رينو قلوينس زيرو افيدووني

[hegazi_arc]

السلام عليكم..يا جماعه ممكن تفيدوني في العربيه ديه..انا كنت رايح اتفرج علي كيا سييد الجديده و شوفت العربيه ديه تاني فئه..لقيتها محترمه جدا و شكلها حلو و عاليه عن الارض..بس ماعرفش ايه نظامها ..هل الناس بتقول فيها عيوب زي الميجان القديمه؟..
انا كان معايا سيتروين جراند بيكاسو و بصراحه حلفت ما اركب قرنساوي تاني عشان محدش بيفهم فيها بما يرضي الله حتي الوكيل الحرامي.

[hegazi_arc]

ماشاء الله 60 مشاهده و محدش من اللي معاه العربيه يقدر يقولي حاجه عنها!!!

[dr_mohamed16]

ماشاء الله 60 مشاهده و محدش من اللي معاه العربيه يقدر يقولي حاجه عنها!!!

انا هقولك حاجة واحدة بس .. العربية ديه انقذت حياتي الاسبوع اللي فات :)

[Hany Saad]

الفلوانس عربية حلوة مفيش كلام و مفهاش اعطال معروفة زى الميجان و السيتروين لأن الفتيس و الموتور من نيسان

و ده موضوع مجمع فيه كل شىء عنها أكيد هيفيدك جداً:

http://www.nilemotors.net/Nile/441552-phase-1-a.html

تحياتى

[tito85]

عربية كويسة جدا ما شاء الله بس هتاخد وقت لحد ما تتعود عليها

[alfarame]

عايز رأيي أبعد عن الفلوانس و خليك فى الكيا
الكيا سيد كانوا عاملين تقرير عليها فى توب جير uk عربيه جميله، الكورى عامة عملى جدا و مفيهوش مشاكل ولا عيوب صناعه و تكييفها جميل و ناعمه ده غير الصيانه و قطع الغيار

انت معايا فلوانس عامله 40000 كم قرفت منها
سحبتها تقيله و تكييفها زباله و بتنتش فى غياراتها و قطع غيارها غاليه و ناس اشتكت من نقص الزيت و توكيلها سلبى جدا
اللى هيقولك كفايه أن دى اوروبى و دى كورى متسمعلوش خالص
انا لو رجع بيا الزمن مش هشتريها عمرى