رينو ميجان 2016 وحاجه غريبه!!

[ahmed azaizy]

الحمد لله النهارده بنضم لملاك الرينو الممتازه ,, اشتريت ميجان بلاى 2016
كان معايا قبلها جولف 5 موديل 2005 ,, تعبت اوى عشان اعرف اركب عربيه محترمه زى الالمانى فى فئه الـ170 الف بس الحمد لله بعد الاستخاره اختارت الميجان الجديده
بس فى حاجتين مش فاهمهم !!!
1- العربيه سحبها ضعيف شويه فى الاول ومردتش اقرص عليها عشان لسه جديده لكن المفروض انها رياضيه مش زى الفلوانس عائليه!! بعد سرعه الـ50 السحب كويس لكن قبل كده صوت الموتور اعلى من السرعه
2- لما بقف على d بحس ساعات بتكه او حركه فى الفتيس كأنه جاب n مثلا لكن هى على نفس الوضع!!
انا كنت مبسوط اوى انى خلصت من المستعمل عشان العيوب ,, يا رب ميكونش فيها حاجه تزعلنى منها
ياريت خبراء الرينو يفيدونى بالذات انى اول مره اركب فرنساوى وفى حاجات كتير مش فاهمها

[Nfs Rivals]

مش فاهم قصدك عشان اساعدك ياباشا
اية المشكلة اﻻن

[scientist9508]

بسم الله الرحمن الرحيم

اخى الفاضل

عفواً. . . . و لكن المعلومه التى لدى ان الميجان 2016 لم تصل مصر بعد و هى مختلفه شكلاً و مضموناً عن كل الموديلات السابقه لها وليس لها اى شبيه فى السوق المصرى الان. تستطيع زيارة موقع
Cars - All Makes. All Models. - NetCarShow.com

لمشاهدة صورها

ان كان لدى شى من الخطا فارجو التوضيح

السلام عليكم و رحمة الله و بركاته

[ahmed azaizy]

مش فاهم قصدك عشان اساعدك ياباشا
اية المشكلة اﻻن

المشكله حضرتك ان الفتيس بتحس فيه بحركه كده لما بقف على وضع الـd كأنك جبت n وده مش طبيعى اصلا
والمشكله التانيه ان سحب العربيه ضعيف مع العلم انها سياره رياضيه مش زى الفلوانس عائليه وكبيره وتقيله !!
هل الحاجات دى طبيعيه ولا انا عربيتى فيها مشكله؟؟

[ahmed azaizy]

بسم الله الرحمن الرحيم

اخى الفاضل

عفواً. . . . و لكن المعلومه التى لدى ان الميجان 2016 لم تصل مصر بعد و هى مختلفه شكلاً و مضموناً عن كل الموديلات السابقه لها وليس لها اى شبيه فى السوق المصرى الان. تستطيع زيارة موقع
cars - all makes. All models. - netcarshow.com

لمشاهدة صورها

ان كان لدى شى من الخطا فارجو التوضيح

السلام عليكم و رحمة الله و بركاته

استاذى المحترم حضرتك صح مش غلط
هى العربيه موديل 2015 المعروفه لكن خطاب المرور مكتوب 2016 والترخيص بعد العيد ان شاء الله هيكون مكتوب 2016
اللى حضرتك بتتكلم عليها دى اللى كانت فى معرض فرانكفورت هتنزل شهر 2 القادم ان شاء الله وهيبقى فى السوق ما يسمى بـ ميجان 2016 الشكل القديم اللى هى بتاعتى .. وميجان الشكل الجديد اللى حضرتك بتتكلم عنها والاتنين فى الرخصه 2016
ياريت لو عند حضرتك معلومه تفيدنى لأنى بدأت اقلق من العربيه هل ده طبيعى ولا انا عندى كده مشكله؟؟ علمآ بأن عربيتى هى نفس الفلوانس لكن هاتش باك

[medo 2015]

الحمد لله النهارده بنضم لملاك الرينو الممتازه ,, اشتريت ميجان بلاى 2016
كان معايا قبلها جولف 5 موديل 2005 ,, تعبت اوى عشان اعرف اركب عربيه محترمه زى الالمانى فى فئه الـ170 الف بس الحمد لله بعد الاستخاره اختارت الميجان الجديده
بس فى حاجتين مش فاهمهم !!!
1- العربيه سحبها ضعيف شويه فى الاول ومردتش اقرص عليها عشان لسه جديده لكن المفروض انها رياضيه مش زى الفلوانس عائليه!! بعد سرعه الـ50 السحب كويس لكن قبل كده صوت الموتور اعلى من السرعه
2- لما بقف على d بحس ساعات بتكه او حركه فى الفتيس كأنه جاب n مثلا لكن هى على نفس الوضع!!
انا كنت مبسوط اوى انى خلصت من المستعمل عشان العيوب ,, يا رب ميكونش فيها حاجه تزعلنى منها
ياريت خبراء الرينو يفيدونى بالذات انى اول مره اركب فرنساوى وفى حاجات كتير مش فاهمها

اولا الف مبروك وربنا يديك خيرها ويكفيك شرها
ثانياً موضوع السحب طبيعي جدآ لأن السيارات المواصفات الأوروبية كلها أو غالبيتهم كده لأنها بتبقى تقيله وبعدين صوت الموتور هيهدي بعد ال 1000 كم لأنك لسه بتلين وبعدين حضرتك نازل من جولف يعني اكيد هتحس بفرق السحب جامد والهدوء
ثالثا موضوع الفتيس دي اوبشن ولو انا غلطان الأساتذة يعرفوني نازل في بعض السيارات الجديده لما بتقف بيفصل الحرك ةاوتوماتيك عشان بيحافظ على سلامة الفتيس والقواعد والشدادات؛؛؛ الخ
وشكرآ

[ahmed azaizy]

اولا الف مبروك وربنا يديك خيرها ويكفيك شرها
ثانياً موضوع السحب طبيعي جدآ لأن السيارات المواصفات الأوروبية كلها أو غالبيتهم كده لأنها بتبقى تقيله وبعدين صوت الموتور هيهدي بعد ال 1000 كم لأنك لسه بتلين وبعدين حضرتك نازل من جولف يعني اكيد هتحس بفرق السحب جامد والهدوء
ثالثا موضوع الفتيس دي اوبشن ولو انا غلطان الأساتذة يعرفوني نازل في بعض السيارات الجديده لما بتقف بيفصل الحرك ةاوتوماتيك عشان بيحافظ على سلامة الفتيس والقواعد والشدادات؛؛؛ الخ
وشكرآ

اشكرك على ردك واهتمامك
فعلا انا بدأت اتأقلم على سحب العربيه بالذات انى مش بقرص عليها خالص عشان التليين
اما بخصوص الفتيس انا مشوفتش حد هنا خالص اتكلم عن الموضوع ده مع انى اؤكد ليك ان العربيه بتفصل فعلا النقله لما بتقف للحمايه

[Colin Chapman]

اشكرك على ردك واهتمامك
فعلا انا بدأت اتأقلم على سحب العربيه بالذات انى مش بقرص عليها خالص عشان التليين
اما بخصوص الفتيس انا مشوفتش حد هنا خالص اتكلم عن الموضوع ده مع انى اؤكد ليك ان العربيه بتفصل فعلا النقله لما بتقف للحمايه

مبررررررررررررررررووووووووووووووكككككككككككككككككك ك

[ahmed azaizy]

الله يبارك فيك يا باشا

[ahmedbasto]

السحب وصوت الموتور بلاش نحكم عليهم دلوقتى لأن العربية لسه بتلين بعد تغيير الزيت فى صيانة الألف هتحس بفرق فى العربية
موضوع الفتيس بصراحة مش فاهم قصد حضرتك
بس عموما ربنا يبارك لحضرتك فيها ويكفيك شرها عربية محترمة جدا

[Nfs Rivals]

الحمد لله النهارده بنضم لملاك الرينو الممتازه ,, اشتريت ميجان بلاى 2016
كان معايا قبلها جولف 5 موديل 2005 ,, تعبت اوى عشان اعرف اركب عربيه محترمه زى الالمانى فى فئه الـ170 الف بس الحمد لله بعد الاستخاره اختارت الميجان الجديده

مبروك ياسبدى


بس فى حاجتين مش فاهمهم !!!
1- العربيه سحبها ضعيف شويه فى الاول ومردتش اقرص عليها عشان لسه جديده لكن المفروض انها رياضيه مش زى الفلوانس عائليه!!

يابيه دة عادى جدا طالما العربية مش عدت ال اﻻف كم.. وكدة بتلين زى ما الشباب جاوبو.. ودة العادى في العجل اﻻوروبي.. مش بيشب زى الكورى واليابانى
مهو كل حاجة وليها حاجة معلش

بعد سرعه الـ50 السحب كويس
طب كويس الحمدلله

لكن قبل كده صوت الموتور اعلى من السرعة

معلش اتأقلم.. اتعامل على كدة مش مشكلة


2- لما بقف على d بحس ساعات بتكه او حركه فى الفتيس كأنه جاب n مثلا لكن هى على نفس الوضع!!

خد بالك دة كوبس وتقنيا كدة الفتيس بيحافظ على نفسه ذاتيا.. منه لنفسه يعنى


انا كنت مبسوط اوى انى خلصت من المستعمل عشان العيوب
ﻻ انت كدة احسن

يا رب ميكونش فيها حاجه تزعلنى منها
يا ببه انت راكب زيرو.. ربنا يباركلك ويفرحك بيها قول امين
هو ميعيبش الفرنساوى والزيرو اﻻﻻ قدر الله في اى ق غيار فالشراء

ياريت خبراء الرينو يفيدونى بالذات انى اول مره اركب فرنساوى وفى حاجات كتير مش فاهمها

زى ايه نانى ياباشا..؟

قول واستفسر مش هنبخل عليك

نورتنا : )

[ahmed azaizy]

السحب وصوت الموتور بلاش نحكم عليهم دلوقتى لأن العربية لسه بتلين بعد تغيير الزيت فى صيانة الألف هتحس بفرق فى العربية
موضوع الفتيس بصراحة مش فاهم قصد حضرتك
بس عموما ربنا يبارك لحضرتك فيها ويكفيك شرها عربية محترمة جدا

فعلا انا منتظر بعد 1000 كيلو وانا كمان محافظ جدا على التعامل معاها فى الفتره دى والـ rpm مش بيوصل لحد 3 ابدا
بس حضرتك بتقول فى التعليق (بعد تغيير الزيت فى صيانه الالف) هى اول صيانه للرينو الف ولا خمسه؟؟
عشان المعرض قال خمسه!!

[ahmed azaizy]

زى ايه نانى ياباشا..؟

قول واستفسر مش هنبخل عليك

نورتنا : )

ربنا يخليك انا متشكر ليك جدا على الافاده والمعلومات الموثوق فيها دى
هو بس سؤال بسيط : العربيه دى موتور وفتيس الفلوانس .. لكن سألت ملاك فلوانس كتير عن موضوع الحمايه فى الفتيس ده قالولى مش موجود عندهم!!
هل ده نظام فى الميجان فقط؟؟ ولا ميجان وفلوانس موديلات 2016؟