مشكلة جيربوكس اتوماتيك في ميجان 2007

[kamantas]

السلام عليكم
ظهر عندي مشكلة check gearbox في ميجان 2007 بانوراما من سنة تقريبا
رحت التوكيل في صيانة ال120 الف و غير سولينويد و زيت الفتيس و المشكلة راحت 3 شهور و رجعت تاني اكتر من الاول
اول ما ادور و لما امشي على التالت و ييجي ينقل على الرابع تظهر الرسالة check gearbox و يدخل safe mode و الفتيس ماينقلش بعد التالت و طبعا صوت الموتور يعلى جدا و العربية تتقل
لما امشي بيها شوية و ابطل و ادور تاني غالبا المشكلة تروح

ايه الحل ؟ و مين احسن واحد اروحله و يكون محترم و فاهم مش فهلوي و نصاب ؟؟؟

[broadband]

اكيد فيه سولينويد تانى علق .. انا لسه مغير واحد و زيت فتيس و العربية اتغيرت تماما و مابقتش باحس بالنقلات

ممكن تعملها برة التوكيل ... الموضوع بقى مشهور جدا

[kamantas]

اكيد فيه سولينويد تانى علق .. انا لسه مغير واحد و زيت فتيس و العربية اتغيرت تماما و مابقتش باحس بالنقلات

ممكن تعملها برة التوكيل ... الموضوع بقى مشهور جدا

فين يا باشا و بكام ؟

[semsem85]

فين يافندم

[broadband]

انا لسه عاملها فى صقر قريش عند مصطفى
و شغالة تمام و الفتيس بقى ناعم و كأن مفيش نقلات
و الهبدة راحت

حتغيير سولونويد و زيت 4 لتر
انا حطيت زيت ليكوى مولى بييجى جركن 5 لتر مكتوب عليه 1200 تخليقى

[kamantas]

انا لسه عاملها فى صقر قريش عند مصطفى
و شغالة تمام و الفتيس بقى ناعم و كأن مفيش نقلات
و الهبدة راحت

حتغيير سولونويد و زيت 4 لتر
انا حطيت زيت ليكوى مولى بييجى جركن 5 لتر مكتوب عليه 1200 تخليقى

مبروك و شكرا على النصيحة
فين المكان بالضبط و لو ممكن تليفون و كلفتك كام ?

[kamantas]

فين الاماكن اللي ممكن اغير فيها السولينويد و احل اي مشاكل تانية في الفتيس ؟ ياريت اسم الورشة و عنوانها بالضبط

[kamantas]

يا جماعة مش معقول يعني محدش بيرد !!!!

[تامر.محمد]

هو بيقول لك عملها عند مصطفى فهمي اللي في صقر قريش المعادي

[kamantas]

هو بيقول لك عملها عند مصطفى فهمي اللي في صقر قريش المعادي

يا باشا هو مشكورا بيقولي عند مصطفى في صقر قريش
انا طلبت عنوانه و التكلفة يعني مش معقول اوصل صقر قريش و اسال فين مصطفى ؟ لو حضرتك تعرف مصطفى فهمي ده عنوانه فين في صقر قريش ياريت تقولي عشان اروحله
و الموضوع ده يتكلف كام عشان محدش يغلي عليا

[تامر.محمد]

يا باشا هو مشكورا بيقولي عند مصطفى في صقر قريش
انا طلبت عنوانه و التكلفة يعني مش معقول اوصل صقر قريش و اسال فين مصطفى ؟ لو حضرتك تعرف مصطفى فهمي ده عنوانه فين في صقر قريش ياريت تقولي عشان اروحله
و الموضوع ده يتكلف كام عشان محدش يغلي عليا

بص السولينويد فالف في التوكيل ب500 جنيه و برة عند المحروس (اللي في صقر قريش جنب تويوتا على الاتوستراد) ب450
معرفش مصنعية مصطفى فهمي كام بصراحة
بس هو مكانه في صقر قريش المعادي و مشهور اوي هناك

[broadband]

معلش انا كان عندى ظروف و مقدرتش ارد
مصطفى فهمى صقر قريش رابع مدخل من الاتوستراد بعد ما تعدى دائرى المنيب
هو مشهور هناك و اٍسأل اى محل قطع غيار مش ورشة حيدلك
السلونويد 450
الزيت 200
المصنعية 150