إستفسار عن أقــرب ميعاد للكشــف على ميــجان فى التوكيــل

[t4r3k]

السلام عليكم
كنت عايز اعرف لو انا ان شاء الله لقيت عربية حلوة تمام " ميجان " وخلاص هكشف عليها فى التوكيل واتصلت بالتوكيل لكن كانت الصدمة انهم قالولى ميعاد بعيد شوية .. فهل ممكن احد الإخوة الأعضاء يظبطنا فى الموضوع دا .. يعني اروح اكشف على العربية اللى هشتريها واخد report فى وقت اقرب من الحجز .. عشان البائع بيكون مستعجل وبصراحة انا كمااااااااان :k41:
معلش على الطلب الغلس دا .. بس دا طمعى فى الوحوش بقي ..
وشكر لكم
فى امان الله

التوقيع : دايخ دايخ على ميجان 2

[Ramy_Tantawi]

عليكم السلام ..........

فينك يا عم طارق واحشنا والله ....

هو انت لما اتصلت بالتوكيل قالولك ايه اقرب ميعاد كشف ؟ والكلام ده فرع المقطم ولا العبور ؟

[t4r3k]

الف شكر ليك رامى باشا على الاستجابة السريعة .. وان شاء الله اشوفكم قريبا بس تيجي بس ..
انا لسه متصلتش .. بس عشان ابقى عارف عشان المفروض ان انا رايح اشوف عربية النهارده وحسب الظروف بقى هتصل ..
فانا عايز بس ابقى عارف اذا كان ممكن ولا لأ ..
مش اكتر

[Ramy_Tantawi]

لا شكر على واجب يا طارق باشا احنا كلنا اخوات ......

شوف يا سيدي كلمتهم دلوقتي قالولي الصح انك تحجز لكن مش دي المشكله المشكله هو ان الكشف كامل على العربيه بياخد تقريباً يوم كامل والتقرير بيطلع آخر اليوم ده .........يعني تسلم العربيه 8.30 او 9 الصبح العربيه تخرج بالتقرير المفصل بتاعها 4 العصر او قبل كده ان شاء الله وده لأنه بيكون كشف كامل على العربيه من اولها لآخرها.

نصيحتي لو هاتنزل ان شاء الله تشوف عربيه انهارده احجز بالتليفون مع 16202 للكشف على العربيه غداً فرع المقطم او العبور المناسب ليك اكثر بحيث يبقى ليك حجز ان شاء الله بعد كده حسب ظروفك انت الراجل اللي بيبيع لك تشوف لو الحجز مناسب لكما توكلا ا على الله لو مش مناسب ممكن تلغيه بالتليفون برضه او ماتروحش واوتوماتيك طبعاً هايعتبر لاغي.

يا رب اكون اوضحت الصوره لك يا طارق باشا وخالص دعواتنا تلاقي العربيه المناسبه ان شاء الله ويمكن يطلع وشي حلو عليك ويكون لك نصيب في اللي هاتشوفها اليوم ان شاء الله .

[t4r3k]

انا اتصلت قبل كدا عشان اخجز على عربية كنت روحت شوفتها بس محصلش نصيب .. قالى الحجز برقم العربية والاسم .. دي حاجه
وموضوع الوقت دا كله كبير اوي ..
طيب لو البديل للتوكيل ممكن يبقى الميكانيكيون العرب بس بصراحة انا عايز التوكيل جدا جدا جدا
ومش مهم هدفع كام

[Ahmed Selim]

بص يا شيخ طارق

أتصل ب 16202 ويكون معاك رقم العربية وأسم صاحبها عشان تحجز بيهم
و أطلب الحجز فى فرع العبور عشان بيكون فاضى نسبياً....و أن شاء الله ممكن يكون خلال يومين بالكتير.

ولو وراك مشاوير فى أتوبيس\عربية بينزلوها من العبور لمصر الجديدة الساعة 11 وبترجع تانى الساعة 2.5 أو 3 على العبور برضه

[t4r3k]

الف شكر ليك يا باشا على المعلومات وان شاء الله اعمل كدا
للأسف ميعادى مع صاحب العربية إتأجل ليوم الثلاثاء
خير ان شاء الله

[Ahmed Selim]

طيب ما تحجز بكره مع 16202 ؟؟؟

هيدوك ميعاد مش قبل الثلاثاء....و ممكن لو أدولك ميعاد الأربعاء مثلاً وطلع مش مناسب....تكلمهم تانى تغيره.....و لو العربية منعجبتكش ومش هتروح تكشف عليها أصلاً كلمهم تانى ألغى الحجز

[t4r3k]

فكره كويسة برضه ..
هحاول اعمل كدا ان شاء الله ..
مش عارف اشكركم ازاى على التعاون السريع ..

[Ahmed Selim]

أنت تأمر يا باشا :)

[topgear]

ربنا يكرمك ان شاء الله
بس نصيحه من اخوك متروحش الميكانكيون حتى لو حصل ايه
روح المقطم او العبور وانا فعلا لما جيت اشترى العربيه اتصلت بالتوكيل راح قالى كمان اسبوع اققرب معاد فاضطرينا روحنا الميكانكيون وياريتنا مارحنا بس انصحك خليك فى المضمون