الي ملاك Sandero stepWay رأيكم في السيارة

[omardinhooo]

انا محتار سانديرو ستيب واي اوتوماتيك ولا نيسان صني اوتوماتيك

عجباني الستيب واي الشكل و الكماليات يالنسبة للسعر و الارتفاع عن الارض بس مخوفني مش منتشرة و مش شعبية


النيسان صني طبعا في كل مكان و معروفة لكن تقليدية


اية رأي حضراتكوا من ناحية
1- الثبات علي الطريق و استهلاك الينزين
2- توافر قطع الغيار و حد بيفهم في العربية هل هي معقدة ولا مش هتسبب مشكلة
3- هل فيها عيوب


و شكرا

[mif]

انا محتار سانديرو ستيب واي اوتوماتيك ولا نيسان صني اوتوماتيك

عجباني الستيب واي الشكل و الكماليات يالنسبة للسعر و الارتفاع عن الارض بس مخوفني مش منتشرة و مش شعبية


النيسان صني طبعا في كل مكان و معروفة لكن تقليدية


اية رأي حضراتكوا من ناحية
1- الثبات علي الطريق و استهلاك الينزين
الاثنين ثبات ضايع جدا جدا ... يعنى عربيات 70s و 80s احسن فى الثبات بمراحل
الاثنين اعلى استهلاك فى بنزين فى فءة ال 1600
2- توافر قطع الغيار و حد بيفهم في العربية هل هي معقدة ولا مش هتسبب مشكلة
قطع غيار الاثنين اسعارهم مبالغة جدا جدا بالنسبة لكونهم سيارات المفروض اقتصادية
سانديرو قطع غيار نادرة و غالية جدا عليها
الاثنين مش عقدين على العكس بيتخدموا تكنولوجا موجودة من سنين طويلة
3- هل فيها عيوب
صنى عيوب صناعة و تصميم سببها ان الشركة كانت عايوة تخليها اكثر اقتصادية
سانديرو عيوب فى اداء و كماليات السيارة ... مش مريحة

لو بتفاضل بين الاثنين يبقى صنى و بلاش تجري بيها لان مكنتها حلوة مغرية للجري بس العربية مش بتستحمل الجري و الثباتها بيضيع بالجري
و علشان اصحابها حيطلعوا يهاجموا و يقولوا فيها abs وايرباج و امان ... كله دا مايسواش اى حاجة لان العربيات بتنزل بيعيب فى منطومة الفرامل و تيل فرامل ردىء رغم ثمنه المعدي 600فى التوكيل

الاثنين سعرهم مبالغ كسيارات اقتصادية و علشان برده محدش يوهمك لا صنى يابانى و لا سانديرو فرنساوى
سانديرو تجميع المغرب و بتجي بتفيض كبير فى الجمارك
صنى بتيجي من دولة اسيوية

و الاثنين صناعة الاتحاد العالمى للسيارات رينو-نيسان-افتوفاز و متصنعين كسيارات اقتصادية رخيصة



و شكرا

[omardinhooo]

كلام جميل
حضرتك تنصحني بأية عربية لا تزيد باقصي تقدير عن 130 الف جنية اقتصادية و مفهاش العيوب دي و ياريت حضرتك متقوليش افيو عشان معايا اوبترا هاحس اني نزلت لتحت مش طورت و جبت حاجة افضل :)

[scientist9508]

اول سياره مقنعه من وجهة نظرى تبدا ب 140،000 جنيه و هى السيات توليد 2016

[mif]

كلام جميل
حضرتك تنصحني بأية عربية لا تزيد باقصي تقدير عن 130 الف جنية اقتصادية و مفهاش العيوب دي و ياريت حضرتك متقوليش افيو عشان معايا اوبترا هاحس اني نزلت لتحت مش طورت و جبت حاجة افضل :)

عايز تركب هاتش باك ولا سيدان ولا حاجة تانية
لازم اوتوماتيك و لا ممكن مانيوال
عايز عربية توفر بنزين ولا مش فارقة

[omardinhooo]

الشرط الاساسي اوتوماتيك سيدان افضل :)