جهاز لا بد منه فى سيارتك عزيزى الرينوهاوى

[Hany Saad]

خلال زيارتى الأخيرة للصين، لقيت الجهاز ده و صممت اشتريه



الجهاز عبارة عن باور بانك بقدرة 8600Ah و له مخرجين شحن....واحد 2.1 امبير و التانى 1 امبير و معاه كشاف و معاه جميع انواع الوصلات الممكنة لشحن اى نوع جهاز ممكن من اول الموبايل للتابلت للأيباد لأى جهاز تتخيله و تقدر تشحن الباور بانك ده بأدابتور او من ولاعة السيارة......لغاية كده عادى جداً و موجود فى كذا حته

الجديد بقه ان ذات نفس الجهاز ده يقدر يقوم عربيتك الصبح لو البطارية نامت!!!!!!!
ايون يقدر يقوم العربية عن طريق بطارية 12 فولت خاصة موجوده فيه و كمان معاه الكابلات التمساح اللى بتمسك فى البطارية.....يعنى لا محتاج بطارية تانية تقومك و لا محتاج توقف عربية و لا محتاج كبلات و لا محتاج تخاف تانى تكون فى مشوار بعيد و لا يوم اجازة و البطارية تنام منك..كل اللى عليك تعمله توصل الكابلات مكانها فى الجهاز و تمسك الأطراف الأخرى فى أطراف البطارية....ثم تشغل الباور بانك و بعدين تدور العربية و تنطلق

طبعاً بما ان عربيتنا اتوماتيك و مينفعش نزقها فانا بنصح كل واحد يخلى جهاز زى كده من اى ماركه معاه فى عربيته و يعيش مرتاح

تحياتى

[besso]

مظنش انه يقدر يدور مارش اصلا

[Hany Saad]

مظنش انه يقدر يدور مارش اصلا

جربته و بيدور موتور لغاية 3000 CC
انا مشتروتوش غير لما جربته على موتور عربية و بعدين اشتريته
الجهاز مغرق امريكا و كندا و اوروبا.....احنا بس اللى مسمعناش عنه
كان فيه واحد تانى اعلى بيقوم نصف نقل زميلى اشتراه لأسطول العربيات فى شركته
اعمل سيرش على النت هتلاقى بدل الموديل الف و كلهم شغالين من ال reviews بتاعت الناس

تحياتى

[abokoko]

-- جهاز لا بد منه فى سيارتك عزيزى الرينوهاوى --

سؤال
اشمعنى الرينو هاوى

[Hany Saad]

-- جهاز لا بد منه فى سيارتك عزيزى الرينوهاوى --

سؤال
اشمعنى الرينو هاوى

لأ طبعاً ينفع لأى عربية....هى بس القافية حكمت علشان انا فى قسم رينو :)
الجهاز فعلاً مفيد جداً و بيخليك تنسي موضوع البطارية المحرج ده و انها تنام منك مره واحده

تحياتى

[SoFiMaN]

عندك حق هاني بيه .. شاريه من سنة تقريبا من امازون ماركة Anker الافضل على الاطلاق وجربته اكتر من مرة وفعلا ممتااااااااز

[pepo2011]

لو فعلا بيدور عربية يبقي ممتاز خصوصا ان الشتا قادم
انا شوفته كتير في محلات هنا وعلي النت بس مصدقتش طبعا خصوصا انه صيني

[م أحمد]

القدرة بتاعت الجهاز ممكن 8000 mAH مش AH

فى نوعيات من الجهاز دا فعلا بتتشغل على شاحن العربية فقط بدون حاجة لمشابك و تضطر تفح الكبوت...زى الوصلة السوداء اللى فى المنتصف...هو ممكن يسند مع البطارية انما يقوم المارش لوحده استحالة

[mody basha]

خلال زيارتى الأخيرة للصين، لقيت الجهاز ده و صممت اشتريه



الجهاز عبارة عن باور بانك بقدرة 8600Ah و له مخرجين شحن....واحد 2.1 امبير و التانى 1 امبير و معاه كشاف و معاه جميع انواع الوصلات الممكنة لشحن اى نوع جهاز ممكن من اول الموبايل للتابلت للأيباد لأى جهاز تتخيله و تقدر تشحن الباور بانك ده بأدابتور او من ولاعة السيارة......لغاية كده عادى جداً و موجود فى كذا حته

الجديد بقه ان ذات نفس الجهاز ده يقدر يقوم عربيتك الصبح لو البطارية نامت!!!!!!!
ايون يقدر يقوم العربية عن طريق بطارية 12 فولت خاصة موجوده فيه و كمان معاه الكابلات التمساح اللى بتمسك فى البطارية.....يعنى لا محتاج بطارية تانية تقومك و لا محتاج توقف عربية و لا محتاج كبلات و لا محتاج تخاف تانى تكون فى مشوار بعيد و لا يوم اجازة و البطارية تنام منك..كل اللى عليك تعمله توصل الكابلات مكانها فى الجهاز و تمسك الأطراف الأخرى فى أطراف البطارية....ثم تشغل الباور بانك و بعدين تدور العربية و تنطلق

طبعاً بما ان عربيتنا اتوماتيك و مينفعش نزقها فانا بنصح كل واحد يخلى جهاز زى كده من اى ماركه معاه فى عربيته و يعيش مرتاح

تحياتى

شكرا لك هانى بك ... برجاء توضيح اسم الجهاز هل هو power car ولا ليه إسم آخر ومنين اشترية انا من القاهرة

[Hany Saad]

القدرة بتاعت الجهاز ممكن 8000 mAH مش AH

فى نوعيات من الجهاز دا فعلا بتتشغل على شاحن العربية فقط بدون حاجة لمشابك و تضطر تفح الكبوت...زى الوصلة السوداء اللى فى المنتصف...هو ممكن يسند مع البطارية انما يقوم المارش لوحده استحالة

كلامك مظبوط و اسف على السهو....هو فعلاً 8600 mAh

فيه نوع بيتباع بيشحن بطارية العربية من ولاعة العربية بدون ما تفتح الكابوت بس ده لازم تقعد مستنى ربع ساعة على الأقل علشان تأثيره يبان و مش هو ده اللى انا اشتريته

اللى بتكلم عليه لازم توصيله على قواطيش البطارية بمشابك و بيدور الموتور حتى مع عدم وجود البطارية من أساسه لأنه بيطلع خرج ١٢ فولت/٣٥٠ أمبير لحظى كافى لإدارة المارش و نفس خرج بطارية العربية....و ده اللى أنا جربته بنفسى مش بقول كلام من دماغى...و فيه زميل اشتراه من سنه و جربه اكتر من مره و برده شغال....ده غير مئات الريفيوهات على مواقع الشراء العالمية امازون و ايباى و خلافه من مستخدمين قوموا بيه عربيات 4X4...ده غير مواقع الكترونيات متخصصة جربت اكتر من موديل و برده انطباعهم ايجابى جداً

ده ريفيو واحد فقط للمعلومة مش اكتر:

Review: Anker’s Jump Starter Portable Charger brings cars and iPhones back to life in emergencies | 9to5Mac

حضرتك بتقول إستحالة يقوم مارش: ياترى فيه سبب علمى او تحربة عملية تخليك تأكد إستحالة الموضوع؟

تحياتى

[Hany Saad]

شكرا لك هانى بك ... برجاء توضيح اسم الجهاز هل هو power car ولا ليه إسم آخر ومنين اشترية انا من القاهرة

تحت أمر حضرتك....الموديل ده انا جايبه من الصين و معتقدتش موجود هنا.....لكن فيه مئات الأنواع المتوفرة و أعتقد غالبيتهم جيديين
حاول تجيب حاجة تقفيلها نظيف و يكون فى حدود 10000mAh او ازيد.....ليه مخارج شحن 2.1 امبير علشان تشحن بيه تابلت او ايباد او اجهزة حديثه
يا ريت كمان اكتر من مخرج شحن
يكون طبعاً معاه الكابلات التمساح اللى بتركب على قواطيش البطارية
يا سلام بأه لو تلاقى عليه علامة CE علشان يكون مطابق لمواصفات الاتحاد الاوروبى و المعلومات اللى عليه سليمه

فيه نوع كمان بيتشحن بنفس شاحن الموبايل و ده انا بفضله جداً لانك بتشحنه من اى شاحن متوفر معاك لكن للأسف ملقتهوش فاضطريت اجيب الجهاز ده و هو ليه شاحن مخصوص و شاحن بطارية

بالتوفيق

تحياتى

[Hany Saad]

كلامك مظبوط و اسف على السهو....هو فعلاً 8600 mAh

فيه نوع بيتباع بيشحن بطارية العربية من ولاعة العربية بدون ما تفتح الكابوت بس ده لازم تقعد مستنى ربع ساعة على الأقل علشان تأثيره يبان و مش هو ده اللى انا اشتريته

اللى بتكلم عليه لازم توصيله على قواطيش البطارية بمشابك و بيدور الموتور حتى مع عدم وجود البطارية من أساسه لأنه بيطلع خرج ١٢ فولت/٣٥٠ أمبير لحظى كافى لإدارة المارش و نفس خرج بطارية العربية....و ده اللى أنا جربته بنفسى مش بقول كلام من دماغى...و فيه زميل اشتراه من سنه و جربه اكتر من مره و برده شغال....ده غير مئات الريفيوهات على مواقع الشراء العالمية امازون و ايباى و خلافه من مستخدمين قوموا بيه عربيات 4X4...ده غير مواقع الكترونيات متخصصة جربت اكتر من موديل و برده انطباعهم ايجابى جداً

ده ريفيو واحد فقط للمعلومة مش اكتر:

Review: Anker’s Jump Starter Portable Charger brings cars and iPhones back to life in emergencies | 9to5Mac

حضرتك بتقول إستحالة يقوم مارش: ياترى فيه سبب علمى او تحربة عملية تخليك تأكد إستحالة الموضوع؟

تحياتى

استكمالاً للموضوع و لأى حد شاكك:

ده لينك لتجربة حيه على يوتيوب بيستخدم فيها الجهاز يقوم بيه عربية بدون وجود البطارية من أساسه

http://youtu.be/E6NwOMndGwQ

View My Video

تحياتى

[م أحمد]

حضرتك بتقول إستحالة يقوم مارش: ياترى فيه سبب علمى او تحربة عملية تخليك تأكد إستحالة الموضوع؟

هى مبادىء تصميم ...الPower بيتناسب مع الحجم

و أنا شايف انه حجمه بناءا على الصورة فى حدود كف اليد ....يعنى لما آجى أقارن الحجم بتاعه مع بطارية عربية هييجى فى حدود 1/10 مثلا من حجم البطارية....و تيار بدأ البطارية العربية بيبقى عالي جدا يتعدى الامبير. ساعة بتاع البطارية. و حدود ال battery bank دا (8 أمبير.ساعة) اقل من تونجر العربية(10 أو15 أو20 أمبير. ساعة)...و ما بيحصلش ان حد بيقوم عربية بتونجر و الا هيتحرق...طبعا battery bank مش هيتحرق بس جهده هيقل اوى لحظة البدأ و هيخسع مع مارش شابط فى كرنك عليه بساتم

بس دا ما يمنعش ان ممكن نوعيات من خامات ألواح البطاريات بتدى قدرات عالية اكتر من البطاريات التقليدية لنفس الحجم.....بس الاحتمال دا بصراحة استبعدته علشان استخداماته فى مجال زى مركبات الفضاء مثلا و بطارياته مكلفة جدا

انا شفت الbattery bank دا مع زميلى فى الشغل بس لاستخدام موبيل فقط ب 150 جنيه

حضرتك جبت دا بكام ؟ و هل جربت تدور مرتين او اكتر ورا بعض بدون بطارية ؟

[ahmedelfeky]

مبدع دائما ياهاني بيه انا عملت سيرش سريع ولقيت في نوع كويس بيتباع ف مصر

Anker Compact Car Jump Starter and Portable Charger

[م أحمد]

استكمالاً للموضوع و لأى حد شاكك:

ده لينك لتجربة حيه على يوتيوب بيستخدم فيها الجهاز يقوم بيه عربية بدون وجود البطارية من أساسه

http://youtu.be/e6nwomndgwq

view my video

تحياتى

لسا شايف الفيديو من شوية

واضح الحجم مش صغير...يمكن علشان اللى فى الفيديو نوعية كبيرة شوية 15 امبير.ساعة.

و من اللينك اللى جابها الاستاذ احمد الفقى واضح ان التمن 650 (من 800 جنيه) يعنى لو شلنا 150 او 200 جنيه تمن مجموعة الشواحن المصاحبة هيبقى تمن الباور بانك 450 جنيه اللى هو تقريبا تمن بطارية العربية و دا اكيد مؤشر ان مواد تصنيعه اعلى و افضل بكتير من البطارية العادية........انا انطباعى عنه فى البداية انه جهاز تعويضى للشحنة اللى هتقل من البطارية لما تضعف بس واضح انه جهاز قائم بذاته و ممكن يحل محلها فعلا

يبقى اللى عايز يجيب باور بانك لموبايل او تاب ممكن يزود شوية و بدل ما يجيب ابو 150 يجيب الجهاز دا و تبقى اضافة كويسة جدا للعربية

شكرا لحضرتك على الموضوع