غيرت موتور طرمبه البنزين و لسه العربيه بتقطع

[atchiano]

العربيه بعد مشوار الاقيها لما ادوس بنزين كاني مدوستش و Rpm مش بيزيد و احاول معاها مفيش ....بسس تفضل تهدي و متطفيش...اقف علي جنب و بعد كده اموور و افضل اعلي في البنزين و بعد كده امشي شويه و ترجع تاني....قالولي طرمبه غيرت موتور الطرمبه و بردو ما فيش فايده ....انا كنت لسه مغير فلتر بنزين قبل ما يحصل المشكله دي...ممكن يكون هو؟... ولا اغيير الطرمبه كلها زي ما التوكيل بيقولي...هو في حاجه ممكن تعطل فالطرمبه غير موتورها؟ ميجان 2005

[drshata]

انا كان بيحصل معايا نفس الاعراض دي وبرده قالولي الطرمبة بايظة بس روحت لواحد ميكانيكي قالي المبينة وغيرتها وبقت تمام
بس عربيتي لانوس

[loklok]

غالبا كويل فاصل مع السخونيه
افتح الكبوت بعد مشوار لوفي رجه في الموتور يبقي كويل

[Hany Saad]

العربيه بعد مشوار الاقيها لما ادوس بنزين كاني مدوستش و Rpm مش بيزيد و احاول معاها مفيش ....بسس تفضل تهدي و متطفيش...اقف علي جنب و بعد كده اموور و افضل اعلي في البنزين و بعد كده امشي شويه و ترجع تاني....قالولي طرمبه غيرت موتور الطرمبه و بردو ما فيش فايده ....انا كنت لسه مغير فلتر بنزين قبل ما يحصل المشكله دي...ممكن يكون هو؟... ولا اغيير الطرمبه كلها زي ما التوكيل بيقولي...هو في حاجه ممكن تعطل فالطرمبه غير موتورها؟ ميجان 2005

طبعاً الأسهل و الأرخص تغير الفلتر الأول لربما خانق مسار البنزين و ده حصل قريب مع عضو فاضل و غيره و الأمور أستقرت....

الطرمبة مفهاش غير قلب فقط و لكن بتفرق طرمبة عن التانية فى كمية الخرج output بتاعها...يعنى لو غيرت بقلب ضعيف أو أقل فى خرج البنزين من اللى كانت موجودة فيها هيحصل كده

لا أعتقد كويلات لأن الكويلات (الموبينة) بتخلى العربية تنتش و تقطع و صوت الموتور يبرجل و لكن من الأعراض اللى حضرتك وصفتها أن ال rpm بينزل و مش بيتأثر بدوسة البنزين....فده بيأكد أن دى أعراض بنزين

- فلتر بنزين أو طرمبة بنزين أو حساس بدال البنزين

تحياتى

[fepsceasar]

هاوسينج الطرمبة مهم وفى شيك بلف برضو في الطرمبة

[atchiano]

والله يا باشمهندس انا غيرت الطرمبه كلها ولسه المشكله موجوده .....اخر امل اني اغيير فلتر البنزين و اشوف حساس البنزين

[demonarundo]

غير البوجيهات , وشيك على الموبينة وكابلاتها

[proff]

افصل فيشه حساس التكييف و جرب

[atchiano]

يا جماعه انا دلوقتي غيرت موتور طرمبه و المشكله لسه موجوده
غيرت الطرمبه كلها بواحده جديده و بردو لسه المشكله موجوده
كنت مغيير من اسبوع فلتر البنزين و لسه بردو المشكله موجوده
لاني سعات بشوف الrpm علي السيلانسيه بيلعب تحت ال1 و يفضل ينزل لغايت ما قبل العربيه ما تبطل و بعد كده يترفع تاني لغايه تحت الواحد بشرطه فقلت دي اعراض بوابه فغيرتها بواحده استيراد و برضو المشكله لسه موجوده.

مفضلش غير حساس بدال البنزين او كويلات مع ان الميكانيكي بياكدلي انها مش كويلات.

[proff]

يا جماعه انا دلوقتي غيرت موتور طرمبه و المشكله لسه موجوده
غيرت الطرمبه كلها بواحده جديده و بردو لسه المشكله موجوده
كنت مغيير من اسبوع فلتر البنزين و لسه بردو المشكله موجوده
لاني سعات بشوف الrpm علي السيلانسيه بيلعب تحت ال1 و يفضل ينزل لغايت ما قبل العربيه ما تبطل و بعد كده يترفع تاني لغايه تحت الواحد بشرطه فقلت دي اعراض بوابه فغيرتها بواحده استيراد و برضو المشكله لسه موجوده.

مفضلش غير حساس بدال البنزين او كويلات مع ان الميكانيكي بياكدلي انها مش كويلات.

مش هتخسر حاجه لو فصلت فيشه حساس التكييف و جرب
يمكن تدعيلي