إستفسار بخصوص الفلوانس

[haitham06]

السلام عليكم
أنا معايا فلوانس ٢٠١٦ عاملة ٨٥٠٠كم، فجأة وأنا ماشي طهرت لي رسالة تحت settings menu بتقول vehicle stopped دي معناها إيه؟ وليه ظهرت فجأة من ساعة ما إشتريت العربية.
الرسالة دي بتتغير لما بأقف بالعربية في إشارة مثلاً من الرسالة المذكورة إلي press and hold وبمجرد ما باتحرك بترجع تاني!
عاوز أعرف بس دي إيه؟ وشكراً مقدماً

[man1974]

السلام عليكم

اقرأ الكتالوج بتاع العربية، هتلافي فيه شرح جميع الرسائل دي.

وشكرا

[scientist9508]

أتمنى لو أن أحد الأعضاء يقيدنى بعلمه لأننى متشوق لمعرفة معناها

[haitham06]

مفيش حاجة في manual بتقول معني الرسالة دي
يا ريت لو حد عنده فكرة يتفضل يشرحلنا معناها، وشكراً علي تعبكم

[Hany Saad]

حضرتك كنت بتحاول تغير فى ال setting menu و العربية ماشيه، فطلعتلك رسالة VECHILE STOPPED يعنى مفيش تغيير غير و العربية متوقفة حتى لا يحدث تشتيت للسائق
و اول ما بتقف بتطلعلك رسالة PRESS AND HOLD علشان تكمل اللى كنت بتعملة فى قائمة ال SETTINGS او تدوس دوسه طويله علشان تخرج من القائمة
مفيش اى حاجة مقلقة، كل اللى عليك انك تخرج من ال Settings menu عن طريق دوسه طويلة لاحد الازرار اللى فى طرف دراع المساحة

تحياتى

[haitham06]

شكراً لرد حضرتك يا باشمهندس/ هاني
الفكرة إني حاولت فعلاً أخرج من settings menu بعد ما وقفت العربية بس لقيت الرسالة لسه موجودة طول ما أنا ماشي بالعربية وبتروح ويظهر مكانها press and hold لما بأوقف العربية، مش عارف إيه الحكاية!

[haitham06]

فيه حد يا جماعة عنده فكرة أطلع منها إزاي دي؟!
وشكراً

[bukla]

فيه حد يا جماعة عنده فكرة أطلع منها إزاي دي؟!
وشكراً

أخي العزيز
السلام عليكم و رحمة الله و بركاته
المنيو دي خاصة بتعديل اللغة و تنشيط الغلق التلقائي للابواب عند التحرك و ما تقدرش تخش عليها الا لما تكون العربية واقفة تماما علشان الامان (الدخول جوه المنيو الفرعية بالضغط المطول على الزر اللي في زراع المساحة لفوق او تحت)
للطلوع منها اضغط على الزر اللي في دراع المساحة ضغطة واحدة (مش مطولة) لفوق او تحت
بالتوفيق ان شاء الله

[dr_mohamed16]

شكراً لرد حضرتك يا باشمهندس/ هاني
الفكرة إني حاولت فعلاً أخرج من settings menu بعد ما وقفت العربية بس لقيت الرسالة لسه موجودة طول ما أنا ماشي بالعربية وبتروح ويظهر مكانها press and hold لما بأوقف العربية، مش عارف إيه الحكاية!

ماهى press and hold ديه معناها اضغط و علق صبعك على الضغطة
بس لازم تكون العربية واقفة
و عموما و هى ماشية لو عايز تطلع من الرسالة ديه اضغط فوق او تحت