معينة , حوالين ال100 الف كيلو , بتبدأ تفتح بقها فعلا في العفشة الاول و بعدين الكهربا , ده حقيقي و طبيعي

[titofouda]

من الاخر العربيه ديه مفهاش مشاكل غريبه غير فى الكهرباء فقط يا جماعة 90 فى الميه من الكهربائى بيخافه يشتغله فى الميجان وانا اعرف كهربائى بى ام وبيشتغله فى كرتات بيخاف يشتغله فيها اما بقا العفشا والمكانيكا عادى جدا اى حد يشتغل فيها عادى جدا وده سبب الموضوع اليه انا كتبته فياريت اى حد عده عليه مشكله من مشاكل الكهرباء العجيبه بتاعت الميجان يقولنا عليها عشان كلا نستفيد ونحد من سمعة الميجان الزفت

[semsem85]

ممكن عنواين وارقام تليفونات ياسر وفتحي او محمد احمد لتغير اولسيهات الكرنك الكرتيرة بعد اذنكم وشكرا

[fepsceasar]

ممكن عنواين وارقام تليفونات ياسر وفتحي او محمد احمد لتغير اولسيهات الكرنك الكرتيرة بعد اذنكم وشكرا

بعتلك ع الخاص

[semsem85]

شكرا ليك يافندم بقولك هو تغير السلونيد بلف في الفتيس بيحتاج الماتور والفتيس يتفكووووا ولا ممكن وهما في العربية