ندااااء : عايزين نرفع سعر الميجان فى السوق المصري

[medo 2015]

الى كل الميجانويه عايزين نرفع سعر العربيه فى مصر يعنى اى حد معاه ميجان وبيبيع مش لازم يعنى يرميها ببلاش دى فى ناس والله بتبيع ارخص من الكليو العربيه فيها اوبشن عالى جدا وثبات وتكنولوجيا ومتتقارنش باى عربيه فى الاسعار من 70000 الى 90000 قطع غيارها وبقت متوفره فى كل مكان وارخص من اليابانى والكورى كمان ميكانيكيه ومغرقين صقر والحرفيين يعنى ايه اللى ناقص
انا عاجبنى بتوع المازدا3 والله رجاله المازدا اللى كانت ب60000 دلوقتى اقل حاجه 85000 وفى حاجات بتعدى ال100000 عشان مسكوا على سعر البيع ودى امر طبيعى العربيه انت جايبها فى 2007 ب142000 ج وكان الدولار ب5ج يعنى حوالى 28000 دولار (الوكيل بيجيب بالدولار طبعا) يعنى الخامات والامكانيات اللى كانت محطوطه فيها دلوقتى تساوى 224000 ج واحنا بنبيع ب50000 ج والله عيب واللى جايب كورولا ودافع نص مااحنا دافعين بيبيع دلوقتى ب130000ج والله حرام وماتتقارنش خالص ولا امان ولا ثبات ولا اى حاجه احنا لازم نعرف قيمه العربيه احنا راكبين عربيه لحد دلوقتى الاساتذه اللى فى المنتدى بيكتشفوا فيها حاجات ومحدش يقوللى الاعتماديه اقل والكلام ده اللى بيشترى عارف ومع ذلك دفع المبلغ ده مقابل راحه وامان وفخامه ....الخ الخ ......انا عارف ان انا فى اكبر منتدى فى مصر وعشان كده انا تاعب نفسى فى الكتابه هنا عشان انا لاقيت على المنتدى ده ناس كتير بتفهم عايزين نرفع قيمه العربيه شويه دى الصينى بقى اغلى منها .
اسف على الاطاله بس بجد انا دمى محروق من الناس الللى بتفخس بالعربيه دى الارض وشكرا

[ibrahim sallam]

كان الاولى بك تنادي برخص السيارات الاخرى

بدل ما تطلب الناس برفع اسعار سيارتهم الميجان

[Hany Saad]

أنا بعت عربيتى الميجان موديل ٢٠٠٦ اول فئة اتوماتيك عاملة ٨٠ الف كم سنة ٢٠١٤ بسعر ٧٥ الف جنيه مصرى و مردتش انزل جنيه واحد....الناس قالتلى العربية دى توبها ٥٥ الف و انا اتمكست بالسعر بتاعى و اللى اشترى كان غاوى و فاهم هو بيشترى ايه و لغاية دلوقتى بيشكرنى على العربية.....بس للأمانة العربية كانت حالة شاذة و بوية فابريكة و صيانة توكيل

تحياتى

[Super_Star_h]

لا ولسه هيقع اكتر مع مرور الزمن
عربيه اتهرشت خلاص انها كلها مشاكل وحوارات
السوق بتاعنا مش اهبل ولا حاجه
الكرورلا لمؤخده حماره شغل وعربيه نعمه وتكييف تلاجه
قليله الاعطال سهله الصيانه وكله شغال فيها
عربيه هتدور وتبطل
لمؤخذه الرفاهيه دى وفتحت السقف والاويشنات اللى فى الميجان ولا ليها اي لزمه وقت ما العربيه تقرفك

[albasha]

لا ولسه هيقع اكتر مع مرور الزمن
عربيه اتهرشت خلاص انها كلها مشاكل وحوارات
السوق بتاعنا مش اهبل ولا حاجه
الكرورلا لمؤخده حماره شغل وعربيه نعمه وتكييف تلاجه
قليله الاعطال سهله الصيانه وكله شغال فيها
عربيه هتدور وتبطل
لمؤخذه الرفاهيه دى وفتحت السقف والاويشنات اللى فى الميجان ولا ليها اي لزمه وقت ما العربيه تقرفك

بعيداً عن الموضوع لأن الموضوع عرض وطلب وده حال عربيات كتير في مصر يعني مثلاً الجيتا والباسات بص علي أسعارهم وانت تعرف المالك الأول خسر كام شوف كمان الفولفو و السوبارو وبرضه شوف المالك الأول بيخسر إزاي
يا سيدي الفاضل السوق المصري بلا مقاييس لو حسبت سعر بيع الفرنا واللانوس فرق السعر تلاقيه كسبان عن سعر التويوتا هل ده مقياس
ان العربيه اتهرشت وبقت بتاعت حوارات انا كان معايا كليو وفضلت معايا سبع سنين عربيه فوق الممتازه ولما بعتها مبعتهاش زي ما واحد تاني معاه فرنا مع الفارق في الثبات وقطع الغيار اللي فعلاً متوافره في كل مكان عمري ما سألت علي حاجه ليها وتعبت فيها
اشتريت ميجان من حبي للكليو ( لإن الأولاد بدأوا يكبروا فكان لابد من التغيير)
الفارق بين السيارتين رهيب حقيقي لما غيرت حسيت إني ركبت عربيه ملهاش حل ( علماً بإني عشت في السعوديه فتره كبيره وجربت عربيات ملهاش حصر )
اما موضوع ان الكورولا لا مؤاخذه حمارة شغل فده موضوع نسبي يعني واحد محافظ علي عربيته وواحد تاني ماشي بيها كده زي ما تيجي تغيير زيت وبنزين و بس و ممكن كمان تشوف الالنترا وكمان السيراتو مع كامل أحترامي لكل هذه السيارات لكن صعب أوي أركب عربيه في الفئه دي وتيجي جنبي عربيه نقل تقيل أحس إن العربيه بتتنقل للحاره التانيه دي حاجه ملهاش علاقه بالثبات بالمره دي حاجه ليها علاقه بالأمان
ولو علي مقاييس السوق المصري الناس كلها هتركب فرنا
أي عربيه في الدنيا أهملت صيانتها هتقرفك
أي عربيه في الدنيا حافظت علي صيانتها هتحافظ عليك

[fepsceasar]

أؤيد راي صاحب الموضوع ..صيانة العربية وقطع الغيار بقوا مغرقين الدنيا
وما فيش حجة لنزول اسعارها..وعلى فكرة الميجان احيانا كتيرة قبل ما تقف تلاقيها ادت تحذيرات ..في ناس بتفهمها (ومش عايز اصنف الناس) وفي ناس تتجاهلها واهى ماشية وفى الاخر يقولك هي بتقف ليه. لو قدر الامكان محافظ على الصيانة ونظافة قطع الغيار يبقى قلقك اقل ..وربنا يسترها مع الجميع.
ولو راكب اى ماركة وانت مهمل يها لا تلوم الا نفسك ولو اى موديل انت بتعمله صيانة فده فايدته راجعة ليك برضو

[fepsceasar]

كان الاولى بك تنادي برخص السيارات الاخرى

بدل ما تطلب الناس برفع اسعار سيارتهم الميجان

يعني هو هينادي برخص السيارات التانية تقوم ترخص.. حضرتك شوف الجديد ما فيش عربية تتركب اقل من 160 الف ..واللى كانت الناس بتقول عليه عربيات رخيصة عدى ال 100 الف
والعربيات اللى في فئة الميجان جديد معدية 200 و 250 مستريح
هو المقصود ان سعر العربية الميجان يبقى ماشى مع اسعار السوق ..فى الغلو والرخص
يا ريت ترخص ع الكل

[medo 2015]

لا ولسه هيقع اكتر مع مرور الزمن
عربيه اتهرشت خلاص انها كلها مشاكل وحوارات
السوق بتاعنا مش اهبل ولا حاجه
الكرورلا لمؤخده حماره شغل وعربيه نعمه وتكييف تلاجه
قليله الاعطال سهله الصيانه وكله شغال فيها
عربيه هتدور وتبطل
لمؤخذه الرفاهيه دى وفتحت السقف والاويشنات اللى فى الميجان ولا ليها اي لزمه وقت ما العربيه تقرفك

باشا والنبي قبل ماتتكلم عن العيوب شوف العربيه اللي انت مالكها صحابها بيقولوا عليها ايه الناس بتصوت عربية اسف يعنى زباله بتسخن في الصيف والشتاء وقطع غيارها نار تقريباً الميجان بنص التمن وشوف سعرها كام موديل 2001 بيعمل 70000 ومعلش يعني فى ميجان 2009 بالسعر ده وطبعا متقارنش فرق السما من الأرض عربيه كل الابشن اللي فيها تكييف وايه بي اس وكاسيت شرايط تقريباً وتابلوه شكله فقير جدا تحس انك راكب 131 فحرام أما الميجان بتعرف تعد لحد كام ،،،،،،، ؟فطبيعي انك تقول ان لسه تمنها هينزل تاني لأن اكيد دي امنيه انت بتتمناها عشان تجيب واحده وساعتها بس هتعرف يعني ايه ميجان وليه ملاكها بيحبوها ويدافعوا عنها وعلى فكره انا كنت راكب اوبل بس كانت الأولى ولما نزلت منها وركبت ميجان عرفت يعني ايه عربيه يعني انا مش بقولك كلام وخلاص

[medo 2015]

أؤيد راي صاحب الموضوع ..صيانة العربية وقطع الغيار بقوا مغرقين الدنيا
وما فيش حجة لنزول اسعارها..وعلى فكرة الميجان احيانا كتيرة قبل ما تقف تلاقيها ادت تحذيرات ..في ناس بتفهمها (ومش عايز اصنف الناس) وفي ناس تتجاهلها واهى ماشية وفى الاخر يقولك هي بتقف ليه. لو قدر الامكان محافظ على الصيانة ونظافة قطع الغيار يبقى قلقك اقل ..وربنا يسترها مع الجميع.
ولو راكب اى ماركة وانت مهمل يها لا تلوم الا نفسك ولو اى موديل انت بتعمله صيانة فده فايدته راجعة ليك برضو

كلامك مظبوط ياكبير وعلى فكره انا إكتشفت أن في ناس كتير عندها عقده ونفسنه من الميجان ومفكرين نفسهم راكبين عربيات فربنا يسترها علينا

[medo 2015]

يعني هو هينادي برخص السيارات التانية تقوم ترخص.. حضرتك شوف الجديد ما فيش عربية تتركب اقل من 160 الف ..واللى كانت الناس بتقول عليه عربيات رخيصة عدى ال 100 الف
والعربيات اللى في فئة الميجان جديد معدية 200 و 250 مستريح
هو المقصود ان سعر العربية الميجان يبقى ماشى مع اسعار السوق ..فى الغلو والرخص
يا ريت ترخص ع الكل

انت معلم

[medo 2015]

أنا بعت عربيتى الميجان موديل ٢٠٠٦ اول فئة اتوماتيك عاملة ٨٠ الف كم سنة ٢٠١٤ بسعر ٧٥ الف جنيه مصرى و مردتش انزل جنيه واحد....الناس قالتلى العربية دى توبها ٥٥ الف و انا اتمكست بالسعر بتاعى و اللى اشترى كان غاوى و فاهم هو بيشترى ايه و لغاية دلوقتى بيشكرنى على العربية.....بس للأمانة العربية كانت حالة شاذة و بوية فابريكة و صيانة توكيل

تحياتى

ربنا يكتر من امثالك يا باشا ويرزقك الاحسن منها

[medo 2015]

وبعدين الموضوع ده للميجانويه بس

[medo 2015]

بعيداً عن الموضوع لأن الموضوع عرض وطلب وده حال عربيات كتير في مصر يعني مثلاً الجيتا والباسات بص علي أسعارهم وانت تعرف المالك الأول خسر كام شوف كمان الفولفو و السوبارو وبرضه شوف المالك الأول بيخسر إزاي
يا سيدي الفاضل السوق المصري بلا مقاييس لو حسبت سعر بيع الفرنا واللانوس فرق السعر تلاقيه كسبان عن سعر التويوتا هل ده مقياس
ان العربيه اتهرشت وبقت بتاعت حوارات انا كان معايا كليو وفضلت معايا سبع سنين عربيه فوق الممتازه ولما بعتها مبعتهاش زي ما واحد تاني معاه فرنا مع الفارق في الثبات وقطع الغيار اللي فعلاً متوافره في كل مكان عمري ما سألت علي حاجه ليها وتعبت فيها
اشتريت ميجان من حبي للكليو ( لإن الأولاد بدأوا يكبروا فكان لابد من التغيير)
الفارق بين السيارتين رهيب حقيقي لما غيرت حسيت إني ركبت عربيه ملهاش حل ( علماً بإني عشت في السعوديه فتره كبيره وجربت عربيات ملهاش حصر )
اما موضوع ان الكورولا لا مؤاخذه حمارة شغل فده موضوع نسبي يعني واحد محافظ علي عربيته وواحد تاني ماشي بيها كده زي ما تيجي تغيير زيت وبنزين و بس و ممكن كمان تشوف الالنترا وكمان السيراتو مع كامل أحترامي لكل هذه السيارات لكن صعب أوي أركب عربيه في الفئه دي وتيجي جنبي عربيه نقل تقيل أحس إن العربيه بتتنقل للحاره التانيه دي حاجه ملهاش علاقه بالثبات بالمره دي حاجه ليها علاقه بالأمان
ولو علي مقاييس السوق المصري الناس كلها هتركب فرنا
أي عربيه في الدنيا أهملت صيانتها هتقرفك
أي عربيه في الدنيا حافظت علي صيانتها هتحافظ عليك

انت برنس والله قلت اللي كنت عاوز اقوله