توكيل رينو فرع مدينة العبور

[ERCO]

السلام عليكم ورحمة الله وبركاته
كنت عاوزة اعرف ازاى اروح التوكيل من نفق العبور وأقرب محطة بنزين للتوكيل لأنى إن شاء الله هاستلم العربية والمفروض اطلع من التوكيل على أقرب محطة بنزين شكرآ

[scientist9508]

بسم الله الرحمن الرحيم

أختى الفاضله

بارك الله لك فيما رزقك و منحك كل خيرها و كف عنك كل أذاها.

أولآ : كيفية الوصول لتوكيل العبور

1 - بعد الخروج من نفق العبور إلى داخل مدينة العبور أكملى المسر حتى يكون كارفور على يدك اليمنى

2 - فور رؤيتك كارفور على يدك اليمنى إلزمى اليسار إستعدادآ للدخول على صينية الدوران

3 - إدخلى الصينيه و دورى معها فى الإتجاه كما لو كنت خارجه من مدينة العبور و متوجهه إلى موقف العاشر

4 - الآن أنت خرجت من الصينيه و متجه إلى موقف العاشر

5 - إبحثى عن أول يمين و تأكدى أنه مدخل المنطقه الصناعيه

6 - فور دخولك للمنطقه الصناعيه فقط و بكل بساطه تابعى يفط الإعلان لأنها عليها إتجاهات الوصول للوكيل

ثانيآ: عن أقرب محطة وقود

1 - لا توجد محطة وقود قريبه فعليآ و لكن أقرب محطتين كما أتذكر.
الأولى: محطة التعاون و هى داخل مدينة العبور قرب مساكن الشباب (على نفس الطريق الذى تدخليمن منه مدينة العبور من نفق العبور)
الثانيه:بعد خروجك من النفق فى الإتجاه إلى موقف العاشر (ولكن بمسافه توجد محطة وقود)

2 - أنصحك بأذن 10 لتر وقود فى جركن إن إستطعت ذلك و لكنى تأكدى تمامآ من نظافة الجركن الشديده قبل تعبئته بالوقود. فى ظل أزمة الوقود الحاليه لا شىء مضمون

هداك الله لأرشد أمرك و أقومه

السلام عليكم ورحمة الله و بركاته

[broadband]

يوجد محطتين بنزين اول ما تخرج من العبور على طريق مصر اسماعيلية الصحراوى .... محطة موبيل (مستخبية ورا نهاية سوق العبور) و التانية توتال بعد ما تخلص البطئ بحوالى 300 متر تقريبا

مفيش قلق لان المسافة من التوكيل لاى محطة من دول مش حتخلى التنك يفضى

[wael30003]

طبعا مش اى اضافه بعد اضافات السادة الاعضاء ....مبروك عليكى .....ويعطيكى خيرها ويكفيكى شرها ..على فكره ليها فرحة كبيرة او ما تستلميها

[eng_a3del]

نصيجه ابعدي عن توكيل العبور في واحد هناك مدير الاستقبال اسمه محمد بهجت لا عنده ذمة ولا ضمير عن تجربة