رينو في مصر

[Mohamed shokri]

كنت عايز اعرف راي الناس في الرينو دلوقتي في مصر ؟ مستوى العربية ؟ و قطع الغيار غالية متوقرة ؟؟ في مشاكل منتشرة في نوع معين ؟! الوكيل ؟!

[pepo2011]

مشاكل ارينو في الوكيل وقطع الغيار
غير متوفرة خارجا وغالية

[Hany Saad]

كنت عايز اعرف راي الناس في الرينو دلوقتي في مصر ؟ مستوى العربية ؟ و قطع الغيار غالية متوقرة ؟؟ في مشاكل منتشرة في نوع معين ؟! الوكيل ؟!

رأى الشخصى أن الرينو زيها زى أى عربية فى السوق، طبعاً انا بتكلم عن الموديلات الحالية و بعد ما تحالفها مع نيسان أظهر ثماره و رفع جامد من إعتماديتها
مفيش مشاكل منتشرة و العربيات كويسة زيها زى أى عربية فى السوق
بالنسبة لقطع الغيار، غالبية المتوفر فى السوق مضروب بالنسبة لكل الماركات...ليه بأه؟ لأن الشركات الكبيرة مش بتبيع قطع غيارها فى السوق و لا أون لاين....طيب التجار دول بيجيبوا قطع الغيار منين؟؟!
طبعاً كلها قطع تقليد و بدون أى مواصفات قياسية و غير معمرة بالمرة و هتبهدل العربية و عمرها الأفتراضى بعد فترة قصيرة....رخيصة طبعاً إنما مش معمرة و خطرها أكتر من نفعها و هتبقى زبون مستديم عند الميكانيكى
السؤال: هل ينفع أبقى دافع 160 الف جنيه مثلاً فى عربية و مش عايز أصلح فى التوكيل؟؟
أكيد لو مش قد التصليح و قطع الغيار فى التوكيل يبقى موضوع الشراء من أساسه كان غلط
و ده بيسموه ال running cost....لازم أدرس سعر الشراء و أهم منه سعر التشغيل
الرينو سعر قطع غياره و مصنعياته زى الكيا و الهيونداى و الكورولا و كل العربيات اللى فى نفس الفئة...فروقات طفيفة جداً ما بينهم
كتوكيل...يعتبر رينو من أفضل التوكيلات فى السوق

تحياتى

[mmsobhi]

وجود قطع الغيار بالتوكيل فقط ده ميزه مش عيب كده انت مجبر تستعمل قطع غيار اصليه معمره وامان ليك ومش مهم السعر مقابل حياتك والعمر الافتراضي لعربيتك

[تامر.محمد]

كل عربية و ليها ظروفها

ايه العربية الرينو اللي حضرتك بتفكر فيها ؟

[Mohamed Desoky]

هو ده شغل التوكيل قطع غيار مش موجوده غير عنده وبس وتفضل تحت رحمتة سنين وتدفع قد ثمنها مرتين انا شايف ان الرينو فى مصر مش اعتادية خالص اليابانى والكورى افضل طالما هتدفع 160 الف وده راى شخصى

[Yehya Badr]

مع كل الأحترام للأخوة هواة الكوري و الياباني

1) قطع الغيار الأصلية للرينو أقل بكثير من أسعار قطع الغيار الأصلية للكوري و الياباني بل بالعكس حتقل لأن بحلول يناير الجاي معظم قطع العيار الأوروبي حتبقي معفية من الجمارك ننشر قطع غيار السيارات المعفاه نهائيا من الرسوم الجمركية طبقا للاتحاد الاوربي - جريدة البورصة
و بالتالي التجار حيقدروا بستوردوا قطع الغيار إضافة إلي قواعد الأتحاد الأوروبي بتمتع أحتكار السلع و من الممكن الأستيراد من الشركات الموردة رأسا زي فاليو في فرنسا و غيرها
2) أعتمادية الرينو معروفة هي مش اعتمادية الياباني و لكن عربية يعتمد عليها و تستحمل لأن المواصفات القياسية الأوروبية عالية و الدليل أن اللوجان عربية بوليس في أوروبا الشرقية مع الوضع في الأعتبار فارق السعر !
3) صيانة العربية يقت أسهل مع أنتشارها و معرفة تفاصيلها الهندسية و الصنايعية كتروا و ما بقتش مشكل
4) توكيل رينو توكيل جيد لحد كبير توكيل كويس له عيوبه لكن مش مؤثرة !
5) أرجو من الأخوة أنهم يقولوا علي أخبار تويوتا ياريس و أفانزا ! ما دول ياباني برضة و فشلوا و أعتماديتهم زفت و أسعار قطع غيارهم نار و مش متوافر لا جوة التوكيل و لا برة التوكيل !! فكل عربية لها مزايا و عيوب ! المهم أنت عايز أية و تقدر تتعايش مع أية ؟؟؟

[تامر.محمد]

مع كل الأحترام للأخوة هواة الكوري و الياباني

1) قطع الغيار الأصلية للرينو أقل بكثير من أسعار قطع الغيار الأصلية للكوري و الياباني

ده حقيقي بالارقام بالنسبة لعربيات فئتها , و العربية اعتماديتها مش وحشة بالمرة