رينو فلوانس خليجي من الحجاز موتورز

[tamnt]

حد شاف إعلان رينو فلوانس اللي موجود على صفحة الحجاز اوتوموبيل
انا كلمتهم زي انهاردة قالولي الفئة الاولى خليجي ذي بتاعت الوكيل ب ١٣٩٠٠٠ بس..
ايه رأيوكوا في الموضوع ده؟

[tamnt]

نسيت اقولوكوا انها تقفيل كوري مش تركي.

[hany2]

أنا كنت النهاردة في شركة برضه وقالوا ب 140 بس مش فيها كمبيوتر ولا فوج لايتس، العجل 16 طاسات. المالتي فنكشن في الدركسيون من ورا زي العربيات الفرنساوي مش في التارة زي المصري. أكيد التقفيل الكوري احسن من التركي. بس الله أعلم هل هيكون في مشكلة في قطع الغيار ولا ايه!

[محمد مجدي 22]

هي سعرها كدة ممتاز
بس بتبقي اوتوماتيك ولا مانيول
و اية عيوب السيارة
لان لو السيارة مفيهاش عيوب مؤثرة تبقي ممتازة و ممكن لو نزلو عروض بالجرايد و الفيس بالاسعار دية
ممكن تكتسح السوق
و ارجو معرفة اية عيوب الفلوينس

[hany2]

هي اوتوماتيك زي فئة e2 بس من غير فوجات والمالتي بجوار دراع رشاش المية بتاع الزجاج مش في التارة نفسها. وما فيش فيها كمبيوتر زي اللي بتنزل مصر. يا ريت لو حد مالكها في الخليج يقول لينا أخبارها ايه.

[yasser100]

أنا كنت النهاردة في شركة برضه وقالوا ب 140 بس مش فيها كمبيوتر ولا فوج لايتس، العجل 16 طاسات. المالتي فنكشن في الدركسيون من ورا زي العربيات الفرنساوي مش في التارة زي المصري. أكيد التقفيل الكوري احسن من التركي. بس الله أعلم هل هيكون في مشكلة في قطع الغيار ولا ايه!

ال multi function فى اللى بتنزل مصر من ساعة الفلوينس ما نزلت ورا الدريكسيون .
التقغيل التركى احسن ﻻته مصنع رينو قديم جدا من 40 سنه و بينزل تقفيله لاوروبا كمان مصنع كوريا جديد نسبيا فى الرينو لانه مصنع سامسونج و رينو اشتريته من فتره قريبه .

[hany2]

ال multi function فى اللى بتنزل مصر من ساعة الفلوينس ما نزلت ورا الدريكسيون .
التقغيل التركى احسن ﻻته مصنع رينو قديم جدا من 40 سنه و بينزل تقفيله لاوروبا كمان مصنع كوريا جديد نسبيا فى الرينو لانه مصنع سامسونج و رينو اشتريته من فتره قريبه .

شكرا أستاذ ياسر
يعني كده في فرق فعلا بين العربيتين مقابل ال 18 ألف! يعني كده الخليجي ناقصه ضمان ومثبت سرعة وفوجات وكمبيوتر ومسند أمامي وكمان شكل التارة مش حلو زي المصري. يبقى كده مش ما فيش أي معنى لفرق ال 18 ألف. غير إن التقفيل التركي أفضل زي ما حضرتك أفدت!
يبقى أعتقد كده الخليجي مش مميز ولا حاجة! ولا ايه رأي حضرتك؟

[yasser100]

شكرا أستاذ ياسر
يعني كده في فرق فعلا بين العربيتين مقابل ال 18 ألف! يعني كده الخليجي ناقصه ضمان ومثبت سرعة وفوجات وكمبيوتر ومسند أمامي وكمان شكل التارة مش حلو زي المصري. يبقى كده مش ما فيش أي معنى لفرق ال 18 ألف. غير إن التقفيل التركي أفضل زي ما حضرتك أفدت!
يبقى أعتقد كده الخليجي مش مميز ولا حاجة! ولا ايه رأي حضرتك؟

ما هو فعلا مش مميز و مش منتشر فى مصر خالص فى الفلوينس .