مشكله فى دواره الكليو

[limo]

عندى فى العربيه مشكله غريبه شويه
العربيه لما اجى ادورها تدى صوت المارش ومترضاش تقوم
افصل وارجع ادور تانى تقوم علطول
انا حاطط احتمالات
-انا كنت بقول رشاشات بس على حد علمى ان الرشاشات بتأخر فى الدواره وبعد كده العربيه بتقوم (اصل ده الى كان بيحصل معايا فى الانوس )
-فلتر بنزين الفلتر المفروض بقاله 6 سنين وانا ماشى بالعربيه دلوقتى 30 الف كم وانا رايح يوم الخميس ان شاء الله اغيره فى العبور مع صيانه ال30 الف لانه المفروض تتغير على 30 الف طبعا انا عمرى ما استخدمت منظف دوره وقود او رشاشات

-طلمبه بنزين
الطلمبه انا مغيرها فى التوكيل فى شهر 4 2008 والمفروض عليها ضمان سنه
بس على حد علمى برضو انها لو فيها حاجه العربيه مش هتقوم من اساسه

انا برجح حاجه من اثنين لفلتر بنزين او عيب كهربائى
انا باذن الله رايح الخميس الموافق 27 \11 التوكيل بتاع العبور اعمل صيانه ال30 الف وهخليهم يشوفوا الموضوع ده
بس عايز اعرف احتمالات الموضوع ده علشان ميغروش حاجه ملهاش لازمه
ايه رايكم يا وحوش

[akmal_hamdi]

هيا مش رشاشات زى اللنوس ولا طرمبه خالص شلها من دمغك غير لو انتا بتمشى كتير على البنزين ال الأخير هيا بتتأخر فى الدوران؟ بس انتا ماشى كتير أوى على البوجيهات و الفلتر على العموم انا شخصت الحاله خلاص مستنى ترد علشان اقولك ايه الحاله ماشى ياليمو

[limo]

الف شكر يا بشمهندس اكمل على ردك
هيه المفروض البوجيهات مغيرها فى صيانه ال 20 الف كم وده عملتها شهر اواخر شهر 12 /2008 والعربيه سحبها كويس جدا مفهوش اى نتشه او تقطيع

البنزين انا بحطه على الشرطه قبل الاخيره ( الشرطه قبل الحمراء )

وانا كنت بستخدم 90 على مدار 5 سنوات ومن حوالى شهرين بقيت احط 92 بس اداء العربيه هوه هوه

فى حاجه دلوقتى جت فى دماغى وهى ان صوت الدواره عامل زى ما كانت الطلمبه بايظه بس الفرق ان الطلمبه لما باظت وكنت لما افصل وادور تانى العربيه كانت مش بدور دلوقتى نفس الصوت بيطلع بس لما افصل الكونتاك وادور تانى العربيه بتدور من مره او اثنين او ثلاثه انا وحظى وكمان الموضوع ده مش مكرر بمعنى انه مش كل مره ادور العربيه يحصل كده لأ ده الموضوع ده ممكن يحصل كل ثلاث ايام او يومين او اسبوع انا وحظى

لذلك انا بقول يمكن تكون الطلمبه بتعلق اوبتفصل وترجع تشتغل تانى ؟؟
ايه راي معاليك ؟؟

[عمرو عمارة]

ممكن يا ليمو حساس الكرنك عايز يتنظف بس......دي مشكلة معروفة في الكليو

إبقى طمنا يا باشا

[limo]

ممكن يا ليمو حساس الكرنك عايز يتنظف بس......دي مشكلة معروفة في الكليو

إبقى طمنا يا باشا

انا شاء الله انا هروح التوكيل يوم الخميس الجاى هخليهم يشفوها وربنا يستر
طب لو حساس الكرنك يا عمرو باشا هيبقى ايه الوضع يعنى الموضوع هيكون سهل ولا صعب فى الفك والتركيب والمصنعيه
لو خلتهم يعملوها فى التوكيل هيكون الموضوع احسن ولا اعمله بره وخلاص

[akmal_hamdi]

ممكن يا ليمو حساس الكرنك عايز يتنظف بس......دي مشكلة معروفة في الكليو

إبقى طمنا يا باشا

انا مش مع عمرو الموضوع مش حيخرج عن اتنين بوجيهات لأن البوجيهات صلاحيتها سنه و ممكن تكون مرطبه علشان كده مبدورش ولما بتسخن بدور الأحتمال التانى و هو ال speed sensor ممكن يكون عايز يتنضف او يتغير الفت نظرهم لى و ابقى طمنا يا ليمو
تحياتى للجميع
د.اكمل حمدى

[limo]

متشكر اوى يا د اكمل
يعنى يعنى دلوقتى فيه 3 احتمالات
1-البوجيهات
2-سبيد سنسور
3-حساس الكرنك
طب يا د اكمل السبيد سنسور ده لو لا قدر الله طلعت المشكه فيه عندك فكره سعره كام وفكره وتركيبه سهل ولا صعب

[kimo]

السلام عليكم
ممكن تجرب تشغل مفتاح الكونتكت مرة دون ان تشغل السيارة وترجع المفتاح مرة تانية على الاطفاء وتشغل مرة تانية وتدور وفى كل مرة تنتظر لغاية انوار التابلوة تطفى طبعا ماعدا لمبة الزيت والبطارية لو اشتغلت المرة التانية احتمال يكون طلمبة البنزين او الريليف فالف لراجع البنزين الى التنك يحتاج ضبط لان السيارة لا تعمل طالما ضغط طلمبة البنزين لم يصل الى الحد المطلوب والاحتمال الثانى ودة الاسهل تغيير البوجيهات

[akmal_hamdi]

ال speed sensor mesh 3'aly awy be 300 gena we momken tegebo ar7'as men keda bara aw mosta3mal we law taeraf mekaneky renault lehoum tare2a baya3mloha fee ana 3arefha bas lazem yekoun mekanky 3aref makano

[limo]

انا روحت عملت صيانه امبارح وقولت ليهم المشكله بتاعت الدواره وقالى نشوفها
المهم العربيه دخلت الورشه واعملت الصيانه بتاعت ال30 الف كم وهى تشمل زيت توتال 10 الاف وفلتر زيت وفتر بنزين وتبديل موضع الاطارات ومراجعه على جميع سوائل العربيه وتربيط العفشه وغسيل السياره بالكامل من الداخل ومن الخارج
المهم فى النهايه سألتهم عن العيب بتاع الدواره وقالوا لى صلناها وعمنا reset لبوابه البنزين ولو عملت معاك كده تانى تعالى نغير البوابه كلها (ايه رايكم فى الكلام ده )
بس الصراحه العربيه امبارح معلمش مشكله الدواره ده بس انا محتاج فتره علشان اتأكد انها راحت تماما

[melsatar]

انا روحت عملت صيانه امبارح وقولت ليهم المشكله بتاعت الدواره وقالى نشوفها
المهم العربيه دخلت الورشه واعملت الصيانه بتاعت ال30 الف كم وهى تشمل زيت توتال 10 الاف وفلتر زيت وفتر بنزين وتبديل موضع الاطارات ومراجعه على جميع سوائل العربيه وتربيط العفشه وغسيل السياره بالكامل من الداخل ومن الخارج
المهم فى النهايه سألتهم عن العيب بتاع الدواره وقالوا لى صلناها وعمنا reset لبوابه البنزين ولو عملت معاك كده تانى تعالى نغير البوابه كلها (ايه رايكم فى الكلام ده )
بس الصراحه العربيه امبارح معلمش مشكله الدواره ده بس انا محتاج فتره علشان اتأكد انها راحت تماما

مبروك يا باشا و إن شاء الله متعملهاش