رينو لوجان Mcv

[mostafabakry]

السلام عليكم و رحمة الله و بركاته

ايه يا جماعة لسه مافيش اي اخبار عن اللوجان ال 7 راكب

انا رحت التوكيل بتاعها اللي هو الشركة العالمية المصرية للسيارات (محمد نصير ) فرع الأقصر و سألت علي العربية و الناس اللي في المعرض شكروا لي فيها جدا
المهم عرفت معلومة كانت مخوفاني من العربية و هي ان لعربية موتورها 1600 سي سي 8 صمام بيطلع باور 87 حصان و كنت متضايق من الحكاية دي لاني شايف ان المتور كدا صغير علي العربية دي
المهم عشان ما طولش عليكم انا عرفت ان العربية في منها 3 موديلات
1- 1600 سي سي 8 صمام 90 حصان فول اوبشن و دي عامله 98900 جنية مصري
2- 1600 سي سي 8 صمام 90 حصان نص كماليات و دي مش فاكر عاملة كام
3- 1600 سي سي 16 صمام 110 حصان نص كماليات و دي سعرها 91900 جنية مصري

طبعا انا فرحت جدا لما سمعت المعلومة دي من مهندس المبيعات اللي في المعرض و الراحل شكر لي جدا في الموديل الأخير دا و نصحني بيه


بس انا اللي خلي فرحتي ما كملتش ان العربية مش فول اوبشن و انها نص كماليات بس هو قاللي ان العربية مجهزة يالنسبة لباقي الكماليات
يعني الأسلاك بتاعة زجاج الكهرباء موجودة و كمان اماكن الزراير بتاعتها معمول حسابها و راكبه حليه مكانها بتتشال بسهولة وقت التركيب يعني مجرد انك تركب مكنة الزجاج فقط
و كمان معمول حساب الفوج لايت و عوارض التحميل اللي بتبقي في سقف العربية عشان لو حتركب شبكة تحميل

انا محتاج ارائكم في اختيار العربية اشتري ال 110 حصان نص كماليات و ابقي اركب الكماليات دي برا و لا اشتري 90 حصان جميع الكماليات

و كمان معلومة انا عرفتها امبارح في اهرام الجمعة في ملحق السيارات كان فيه اعلان عملاه شركة عربيات عن العربية للوجان السبعة راكب و كانوا كاتبين ان العربية فيه منها 1600 سي سي 110 حصان و كمان منزلين معاها شوية اضافات زي جنوط سبور و شاشة دي في دي و مش فاكر ايه تاني


و كمان سؤال عن بنك اسمه المؤسسة العربية المصرفية ABC Bank حد اتعامل مع البنك دا يا جماعة
يا ريت لو حد اتعامل مع البنك دا يقولي رأيه فيه لأني لما بسال المهندس اللي كان في التوكيل عن البنوك اللي بتتعامل معاهم قاللي ان احسن بنوك بيتعامل معاها هو ابو ظبي الوطني و المؤسسة العربية المصرفية دي
انا ان شاء الله ناوي ادفع 50% من سعرها و اقسط الباقي علي 5 ستوات او اقل

يا ريت لو حد يقدر يفيدني في بنك ممكن يقسط اسلامي عشان ابقي مرتاح نفسيا

يا ريت يا جماعة تشاركوني و تنصحوني باي معلومة ممكن تفيدني

جزالكم الله خيرا

[Hassan]

برجاء مراجعة معلومة اختلاف المواتير , لان موزع اسكندرية افاد ان الموتور واحد فى جميع الموديلات بما فيها السيدان و الاختلاف فى الاوبشن فقط

[mostafabakry]

السلام عليكم و رحمة الله و بركاتة

يا جماعة زي ما قلت لكم سابقا ان شركة عربيات عامله اعلان في ملحق السيارات بالأهرام عدد الجمعة السابقة عن اللوجان ال 7 راكب و هو كالتالي
العربية 1600 سي سي 16 صباب 110 حصان نص كماليات سعرها عامل 89,900 جنيه و كانوا عاملين عرض لمده محدوده عليها بعض الإضافات
1- جنوط سبورت
2- حساسات ركن parking sensors
3- شاشة دي في دي مع سي دي و ام بي ثري

وكل دا ب 89,900 و ضمان 3 سنوات او 10000 كم ايهما اقرب

انا رحت الشركة دي امبارح في المهندسين شارع الحجاز متفرع من ش جامعة الدول العربية و بالبظبط امام مسجد الحامدية الشاذلية
اتفرجت علي العربية و بصراحة انا مفتنع جدا بها من ناحية الشكل اللي ربما يكون مش عاجب ناس كتير بس انا شايفها بالنسبة لمتطلباتي ممتازة جدا من ناحية الشكل ( عربية عمليه و شكلها غير تقليدي لنا في مصر بس انا ارتحت له من اول ما شفتها في الجورنال)
من ناحية الأداء انا يمكن اطمئنيت نوعا ما لما عرفت انها 110 حصان مش 90 حصان لأني بصراحة لم اتمكن من تجربتها علي الطبيعة ة لكن اكيد عربية بتحمل علامة و موتور و جيربوكس رينو اكيد طبعا هتبقي علي الأقل كويسة ان لم تكن ممتازة
من ناحية التقفيل و الخامات المستخدمة بالعربية انا شايف انها كويسة جدا بالنسبة لي و بصراحة انا ما ليش خيرة مع العربيات الزيرو و كل خبرتي كانت مع المستعمل و خصوصا البيجو و انا شايف ان العربية كويسة و تقفيها كويس جدا و ما فيش اي مشكلة و الصاج كويس
انا طبعا فحصت العربية من برا و من جوا و خلاصة المعايننة
العربية من جوا واسعة جدا جدا الي ابعد الحدود و في كل الكراسي يعني انا ركبت في كل الكراسي من السائق حتي الكرسي الخلفي بصراحة ارتحت جدا مع العلم ان طولي لا يقل عن 180 سم و طبعا تقدر تعدل في اوضاع الكراسي زم ما تحب يعني انت ممكن تخلي العربية تبقي عربية نقل و تحمل فيها اغراضط مهما كانت لأن الكنبتين الخلفيتين بيطووا و تبقي العربية كأنها فان مش استيشن
التكييف كويس و العربية واقفة فاكيد هيتحسن كمان لما العربية تمشي و الموتور لفاته تزيد و هو 4 سرعات و فيه غتحة تكييف خلفية تحت الكنبة الوسطي اظن انها معموله عشان تعمل air circulation داخل العربية و تبرد الجو عن الركاب الخلفيين
الشاشة و الكاسيت و السماعات رائعة و بالنسبة لي اكتر من المطلوب
الجنوط عاملة شغل جامد في شكل العربية
حساسات الركن شغالة و بصاح انا شايف انها ضرورية لأن الرؤية الخلفية و انت بترجع لورا ضايعة خالص و بتساعد علي الركن بصورة مريحة

طبعا التابلوه اللي فيه العدادات بيحتوي علي عداد اسرعة و عداد الأر بي ام و بالنسبة لعداد الحرارة و البنزين فهما ديجيتال زي مؤشر الشبكة و البطارية في الموبايلات لو حد متخيل معايا
للأسف العربية دي ما فيهاش عداد رحلات اللي بيحسب لك متوسط استهلاك الوقود و متوسط السرعة في خلال المسافة المقطوعة و الوقود المتبقي في الخزان و الحاجات دي و تقريبا موجودة في العربية الفول اوبشن ال بي 98900 جنيه
طبعا الزجاج كله امامي و خلفي مانوال مش مهرباء و دا انا متضايق منها بس مش مشكلة ممكن تتحل و الركب مكن كهربا خصوصا و ان العربيه مجهزة لكدا و الزراير تقريبا معمول حسابها
السنترلوك في المفتاح مش ريموت
فتح غطاء تنك البنزين من الخارج مش من الداخل ودي ما فرقاش معايا انا شايفها ميزة عشان ابقي مطمن وانا بمون بنزين اشوف بعنيا طبعا اكيد فيه ناس تاني تختلف في الراي معايا و ما فيش اي مشاكل خالص
العربيه سقفها من الداخل عالي جدا و بعيد عن رؤوس الركاب علي الأقل بشبر و اكتر كمان
عشان ما طولش عليكم العربية عجباني جدا و بتلبي كل احتياجاتي و ربنا يكرمني و اشتريها
انا حاسس ان العربية دي هتفرض نفسها علي السوق في خلال فترة قريبة خصوصا وان لاحظت ان ناس كتير بتروح المعرض عشان تشوفها و تعاينها و شركة عربيات مهتمة جدا بتسويق العربية دي و دا كان ملاحظ اوي و انا في المعرض بتاعهم من خلال طريقة التعامل مع العملاء و عدد مسؤولي المبيعات اللي بيشرح لك المعلومات عن العربية

طبعا انا سألت عن موضوع التقسيط قالولي انهم بيقسطوا مع بنك عوده و بفايدة 9,6 % علي 60 شهر بصورة البطاقة في حالة انك هتدفع 50% من سعر العربية
لما حسبوها في المعرض طلع القسط 1117 جنيه + 450 جنية مصاريف ادارية + 3150 جنية تامين عالي العربية عند قناة السويس للتأمين بيقل 20% ف كل سنه من الأربع سنوات المتبقية تقريبا لما حسبت التأمين كله خلال ال 5 سنوات طلع 10588 جنية طبعا مبلغ كبير جدا جدا جدا

و طبعا قالولي ان العربيه بتتحجز بطريقة سريعة و حاول تلحق احسن العرض بتاع الإضافات يخلص و ما تلحقوش طبعا انا حسيت ان الحكاية دي شغل جذب مش اكتر و قلت افكر شوية عشان ما اندمش بعد كدا

المهم انا سألت في بنك اسمه المؤسسة العربية المصرفية ABC bank و دا له فرع في الأقصر عندنا انا اتصلت بيهم هناك و سالتهم علي القسط قالولي ان القسط هيكون 1070 / 60 شهر و 50% مقدم و تأمين علي الحياة مجانا
ولما سألتهم عن موضوع التأمين علي العربية قالولي ان انا ممكن اامن علي العرية في اي مكان اشوفه المهم اامن و خلاص

و طبعا اتصلت علي شركة كونتاكت و سألت علي التقسيط قاللي ان التقسيط بيقي متاح لسكان القاهرة الكبري و الدلتا فقط و الصعيد للأسف ما بيقسطوش له و زعلت جدا
المهم عرفت ان القسط (نظام اسلامي ) هيبقي 1268/60 شهر و محتاجبن مفردات مرتب لا يقل عن 3600 جنيه عشان القسط ما يزيدش عن (1/3) المريب + 1% مصاريف اداية
و طبعا بدون تأمين عشان اسلامي

اما او النظام العادي القسط هيبقي 1170/ 60 شهر + التامين 4% من سعر السيارة الكلي مش المتبقي و دي انا شايف انها كتير جدا و ثابته طول فرتة التقسيط ما تتغيرش مع ان قيمة العربية بتقل من معدل الإهلاك و لما قلت له كدا الراجل قاللي انا متفق معاك في الراي بس هو دا النظام المتاح و طبعا + 1% مصاريف



انا دلوقتي حيران جدا جدا لأبعد الحدود
لا بيا اشوف طريقة اريح بيها ضميري و تكون اسلامي و بعيد عن الشبهات و لو اني عارف ان كلها اشتغالات و كلام بيضحكوا بيه علينا و خلاص و لكن ليطمئن قلبي و ابقي عملت ما في وسعي و في الآخر طلع انه ما ينفعش لأني مش من ساكني القاهرة و محل اقامتي قنا و ما ينفعش اقسط معاهم
ولا بيا اشتري و اقسط مع اي بنك زي المؤسسة العربية المصرفية و الحق العرض الحالي من شركة عربيات و اللي حسبته لقيت نفسي كسبان مبلغ لا يقل عن 7000 جنية لأن العربيه عندهم 90000 بدلا من 92000 في التوكيل و كمان عليها اضافات بمبلغ اظن انه لا يقل عن 5000 باي حال من الأحوال ( جنوط + سي دي + شاشة دي في دي )

انا قلت افضفض شوية في المنتدي مع اني شايف ان اصلا محدش معبر اهلي و لا بيسال و يشارك في الموضوع مع العلم ان انا عامل اكتر من 3 مواضيع عن العربية و للأسف ما حدش بيشارك يها لعدم انتشار العربية و انا بعذر الناس في كدا و مش زعلان

المهم يا جماعة انا من ناحية العربية اطمنت و خلاص هتوكل علي الله و لكن انا محتاج ارائكم و نصائحكم في الللي انا عمال ارغي فيه من الصبح و صدعتكم بيه في الموضوع دا

اعمل ايييييييييه و اسوي ايه ( علي فكره انا دلوقتي حاطط ايدي علي خدي و مش عارف اعمل ايه عامل زي المثل البلدي اللي بيقول عامل زي الخايبة اللي كبت مش فاكر طبيخها ولا طحينها و لا ايه بالبظبط المهم كبت اي حاجة في حاجة و خلاااااااااااص ههههه ) طبعا اكيد حد هيسسالني انت ازاي بتقول انك حاطط ايدك علي خدك و بتكتب الكلام دا و عمال زي البربنت درددردردردن و مش مبطل رغي و صداع هقوله "قدراااااااااااات يا باشا !!!!! صعايدة بقا " هههههه

انا نفسي حد يفكر معايا و يساعدني في اتخاذ قرار و طبعا اكيد انتوا هتراعوا ان انا دلوقتي بين نارين و محتار حيرة كبيرة
ما بين ان انا ليا فترة بحلم بعربية جديدة و بمواصفات معينة و ما بين راحة البال و الضمير و ما بين الإمكانيات و الظروف المتاحة امامك
الللللللا دا كدا نا مش بين نارين !!!!! دا انا كدا بين 3 نيران !!!!! هههههههههه


بالله عليكم يا شباب و يا اعضاء و زملاء المنتدي ما تبخلوا عليا باي معلومة حتي ولو دعاء ليا بالتوفيق للقرار السليم

جزاكم الله خيرا و اسف جدا علي كلامي الكتير و الطويل

[أبومعاذ]

قسط مع بنك فيصل حلال و فايدته كويسة 7%

[mostafabakry]

و طيب ايه الشروط بتاعتهم و يا ريت لو تليفون اكلمهم عليه

شكرا علي رد حضرتك

[أبومعاذ]

http://www.faisalbank.com.eg/FIB/Contact_1.jsp

[mostafabakry]

انا بالفعل دخلت علي الموقع بتاعهم بس مش عارف ادخل ازاي عشان اعرف انظمة التقسيط لأنهم ما كتبنش اي حاجة عن تقسيط السيارات
وما فيش مركز خدمة عملاء عندهم ممكن اسأله دلوقتي

[أبومعاذ]

كلمهم في التليفون من 9-4

[M.Elsheikh]

حضرتك ممكن تراجع اللنكات ده

http://www.nilemotors.net/Nile/showthread.php?t=39284

http://www.renault-dacia-logan.com/dacia-logan-mcv-engines.php

بعدين الموديل ده من غير فوانيس شبورة ولا العمودين اللي فوق السقف
وكان متوفر عند التوكيل اللون الفضي فقط مش عارف اذا كانوا جابوا اللوان تانية و لا ايه النظام
بس في الاعلان كانوا كاتبين من ضمن الاضافات العمودين
و كانوا قالولي في التوكيل انه الماتور 16 صمام ده بتاع الميجان I
فممكن حضرتك تسال الخوة الافاضل في قسم رينو اللي معاهم ميجان I عن الماتور و قطع الغيار
وفي اللنك التانية كاتبين انه الجير بوكس بتاع العربية 8 صمام هو نفس الجير بو كس بتاع الميجان II

فهو سعرها بالاضافات ده ارخص من التوكيل
بس يمكن يكون الوكيل رخص السعر مع الازمة الاقتصادية العالمية
او يمكن عشان اليورو او العربيات اللي حتيجي من المغرب
و صلي استخارة و ربنا يوفقك اللي فيه الخير إن شاء الله

============================Quote================= =============

الموجوده عند الوكيل الان مختلفه فيما يلي

1- لون فضي فقط
2- لا يوجد زجاج كهرباء ( يمكن اضافته عند ادريان صلاح سالم )
3- موديل 2009
4- لايوجد العمودان فوق السطح ( ويمكن اضافتهم بالتوكيل 2800جنيه تقريبا )
5- كاسيت عادي بدون CD
6- بدون فوانيس شبورة
7- الماتور 1600 CC صمام بقوة 110 حصان ( 16 valve )

السعر 91900 جنيه مصري
5000 جنيه حجز
التسليم بعد 15 يوم
عندهم استوك 150 سيارة في العامرية

===========================Unquote================ =============

[menabigboss]

انا ما افهمش اوي في موضوع التقسيط ....لكن جذبني بشدة موضوع العرض بتاع شركة عربيات وهو فعلا ما يتسبش وانا شخصيا بفكر فية لان ها شتري عربية في الراينج دة واللوجان عجباني جدا... ....
وبرضة اهلا بالصعايدة ..من قنا.....فانا كمان من قنا ........

[mostafabakry]

يا مرحبا يا مرحبا

يالاااا عاوزين نعرف كام واحد معانا في المنتدي من قنا

اما بخصوص العربية فأنا مقتنع جدا بيها كعربية عائلية و بتعاعت سفر و رحلات

العربية انتشرت في الأقصر و نجع حمادي بطريقة ملفته للنظر
يمكن عشان احنا الصعايدة بنحب العزوه ههههه

بصراحة العربية محترمة و ان شاء الله تكون اختيار موفق

[menabigboss]

يا مرحبا يا مرحبا

يالاااا عاوزين نعرف كام واحد معانا في المنتدي من قنا

اما بخصوص العربية فأنا مقتنع جدا بيها كعربية عائلية و بتعاعت سفر و رحلات

العربية انتشرت في الأقصر و نجع حمادي بطريقة ملفته للنظر
يمكن عشان احنا الصعايدة بنحب العزوه ههههه

بصراحة العربية محترمة و ان شاء الله تكون اختيار موفق

مرحب بحضرتك..........
وانا معاك احنا في الصعيد بنحتاج عربية عائلية تشيل العيلة والحبايب كمان....
وكمان فية ميزة انة يوجد مركز صيانة لرينو في الغردقة ودة قريب علينا وبيسهل كثير بدل كل ما تحتاج حاجة تنزل القاهرة.....بس احذر من مركز المبيعات الرينو في الغردقة علشان هما غاليين خالص وحاول تشتري العربية نفسها من القاهرة
وربنا يوفقك في الاختيار.........

[mostafabakry]

يا باشا في مركز خدمة لرينو في الأقصر لسه فاتج جديد يعني مش هتحتاج تروح الغردقة و لاحاجة