الغاء الصيانات الفردية فى توكيل رينو بداية من 1/1/2016

[احمدعبدالعزيز]

السلام عليكم ورحمة الله

اعلن توكيل رينو عن الغاء الصيانة الفردية المجانية للسيارات ابتداء من 1/1/2016 وتم التأكد من الخبر

راى الشخصى يجب اتخاذ موقف مع هذا القرار ليه بقا لانى لسه شارى فلوانس 2016 وما كملتش حتى الالف كيلو

[Yehya Badr]

للأسف الكلام دا صحيح

[scientist9508]

عذرآ ممكن توضيح . . . ما المقصود بالصيانات الفرديه و المجانيه؟

[أسامه الحسيني]

عذرآ ممكن توضيح . . . ما المقصود بالصيانات الفرديه و المجانيه؟

الصيانات الدوريه كل 10000 - 20000 - 30000 - 40000 - الخ و ودي كانت بفلوس
اما الصيانات مجانيه كل 5000 - 15000 - 25000 - الخ كانت مجانيه لكن دولوقتى التوكيل لغي الصيانات المجانيه
دا المعروف من التوكيلات لما يحقق نسب مبيعات يبداء يفرض شروطه ويتحكم كمان

[amr.elsayed]

وجه نظرى انها من افضل القرارات التى اتخذها توكيل رينو !!
الصيانات الفردية ما هى الا مضيعة للوقت للعميل وزيادة ضغط على التوكيل بدون داعي

[عمر مصطفي محمد]

ازاي كده دانا اسه مكملتش الفين كم و كلمتهم اخر شهر ديسمبر قالولي صيانة ال ٥٠٠٠ مجانية ...ده استهبال

[عمر مصطفي محمد]

انا اتصلت بتوكيل رينو وعملت فيهم شكوي...بس ممكن حد يفهمنا هو الغاء الصيانات دي في ضرر علي العربية ولا لأ..

[Hany Saad]

للتوضيح بس يا جماعة:
فعلياً الصيانات الفردية مكنش ليها اى لازمة و كانت عطلة و وقت ضايع على الفاضى.....و دى كانت افتكاسة من توكيل رينو زمان لما كان الضغط عليهم خفيف، فاخترعوا الاختراع ده علشان يعمل رجل على مراكز الخدمة، قوم بعد ما يبص على العربية مرة تطلع معاه تيل فرامل، مره كاوتشة مش عارف ايه، يعنى انتوا عارفين السواقة فى مصر بتبهدل العربيات و الأمر ما يخلاش....انما هذا الأمر غير مطبق غير فى مصر فقط و ليس ضرورى او ملزم من رينو فرنسا
و فعلياً ملهوش اى فايدة للعربية لانه كان بيتكروت

- لما زاد الضغط جداً عليهم مؤخراً من المبيعات الرهيبة للوجان و السانديرو و الفلوانس و مراكز الخدمة مبقتش ملاحقة....فطبعاً اسهل و اقرب حل هو الغاء الصيانات اللى مكنش ليها لازمة من الاساس لانها عامله traffic عالى بدون داعى

تحياتى

[marsguy]

للتوضيح بس يا جماعة:
فعلياً الصيانات الفردية مكنش ليها اى لازمة و كانت عطلة و وقت ضايع على الفاضى.....و دى كانت افتكاسة من توكيل رينو زمان لما كان الضغط عليهم خفيف، فاخترعوا الاختراع ده علشان يعمل رجل على مراكز الخدمة، قوم بعد ما يبص على العربية مرة تطلع معاه تيل فرامل، مره كاوتشة مش عارف ايه، يعنى انتوا عارفين السواقة فى مصر بتبهدل العربيات و الأمر ما يخلاش....انما هذا الأمر غير مطبق غير فى مصر فقط و ليس ضرورى او ملزم من رينو فرنسا
و فعلياً ملهوش اى فايدة للعربية لانه كان بيتكروت

- لما زاد الضغط جداً عليهم مؤخراً من المبيعات الرهيبة للوجان و السانديرو و الفلوانس و مراكز الخدمة مبقتش ملاحقة....فطبعاً اسهل و اقرب حل هو الغاء الصيانات اللى مكنش ليها لازمة من الاساس لانها عامله traffic عالى بدون داعى

تحياتى

أنا ما روحتش صيانة الـ 5 ألاف عشان عارف إنها تضييع وقت. بس أنا متفهم إن الناس ممكن تتضايق لإلغاء حاجه كانت موجوده بالفعل.

[Waleed_Fathy]

الصيانات دي تضيع للوقت
انا عمري ما روحتها و لا مرة

[M.Radwan]

أصلا الصيانة في التوكيل تضييع وقت جامد وخراب بيوت..وبما إن الناس كلها مش بتروح غير عشان الضمان
يبقى كده أحسن بكتير

[Colin Chapman]

وجه نظرى انها من افضل القرارات التى اتخذها توكيل رينو !!
الصيانات الفردية ما هى الا مضيعة للوقت للعميل وزيادة ضغط على التوكيل بدون داعي