ملاك الميجان رجاااااااء النصيحة

[el3ndaleeb]

السلام عليكم ورحمة الله وبركاته
محتاج المعلومة من ملاك ميجان فقط، انا مجنون جداً بالميجان ونفسي اركب ميجان 2007 او 2008 بس للأسف خايف من السمعة السيئة اللي طالعة عليها فا محتاج رأيكم بشدة لمعرفة عيوب ميجان 2007 او 2008 الله يخليكم ويباركلكم انصحوني وياريت اللي يتكرم ويعلق يكون من ملاك و خبراء الميجان فقط لاغير انا قريت تقريبا معظم الموضوعات الخاصة بالعربية في المنتدى المحترم بس نفسي اتواصل اكتر مع ملاكها عن قرب و اسف جداً على الإطالة ولكم جزيل الشكر

[fepsceasar]

فيز 2 اللى هى من 2007-2009 مشاكلها اقل من فيز 1 اللى هى 2005-2006 ده وفقا لكلام صنايعية وملاك كتير
اكشف كويس يفضل فى التوكيل او مركز خدمة معتمد واعملها الصيانة الدورية عن
ح
نضيف ..بس خد بالك ان سعرها غير معبر عن فئتها العربية دى فى فئة الجيتا والاوكتافيا والمازدا 3 ..ولو قارنت قطع غيارها بيهم هتلاقيها رخيصة كمان..اما لو استرخصت في قطع الغيار وقارنتها بعربية كوري او صيني اقل من فئتها لا تلوم الا نفسك

[el3ndaleeb]

ألف ألف شكر يا باشا على الرد بس حابب اعرف الفيز 2 مشاكلها ايه بالظبط بعد اذنك

[fepsceasar]

ألف ألف شكر يا باشا على الرد بس حابب اعرف الفيز 2 مشاكلها ايه بالظبط بعد اذنك

اللى اعرفه وانا يا دوب ما كملتش سنة من ملاك العربية
فى موديل 2008 بتغير طنبورة الكرنك ..ودى كانت مدى العمر فى 2005 فيفضل تجيبها استيراد 2005
ما تحطش 5 لتر زيت زي اغلب الصنايعية ما بيحطوا لان ده بيضرب الويلسيلات حط 4.5 فقط
خد بالك الزيت الزيادة هيضرب اويل سيل الكرنك ، وكمان لو نزل على حساس الكرنك وفيشته بيبوظهم ..لو الفيشة بتاعت حساس الكرنك عملة مشكلة فى ناس بتلحم السلوك فى الحساس على طول او تغير الفيشة بالحساس كل 80 الف او مع صيانة 60 الف كوقاية ربنا يدينا ويديك طولة العمر
نفس الامر خد بالك من فيشة الطرمبة بتاعت البنزين والطرمبة ويكونوا اصلى ..

[el3ndaleeb]

يعني يا باشا مشكلة الكرنك دي موجودة في 2008 بس ولا في موديلات تانية

[medo 2015]

يعني يا باشا مشكلة الكرنك دي موجودة في 2008 بس ولا في موديلات تانية

فى كل الموديلات وبعدين ده عطل هايف جدا الحساس بالفيشه بالتركيب بالسلطات وواحد شاي كمان ب150ج

[El Gen]

املك الميجان من 2006 ... عربيه ممتازه... كانت طفره فى وقتها.
ثبات ممتاز ... عزل جيد جدا و حاجات تانيه كتير.
مشاكل العربيه تتفاوت من عربيه لاخرى.
اصدقائى معاهم عربيات من كل الانواع و كله بيحصل فيه مشاكل.
انا بفكر ابيع دلوقتى مش عشان العربيه وحشه لكن للتجديد.
اكشف كويس جدا )زى كل المستعمل( و اعمل حسابك اى عربيه مستعمله يعنى حيكون فيها مصاريف

[medo 2015]

املك الميجان من 2006 ... عربيه ممتازه... كانت طفره فى وقتها.
ثبات ممتاز ... عزل جيد جدا و حاجات تانيه كتير.
مشاكل العربيه تتفاوت من عربيه لاخرى.
اصدقائى معاهم عربيات من كل الانواع و كله بيحصل فيه مشاكل.
انا بفكر ابيع دلوقتى مش عشان العربيه وحشه لكن للتجديد.
اكشف كويس جدا )زى كل المستعمل( و اعمل حسابك اى عربيه مستعمله يعنى حيكون فيها مصاريف

ياريت لو حضرتك تكلمنى للتفاوض فى العربيه لانى محتاج عربيه اليومين دول
01146027270 احمد

[medohai510]

أولا أكشف عليها في التوكيل او عند مركز معتمد أو متخصص في الرينو
ثانياً أشتري قطع الغيار الأصلية أو الاستيراد لكن من مكان موثوق فية وأبعد عن الصيني والمضروب

[el3ndaleeb]

الف شكر يا وحوش الميجان على مشاركتكم الجميلة دي بس محتاج توضيح بسيط، ملحوظة انا معايا عربية افيو 2008 اول مالك ليها من الزيرو اللي كانت عايز اعرفه هل لو بشتري للميجان قطع غيارها الأصلية والصيانات المنتظمة هتمشي معايا كويس في أي طريق ولا ممكن تعمل دقات نقص معايا في الطريق وده طبعاً كله بتاع ربنا بس العربية فعلاً مش هتعمل معايا حركات بايخة في الطريق ولا لأ

[albasha]

أولاً أيه سبب التغيير علشان تقدر تعمل مقارنه صح
ثانياً الميجان زي أي عربيه هتحافظ عليها وعلي صيانتها هتستمتع بأداء عالي جداً ( ثبات ووسع وعزل وخامات داخليه و حاجات كتير جداً إنت مستفيد منها )
ثالثاً وده رأيي الشخصي لو الأفيو مفيهاش مشاكل خليك معاها لسبب هي موديل 2008 وانت عايز تغير لميجان مستعمله ( متعرفش ظروف مالكها أيه ) وبرضه نفس سنة الصنع 2008

[el3ndaleeb]

أولاً الف شكر ليك يا باشا على مشاركتك
ثانياً : انا عايز اغير عشان المزايا والبرستيج والكماليات اللي في الميجان واكيد طبعاً مفيش وجه مقارنة بينهم بس اللي مقلقني اعطالها والسمعة السيئة اللي طالعة عليها وده نتيجة ان السوق المصري أسوأ سوق سيارات في العالم بس اللي كنت محتاجه ان حد يطمني من ملاك الميجان لأنهم أدري ناس بيها من أي حد