عظيمة يا كليو

[madomony]

بناء على ما قرأته في منتادكم الكريم قررت شراء كليو 2003 نصف كماليات و الحق انني اشعر بفرق واضح في كل شئ و عرفت عن حق ما الفرق بين الكوري و الاوربي
انا كنت راكب اكسيل 98 كاملة اوتوماتيك و الفرق شاسع عارفين ايه احسن عربية نزلتها كوريا؟؟؟؟؟؟؟؟؟؟ دايو ماتيز!!!
انا شاكر ليكم جدا و حتى لو اسعار قطع الغيار و الصيانة غالية فانت بتعملها كل قد ايه و الله مافيش ارخص من قطع غيار الاكسيل و انا صارف عليها في سنة حوالي 1500 و سايبها عفشة رايحة في داهية رغم اني مغير مقصات و كابالن.
يبقى عمر قطع غيار الكليو ماتبقى غالية و لا ايه رايكم و مش حاتكلم عن الفيرنا و لا اللانوس لان اكيد انتو عارفين.اتمنى ان كل واحد يقرا الموضوع ده يعرف ان في فرق كبير بين الكوري و الاوربي
مرة تانية الف شكر و دايما في خير و راكبين رينو.

[Eslam_A]

الف مبروك علي العربية وربنا يباركلك فيها

اخيار موفق بإذن الله

انا معايا كليو من 2001 والعربية الحمد لله ممتازة

المهم انك تحافظ عليها وتعمل الصيانات الدورية

[Ahmed Selim]

ألف مبروك

ربنا يديك خيرها ويكفيك شرها

العربية فعلآ أحسن من الكورى اللى زيها.....أو على الأقل أحسن من الأكسنت اللى مع مراتى :(

[madomony]

شكرا ياباشا على المرور و الرد
انا طالب ان الموضوع ده يكون توعية للناس علشان يفوقوا من وهم الكوري و يا ريت الاعضاء الكرام و المشرفين يساعدوني

[tamer_samy]

الف مبروك
ان شاء الله ربنا يديك خيرها و يكفيك شرها و يباركلك فيها
وادي الوحوش زادو كمان وحش و مبروك عليك اللقب

[madomony]

ده شئ يشرفني اني ابقى واحد من الوحوش و افضل كده دايما مع الوحوش

[Ahmed Selim]

شكرا ياباشا على المرور و الرد
انا طالب ان الموضوع ده يكون توعية للناس علشان يفوقوا من وهم الكوري و يا ريت الاعضاء الكرام و المشرفين يساعدوني

بص يا سيدى الفاضل.......لولا أختلاف الأذواق لبارت السلع.....ولا أيه

أنت كل اللى تقدر تعمله أنك تنصح نصيحة لوجه الله.......والله عجبت حد كان بها....معجبتهوش يبقى كل واحد ينام على الجنب اللى يريحه......أكتر من كده أنا شايف أن ملهاش لازمة عشان فى ناس بتفسرها على أنها تحيز لعربيتك مش نصيحة.

و مبروك مرة تانية

[madomony]

ياباشا انت تامر بس انا واحد كنت مقتنع تماما بالكوري ركبت ماتيز لانوس اكسيل لكن في فرق ولو اني مادخلتش منتادكم الكريم كان زماني راكب كوري برضه فنفسي الناس كلها تستفيد زي ما انا استفدت مرة تاني رايك ممتاز و المهم ان انا بقيت من الوحوش وبلاش نزعل حد مننا شكرا على مرورك و ردك الكريم

[Michael_Lanos]

عاوزينك تشد مع لانوس ولا فيرنا وتفرجنا يا باشا على الحلاوه

[Ahmed Selim]

يا مايكل باشا.....أولاً العربية دى 1200 أو 1400 سى سى....و اللانوس أو الفيرنا 1500 و 1600....يعنى المفروض أنهم يطلعوا.....و خصوصاً الفيرنا.......سحبها هايل بصراحة.

بس الغرض من موضوعه مش الشد.....جرب بس أنت تسوق حاجة أوروبى وقولى رأيك.....هتلاقيها موضوع تانى غير الكورى و معظم اليابانى......و فى الأخر كل نوع وليه مميزاته وعيوبه

[Michael_Lanos]

الفرنساوى محترم جدا جدا

يا مايكل باشا.....أولاً العربية دى 1200 أو 1400 سى سى....و اللانوس أو الفيرنا 1500 و 1600....يعنى المفروض أنهم يطلعوا.....و خصوصاً الفيرنا.......سحبها هايل بصراحة.

بس الغرض من موضوعه مش الشد.....جرب بس أنت تسوق حاجة أوروبى وقولى رأيك.....هتلاقيها موضوع تانى غير الكورى و معظم اليابانى......و فى الأخر كل نوع وليه مميزاته وعيوبه

يا باشا الفرنساوى محترم جدا جدا وده مش محتاج كلام انا بعاكسك بس، على فكره انا بحب الفرنساوى وخصوصا الكليو وال 206

[Ahmed Selim]

ماشى يا باشا

معاكسة بمعاكسة بأه.........ما تيجى تشد معايا :d

[amirhamed]

الف مبروك علي العربية وربنا يباركلك فيهاربنا يديك خيرها و يكفيك شرها

[Mohd_Adel_Amin]

ربنا يباركلك فيها يا رب .. وان شاء الله هتعيشك أحلى أيام وانتى معاها وهتدعي لكل الوحوش اللي شجعوك علشان تشتريها ..
بس اهم حاجة تعرفها عن العربية دهية انها عربية رائعة وقوية وحمولة بس بشرط انك تديلها حقها في الصيانة الدورية وبس لا أكثر ولا أقل .. علشان متزعلش منك !!

[Ramy_Tantawi]

الف مبروك يا باشا العربيه ربنا يباركلك فيها ويكفيك شرها ان شاء الله ويا رب تفضل مقتنع بيها ومستمتع بيها على طول ان شاء الله ومبروك علينا وحش .

تحياتي أخي الكريم ,,,,,,