ازاي تخلي تكييف الميجان تلاجه عن تجربه

[loklok]

الحل ببساطه الغاء السخن بتاع التكييف
عن طريق طبتين بلاستيك من عند اي حد بتاع قطع غيار فيات بخمسه جنيه
وركبهم مكان الخرطمين اللي خارجين من المتور (واخد خارج من الكوللر والتاني خارج من قدام الموتور جنب الدينامو)
ممكن تعملهم بنفسك او اي ميكانيكي عادي يركبهم
واستمتع بالتكييف التلاجه
نسالكم الدعاء لي وللاسره

[أسامه الحسيني]

جزاك الله خيرا ممكن صور

[marko polo]

ممكن الكلام دة يتعمل فى عربية غير الميجان

[Sherif Mandoor]

ممكن الكلام دة يتعمل فى عربية غير الميجان

عملتها فى النوبيرا والفرق جامد جدا التبريد احسن

[loklok]

ينفع يتعمل لاي عربيه
بس تاثيره اقوي في الميجان وغالبيه الاوربي لان تكييفهم مركز اكتر علي السخن
وبيشتغل زي خلاط الدش

[loklok]

ميزه هذا التعديل انك ممكن ترجع كل حاجه لوضع الفابريكه
بمنتهي السهوله

[dr_mohamed16]

يا ريت صور

[رامي مصطفى]

ياريت حد يشرح لنا الفكره ان الميه السخنه بتاعت الماتور بتأثر ع التبريد هل في وصلات مشتركه ولا ايه؟
انا كمان عايز ازود كفاءة التكييف بس خايف يكون تكييفي هوا كدا تريوس 2000

[loklok]

هو نظريا كل العربيات سربنتينه السخن في حجره مجاوره لسربنتينه الساقع
الاختلاف بين العربيات هو في تاثير السخن علي البارد وطريقه العزل بينهم

[loklok]

ممكن حضرتك تجرب التعديل ولو مفيش نتيجه ملموسه رجع كل شئ لاصله
الموضوع بسيط وسهل وغير مكلف ماديا

[fdroubi]

بس في الحالة دي انت لغيت وظيفة تبخير الشبورة اللي بتتجمع على البرابريز. دي بتشتغل على المروحة مع هواء سخن جدا..

انا كنت مسافر الساحل في الفجر وركنت علشان اشتري حاجة رجعت بعد دقائق لقيت الشبورة من جوا البرابريز مش مخلياني اشوف حاجة... شغلت مروحة الشبورة.. بدأت تختفي بعد 5 دقايق..

[abo assal]

ياريت صوره او رسم كروكي مع شرح تفصيلي تبقي عملت فينا معروف كبير في الجو ده

[loklok]

انا مش خبره اوي في الصور
بس الموضوع ببساطه هتلاقي خرطومين طالعين من الموتور داخلين صدر العربيه
بنفك الخرطمين من ناحيه الموتور ونركب مكانهم الطبتين بنفس الافايز الاورجنال اللي ماسكه الخراطيم
(الطبه عباره عن خرطوم صغير مغلق من جنب ومفتوح من جنب )

[albasha]

الأفضل تركب محبس علي اي وصله منهم ولو مش هتعرف تعمله لوحدك خاي الميكانيكي يعهملهولك
الموضوع ببساطه عباره عن محبس نص بوصه بالإضافه لوصلتين برضه نص بوصه بيركبوا في المحبس وتفك الخرطوم من المنتصف وتركب الحبس في سكة المياه
ميزة المحبس إنك مش كل شويه تفك وتركب هي مره واحده في الصيف بتقفله والشتا بتفتحه وممكن في الصيف من فتره للتانيه تفتحه شويه وترجع تقفله تاني

[loklok]

ما انا كونت عايز اركب محبس في الاول
دورت عليه لما دوخت ,,,, كل المحابس في اطرافها قلاوز
وكنت مستصعب الطبه في الاول
بس لما شوفت الطبب وهي بتركب لقيت الموضوع سهل جدا ويتعمل في اقل من دقيقه