مشكلة فى رينو فلوانس 2016 ممكن مساعدة من اهل الخبرة ؟

[Ahmed.abdelmon]

1- فى صوت تكتكة او زي زنه فى الرباريز ال ورا مش عارف ده من اه بس لازم يكون حد اعد ورا عشان يحس بيها خصوصا ان الصوت ده مظهرش لم جبت العربية فى الاول وظهر لم فرشت جلد للعربية ده ممكن يكون من اه تربيط عفشة ولا اه بالظبط
2 - الفرامر لم بدوس عليها سعات بيظهر صوت صفارة كدة من الفرامل مش عارف ده من اه

[Hany Saad]

بالنسبة لصوت الزنه اللى ورا و خصوصاً انه مكنش موجود و ظهر بعد تركيب فرش:
اتأكد ان ظهر الكنبه ماسك فى مكانه كويس و ان اللوك اللى بيربط عليه مقفول كويس....اضغط الزر اللى بيتنى ظهر الكنبه و ارجع اقفل الظهر تانى كويس مع رزعه خفيفه علشان تطمن انه رجع مكانه كويس
اتأكد برده ان الكنبه راكبه فى الكلبسات بتاعتها كويس....اغلب الظن ان الكنبه او ظهرها مش ماسكين فى مكانهم كويس

بالنسبة لصرخة الفرامل، لو العربية لسه زيرو فده وارد انه يكون شويه تراب و جنزره خفيفه على التيل و الطنابير و بتروح بالأستخدام و خصوصاً انها مش دايمة مع حضرتك
كمل استخدام الفرامل لغاية ال ٥٠٠٠ كم ميعاد اول صيانة و لو الصوت مختفاش ، قولهم عليها فى الصيانة

تحياتى

[Ahmed.abdelmon]

شكرا على الرد بس دي ممكن يكون ليها علاقة ب الازاز نفسة ال ورا

[Hany Saad]

شكرا على الرد بس دي ممكن يكون ليها علاقة ب الازاز نفسة ال ورا

بصراحة معتقدتش و عمرى ما سمعت عنها فى اى عربية مش بس الرينو
الزجاج الخلفى بيكون ملزوق بسيلكون مخصوص داير ما يدور.....فمن الصعب جداً حدوث رجة او صوت منه حتى و لو كان اللزق مش جيد....اعتقد ده احتمال صعب شوية

حضرتك حددت ان الصوت ظهر بعد تركيب الفرش، اذن اغلب الظن ان فيه حاجة مش متركبة كويس فى مكانها او حاجة بتعمل صوت نتيجة حل الكنبة الخلفية و الكراسى لتركيب الفرش

راجع على كل هذه المناطق مرة أخرى و اتأكد ان كل حاجة راكبة و مستريحة فى مكانها تمام
راجع كمان على الشنطة الخلفية و الأستبن و العده ان ميكونش حاجة مش ثابتة او بتتحرك او بتعمل زنه

ان شاء الله تلاقى السبب و ترتاح

تحياتى

[Eng_hatemfathy]

ممكن تبقي الستارة الخلفية عاملة الزنة دي جرب وانت فاتح ووانت قافل
واحتمال تلاقب وردة سايبة او مسمار مش مربوط كويس وده حصلي فعلا بس في التابلوه فكيته في التوكيل اغير بوابة تهوية التكييف وبقي في زنه والعربية بارده او في فواصل الكباري
فضلت ادعبس لحد ما وصلت لمسمار مش راكب وصامولة الصاج بتاعته هيا اللي عامله كده جبت مسمار وركبته وراح الصوت

[Ahmed.abdelmon]

جربت كل ال انتو قولتولي عليه بردو الزنة موجودة و الزنة طالعة من الرباريز الخلفي من الازاز مش الستارة ولا الكراسى الخلفية ودوست على الكراسى جامد وقفلت الستارة وفتحتها كزا مرة وشوفت الصوت بردو موجود
مش عارف اعمل اه بصراحة انا نفسى مستغرب من حاجة زي دي اول مرة اشوف صوت يطلع من الرباريز الازاز ال ورا قبلها كان معايا كروز 2011 ومكنش فى اي حاجة من كدة